Ayịsaya 1:7 - IWE ỌNỊNỊ

⁷ A sị ẹkụra awụ nịnị tụ́ osusu, dị a maanị rị ọ ịra saka-saka nị. Ịnị eyi awụ googoro, ọzọga nịnị ệ ngụ ịnị aarẹ awụ di e du avaba anị ha nị.

Ayịsaya 1:7 ပူးပေါင်းရင်းမြစ်များ

2 Ịtọpa 28:5

Ohinọyị Ahazi ộ mẹ̀ ebira odivi, dị Ẹnẹyịmavara ana vị Ohomorihi anị navọ ọ ka ohinọyị Anisiriya ô huna a eyi ịrẹkụ, dị ọ kụ́ Anijuda ọrụrụ-ọrụrụ ọnị ọ za ọrịhị vavẹ va ngụ Ịdamasịkọsị nị. Avọọ Ịpẹka ozi Iremaraya ana vị ohinọyị Anisirẹrị ịnị ụmẹ ọnọọ mẹ rẹ nyị ẹbẹẹba Ahazi, dị ọ nyayịnẹ wụ̀ aza anị va ha nị.

Ahẹ Ụgama 107:34

dị ẹtẹ ana vịdị aa mẹ̀ ịsa ọ̀ vara ẹtẹ anọ-anọ ẹnẹ ẹ̀ yị kụkụ zụ mẹ̀ ịsa. Ebira edivi ana aza ana ra hi ịzọọ aa mẹ ọ mẹ ka Ohomorihi ọ̀ vavọọ mẹ ịzọọ nị.

Ahẹ Ụgama 107:39

Ụpẹ ọnya kẹnẹ di e nyima aa jịị ha nị, dị ịrẹyị odivi tù wa, dị ẹ rị ụya nị. Dị ịrẹyị ẹnẹẹ và wa nọ ẹtẹ nị.

Ahẹ Ụgama 109:11

Navọ ahịka vị ọnụta va dọ ọ avaba ogu ọnị ọ nyị, dị azọga ẹva kú avaba ogu ọnị ọ sị ụvọ anị mẹ.

Ayịsaya 1:8

Ijerusarẹmị kẹnẹ ọ kụkụ vọ nị. Ọnị vị ana sị mẹẹ anka ajẹngụ ọnịịnya ene ee sere aparị ana a jị tụ́ ịnị aarẹ ana a kụ́ ịpapara tụ́ avọọ. Mị ka Ijerusarẹmị vị ana yà anka ẹkụra ọnị ọnịrị kara okiri-okiri avọọ.

Ayịsaya 3:8

Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta.

Ayịsaya 34:9

Okuha Anedomi vaa vara ọ̀dà, dị eteesu anị aa rị ịra anka ohuru avọọ. Ẹtẹ anị vị ana vaa vara ọ̀dà ịrịịra

Ayịsaya 49:19

Ijerusarẹmị ô sị du. Ẹ yị nyị ịsị ẹ vọ. Ama e vee tenyi ọ dà, dị aza hi ọ. Ọnịvị ẹnịnị ene divi sị huu da zị ana na.

Ayịsaya 5:17

Atẹmẹ nịnị vaa naa rị anka ịnị avị ịzị ẹẹ̄ rị, di ozi atẹmẹ nịnị aa rị ini eburu aza ẹbanyị nịnị.

Ayịsaya 5:9

Mâ wụ́ ịrẹyị ẹnẹ Ẹnẹyịmavara Ochẹtẹẹngụ kà. Ọ kà irehi ẹbanyị-ẹbanyị ana vavọọ zoza avọọ vị ọnị vaa tụ́ osusu saka-saka.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ayịsaya 60:15

 vịdị nyị ịhyẹrẹ awụ, dị ọzọza zwe hụrẹ ẹngụ nị. Ama booro aanị, Ẹnẹyịmavara kà ọnị vee tenyi ọ, dị ọ zoza, dị vara ẹkụra ana wụra mẹ eyi pooro zịna-zịna.

Ayịsaya 62:8

Ẹnẹyịmavara o reè wo oto ẹtẹẹtẹrẹ. Ọ vaa sị ụkata anị mẹ̀ ẹ. Ọnịvị Anisirẹrị nịnị ẹ yị kụkụ vaa sị akụ ẹnịnị mẹ ịsọyịrị ẹnịnị. Anikinami nịnị ẹ yị kụkụ vee hu eche ẹnẹ ẹnịnị ka ẹhị mi tụra ịrẹsụ.

Ayịsaya 64:10

Avaba ẹkụra awụ ẹ sị vara ụnọmị. Ijerusarẹmị ọ raa tụ́ osusu.

Ayịsaya 9:18

Ebira edivi aza ẹnẹẹ vị ana aa za anka ọrịra mẹ̀ẹ rị avaba avị ịra avọọ. Areyi vị ana maanị aa dà dụụmẹ aanị.

Ayịsaya 9:5

Adava oku isoja nịnị ana ngụ tu wa ọnịrị awuru anya-anya ẹnịnị vị ana vaa rị ịra vaa ha.

Ijeremaya 2:15

Ọnịvị Anisirẹrị nịnị aa hàa hi wa anka idu avọọ, ẹ kụ aza dụ hụrị ẹtẹ Isirẹrị, dị ẹkụra ẹnịnị sị jị eburu nị. Aza ẹ sị hụ́ hụụnị anị bemi-bemi.

