Ayịsaya 1:5 - IWE ỌNỊNỊ

⁵ Sị ẹ vẹ dị waa yịị mẹ̀ ebira odivi hu avọọ nịnị? Aanị ka u wee sì ka à sịị sị ụyaa rị wụ nịnị hu avọọ nị? Ịrẹsụ awụ vị ụnava-ụnava, ewu aa vaa za ẹwụ nịnị ịnyẹmba.

Ayịsaya 1:5 ပူးပေါင်းရင်းမြစ်များ

2 Ohinọyị 1:13

Ohinọyị ộ rẹ varẹma tụ́ ọga isoja ọsa beri aza ẹnị ẹvarẹwụ. Ọnọnị ộ hịrẹ ataba ne tu Erija, dị ọ sị idinku ku ẹtẹ ọvịdị anị dị aa da ịpẹ nị. Ọ kà ọza Ohomorihi, ọ̀ navọ ọ vayị ọnịrị aza anị de. Ọ kà ọ̀ navọ à sị ọ wụ ẹnị de.

2 Ịtọpa 28:22

Ịrẹma odivi-odivi ana maanị tu ọ aanị, ọ vana da ngụ ịnị ebira aa mẹ hi Ẹnẹyịmavara hu avọọ nị.

Inehemaya 9:34

Hi ohinọyị ayị nịnị o, hi ezi ohinọyị nịnị bẹ, hi ẹnị ohirẹsụ irehi Ohomorihi ọnịrị ada ayị nịnị, ẹ yị nyị ana wụ́ chire wụ; ẹnịnị ẹ yị rẹ saasa ọda Awụ vụrụ-vụrụ.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ayịsaya 31:6

Ẹwụ nịnị Anisirẹrị, wa raà mẹ̀ ebira odivi hi Ohomorihi nịnị. Navọ wa varẹma ka a na nịnị.

Ayịsaya 33:24

Nyị ọza ana ra ẹnị ẹngụ kụkụụ vanaa zị. Ebira odivi ana aza ana ra hi ịzọọ ẹ̀ẹ mẹ vị ọnị Ohomorihi vaa vagu wa ịnị anị.

Ayịsaya 9:13

Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ.

Ayịsaya 9:21

Anịmanasẹ ọnịrị Anehwireemi vaa wụ̀ ẹngụụ rị. Ẹ rẹ vaa vabẹ tù Anijuda. Dị ẹ daka maanị aa rịị rị ụya, Ẹnẹyịmavara ọ yị vaa vàa hụụnị ọyịkụ anị, vị aa tịị tana ụvọọ za wa nị.

Ijeremaya 13:23

Anetiyopiya nịnị ẹ́ẹ́ zụ vara ụpẹngụ ẹnịnị àvị ẹzụ ọ zụ vara achẹrẹ anị nị? Ẹnịnị ẹẹ zụ vara a, ẹẹhẹ, ẹwụ nịnị ana ahịka udivi kẹnẹ ụụ mẹ nịnị aanị nị, ẹwụ nịnị rẹ va zụụ kọsẹ ọyịza ọyị mẹ kẹ.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ijeremaya 2:30

Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 44:15

Ijeremaya ka, dị avaba aza ana yẹ́ ka ose ẹnịnị ệ mẹ̀ ịsọvọ hi ori, avaba anyẹnẹẹ ana jẹẹ ịzọọ beri Anisirẹrị nịnị ana ra hi eyi ụvẹtẹ Ijipiti, ẹnịnị aa gigirigi aanị, dị ẹ tu ọnị ohi ka:

Ijeremaya 5:3

Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ijeremaya 5:5

Avọọ ọnị ee ne tu ọdọvịdị ẹnịnị dị ọnị ò pe wa ka ịrẹyị. Ịzẹyịza ẹnịnị ẹẹ yẹ ịsị Ẹnẹyịmavara Ohomorihi ee si ka ẹnịnị ọ̀ mẹ. Ama avaba ẹnịnị ẹ ka ẹnị ẹ yị dọ ka Ẹnẹyịmavara ọ nyị ọda ẹnịnị nị. Ee yi ka ẹnị ẹ yị wụ́ chire e.

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Arụwẹ 5:17

Ịrẹyị ẹnẹnị ẹ raa mẹ ka ayị ayị ọ va zi, ẹgọ ẹ yị kụkụ zẹẹ ka ye re ẹtẹ ẹtẹẹrẹ ị maa jị òrèrè,

Ezikẹẹrị 24:13

Ẹwụ nịnị Anijerusarẹmị, ebira ịrẹkọyịsẹ awụ nịnị ọ raa mẹ ka asị ụ kụkụ nị nịnị. Ọnị ộ sị vụrị ka ọnị ọ̀ dụ wụ hụụnị anị nịnị, ama vị waa yịị mẹẹ nịnị nị. Wẹ́ yị vaa hụụnị ịrẹkọyịsẹ nịnị ẹ̀ yị vị ọ̀ọ raa sị ọyịkụ anị zụ̀ wụ nịnị ẹtẹẹtẹrẹ.

Ezikẹẹrị 34:16

Ọnị vee sị̀ ẹnị ene vu, ọnịrị ẹnị ana sị ha hụrẹ oze, dị ọnị kụ́ wa vavẹ eehi. Ẹnị ana ahụ aa zị, ọnị vaa jị ịsaa sụ ọ yị wa. Ọnị vaa mẹ ka ẹnị ana tụ ọkụmị ẹ̀ nyị ụkata. Ọnị vaa si eyi pe ẹnị ẹbanyị-ẹbanyị ana nyị ụkata, dị ọnị aa sị ịzẹyịza pa avaba ẹnịnị.

Ezikẹẹrị 34:4

Wẹ́ yị tẹsị ẹnị ana tụ ọkụmị nịnị, ẹnẹ ẹngụ aa zị, wẹ yị tẹsị ẹnịnị ka ẹngụ ẹnịnị ọ̀ ta. Ẹnị ẹnẹ che ahụ, wẹ yị jị ịsa hi ọ yị wa ka ọ̀ vị. Ẹnị ana ha ngụ avị, dị e sị vu, wé yị ne sì wa, dị wa kụ́ wa vavẹ nịnị. Ama dị wa chamayịị yị wa nịnị nị.