Ijeremaya 4:7

Ịsị ee du ẹkụra ha ọ sị jịnẹ tụ ẹhẹ aa vẹ, anka idu ana jịnẹ hụrị aha ọyị tẹ anị avọọ. Ee vee du Ijudaa ha. Avaba ẹkụra ene hi Ijuda vị ọnị vee vú ẹtẹ dị ẹ yi nyị ọza ana kụkụ ra ịnị anị.

Ijeremaya 44:6

Ọ kà agụvị avọọ ọnị vavọọ kụ ayị hi ẹkụra ene hi Ijuda ọnịrị avaba oze ene hi Ijerusarẹmị dị ọnị jị ịra da wa nị.

Ijeremaya 6:8

Ọ kà, ẹwụ nịnị Anijerusarẹmị ọ̀ jẹẹ, dị ẹngụkata ẹnẹnị ọ̀ kà wụ nịnị ọ̀nọ̀, ka ẹyị vị avọọ ọnị va hụrẹ ẹwụ nịnị ụvọ. Ọnị vaa jị ẹkụra awụ nịnị eburu dị ẹ yị kụkụ nyị aza vụrụ-vụrụ.

Ijeremaya 7:34

Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Arụwẹ 5:2

Azọga ẹ sị yị dọ ogu ọnị ohiku ayị hụrẹ ụvọ tịtẹ yị yị. Anẹkụra ọsa nịnị ẹ kụkụ ra ịnị eehi ayị nị.

Ezikẹẹrị 25:4

Ka wâ ịrẹyị ẹnẹnị mẹ mẹ, ọnị va navọ ka Anẹkụra ene hi eyi ịzị ọyịị̄ zịị hụrẹ ka ẹ̀ kụ ịrẹkụ va rị wụ nịnị. Ẹnịnị vaa vẹ vaa jị udii hi ẹkụra awụ nịnị, dị ẹ kụkụ rá ịzọọ. Ẹnị ẹ̀ vanaa rị ẹtụtụ ọchị awụ nịnị nị, dị e re yee hu ịrẹva ịsụpa awụ nịnị nị.

Ezikẹẹrị 30:12

Ẹnẹyịmavara kà, ọnị vaa mẹ ka enyi ịnị Irehu Ịnayịrị ọ̀ wụ, dị ọnị sị Ijipiti chire aza edivi ụvọ. Anẹkụra ọsa vee du ẹtẹ Ijipiti ha sẹkẹ-sẹkẹ. Ọnị Ẹnẹyịmavara ọ kà avọọ nị.

Ihoseya 7:9

Ẹnịnị ẹ yị yẹ ka anikinami ẹnẹẹ ẹ raà tụ ẹnị ọkụmị. Ịrẹsụ ẹnịnị ẹ̀ ta vị ẹwẹwa, ama ẹnịnị ẹ yị yẹ ka ẹnị ẹ yị kụkụ nyị ụkata.

Ihoseya 8:7

Ẹnịnị ee chire ahị tụ ịnị aarẹ, okoruwa ọ vị ịsa ọyịna ọnị e vee re nị. Ọchị ihwiti ana aa jẹẹ vị ana vaa wụ̀, dị ẹ yị nyị ịsa, Ẹnịnị ẹ̀ẹ nyị ịsa ọyịna akụ, anikinami kẹnẹ aa rị ọ yị wa nị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Ireevi 26:34

Ịjọnọọ, ẹtẹ ọnọọ vaa yẹ́ ịsị aā hị́ ịrayị ana á sịị̄ tụ́ ụhwọ́ pooro avaba ụmẹ ọnị ọ vavọọ tụ osusu. Ụmẹ avọọ vị ọnị Anisirẹrị nịnị ị́ vaa yà ịnị ẹtẹ ọnịvị ẹnịnị. Ẹtẹ ẹnịnị vaa tụ́ ụhwọ́, dị ee hine ụmẹ ụhwọtụ anị.

Imika 5:11

Ọ kà ọnị vee du ịkẹkẹ ịrẹkụ awụ nịnị dị ọnị gara ịzị ụụ̄ tẹ nịnị.

Imika 6:13

Agụvị avọọ, ụ vaa rị ụya m maa pá ịvaa wụ Mi vee vu wu ẹtẹ saka-saka agụvị ebira odivi awụ.

Iwe Ọhụhị Imosiisi ana aa hị́ Ọyịvatụrọda 28:33

Ụ vaa kụ ịrụkụ nịnị ẹtẹẹtẹrẹ, ama anẹkụra ọsa ẹ vaa rị avaba ịsa ọnị ụ mẹ hụụnị aarẹ awụ nịnị. Ẹnịnị vị ana vaa mẹ ẹvayaa yị wụ nịnị, dị ẹyaa chamayịị wụ pooro.

Iwe Ọhụhị Imosiisi ana aa hị́ Ọyịvatụrọda 28:43

Anẹkụra ọsa ana ra ịnị akakana awụ nịnị vị ana va nyị ụkataa hu avọọ hu avọọ, ama dị ẹwụ nịnị tangwa aa tụ ọkụmị.

Iwe Ọhụhị Imosiisi ana aa hị́ Ọyịvatụrọda 29:23

Ẹnẹyịmavara vaa sị ohuuru ọnịrị anọ du ẹtẹ awụ nịnị ha. Ẹ yị nyị ịsa ana zụ chire, dị ọ hyakụ va chị. Ẹ yị nyị avị ọnị ọza vee re ịzọọ. Ịzọọ vaa tụ́ osusu anka Isodọmị ọnịrị Igomora ne beri Adima ọnịrị Izeboyimi ọnị Ẹnẹyịmavara sị ọyịkụ-ọyịkụ vu ẹtẹ.