Ayịsaya 1:4 - IWE ỌNỊNỊ

⁴ Ho! wa sị dà nịnị ẹwụ nịnị aza edivi ẹnẹnị, ẹwụ nịnị eni ebira odivi maanị nyayịnẹ chi ẹngụ aanị. Ezi aza edivi ụ vị nịnị nị. Wa sị ẹmị Ẹnẹyịmavara yi tịtẹ nịnị, ẹmị ọnịnị ana vị Ohomorihi Anisirẹrị ụ và ịrẹma kà nịnị aanị nị.

Ayịsaya 1:4 ပူးပေါင်းရင်းမြစ်များ

Oyinyima 13:13

Ama Anisodọmị vị aza edivi hangụ-hangụ, dị ẹ nyayịnẹ aa mẹ̀ ebira odivii ene du Ẹnẹyịmavara ayị nị.

2 Ohinọyị 21:22

Amọnị ô yi Ẹnẹyịmavara Ohomorihi ohiku anị, dị ọ mẹ akamawụ hi ọda Ẹnẹyịmavara.

2 Ịtọpa 12:1

Irehobowami mẹ raà nyị ahụ hi ẹtẹ anka ohinọyị kẹnẹ ọnịrị aza va hụrẹ ụvọ ọda Ẹnẹyịmavara tịtẹ nị.

2 Ịtọpa 27:2

Ộ mẹ̀ ebira ene hine Ẹnẹyịmavara anka ada anị mẹ vịdị mẹ̀. Ama ẹ̀ yị hama ada anị mẹ akụvị ọnị ọ sị rị eturare ịra ịnị irehi Ohomorihi. Ịhị ụmẹ anị aza ệ mẹ̀ ebira odivi.

Inehemaya 1:7

Ẹnị ẹ raà mẹ̀ ebira kẹnẹ-kẹnẹ hi Ohomorihi. Ẹnị ẹ yị saasa ọda ọnị ọ sị tụ Imosiisi ozi ahụ anị hi ẹnị.

Ahẹ Ụgama 58:3

A mẹ̀ hụrẹ ma aza edivi ẹ hụrẹẹ̄ mẹ̀ ebira akụvị nị di e yee cheeche pooro kẹnẹ.

Ahẹ Ụgama 71:22

Mị vaa sị àgidibò amị dị maa sịị jị ahẹ kụ́ wụ avọ ka wâ nyị ịzẹyịza Ẹwụ Ohomorihi Anisirẹrị, mị vaa jị ahẹ kụ́ wụ avọ.

Ahẹ Ụgama 78:40

Ọza ọ yị yẹ ụpẹ ịrịka yà ẹnị ẹ sị kwẹẹtẹ tù Ohomorihi ịnị ụnọmị, dị ẹ yaa mẹ ka ayị anị ò du.

Ahẹ Ụgama 78:41

Ẹnịnị ệ zama Ohomorihi re ụpẹ akawụ ẹkẹhị, dị ẹ yaa kụ́ ẹngụkataa tù ọ.

Ahẹ Ụgama 78:57

Ẹnịnị ọnị ẹ yị rẹ sị ịnẹ yị Ohomorihi, ẹ yaa mẹ̀ ebira ohiku ẹnịnị Ẹnịnị vị ana sị mẹẹ anka ọpa ana rara avọ, ọza ọ yị zụ sị ayị tụra wa.

Ahẹ Ụgama 78:8

Dị asị ẹnịnị na hama ada ẹnịnị ana vị anakamawụ ọnịrị Ananyị ọkatẹngụ. Ada ẹnịnị ẹ yị sị ayị ẹnịnị yị Ohomorihi tù ịnẹ tù ịnẹ.

Ahẹ Ụgama 89:18

Mị ka Ẹnẹyịmavara ee sere yị ka asị a nyị ịsị e tù yi nị. Ọnị Ohomorihi ana Anisirẹrị aa hẹkẹ ọ vị ohinọyị ayị nị.

Ọyịkụra 32:7

Dị Ẹnẹyịmavara va hị́ Imosiisi dị ọ ka, “Wụsẹ we chii na agụvị ka aza awụ ọnị ụ kụ́ hụrẹ Ijipiti aa vẹ ẹ sị ngụ ini ebira odivi aa mị. Ẹnịnị ẹ yị kụkụ yẹ mị.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ayịsaya 1:28

Ama aza ana aa kụ̀ụ hịrẹ ẹ dị ẹ yaa mẹ̀ ebira odivi vị ọnị ọ vaa garaa ha. Avaba aza ana ka ẹnị ẹ yị saasa a vị ọnị ọ vaa wụ̀ vaa ha.

Ayịsaya 10:6

ka me si tụ́ aza ẹnẹ ẹ̀ yẹ ẹmị Ohomorihi. Mâ tụ́ wa ka ẹ̀ na kụ́ ogu aza ana mẹ ayị kụ́ mị. Mị ka ẹ̀ na vara wa eteesu dị ẹ̀ẹ kụ́ ahụụ hi wa ini orere.

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Ayịsaya 14:20

Wa sị ẹkụra awụ va nẹtẹ, wa kụ́ aza awụ va ha, agụvị avọọ ọza o yi vee ne wu anka a mè ne ohinọyị ana vọ. Avaba evere awụ vị aza edivi. Ẹnịnị ệ ta ịnị ẹhẹ pàá.

Ayịsaya 29:19

Ẹnẹyịmavara ana vị Ohomorihi ẹnịnị ana Anisirẹrị aa hẹkẹ rẹ vanaa mẹ ka onosiye nịnị ẹ̀ rẹẹ jẹ.

Ayịsaya 3:8

Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta.

Ayịsaya 30:1

Ẹnẹyịmavara kà wa sị dà nịnị ẹwụ nịnị anakamawụ ẹnẹnị. Ẹwụ nịnị ana ahịka ẹẹngụ awụ nịnị kẹnẹ ụụ̄ dàa mẹ nị, dị wẹ̀ yị zẹẹ ka ò pè wu nịnị juwe. Ẹwụrị aza aa naa vaa bẹ nịnị, ama wâ yẹ ka ọ yị nyị ụvọ tụ́ ọ. Dị ụ vavọọ aa mẹ̀ ebira odivi ẹnyị tụra ọsa nịnị. Mị ka wa sị dà nịnị.

Ayịsaya 30:15

Ẹnẹyịmavara ana vị ohinọyị keekere, Ohomorihi ọnịnị ana Anisirẹrị aa hẹkẹ ka wàa yaanị và hụụnị ebira odivi awụ nịnị dị ụ mẹ ẹngụ awụ nịnị hẹẹ, dị ụ sị ayị tụra ọnị nị, ụ yaanị sị há dị ụ rẹ nyị ụkata nịnị.

Ayịsaya 30:9

Aza ẹnẹnị vi anakamawụ, dị ẹ rẹ vi enevene nị. Ẹnịnị e yi sì ka ẹnị ẹ̀ wụ́ ịrẹyị ẹnị Ẹnẹyịmavara ọ̀ọ kà.

Ayịsaya 31:2

Ohomorihi ọnị ọ rẹ yẹ ịrẹyị, ộ. Ọ zụ kụ́ ịrẹyị odivi ve tù wu nịnị. Ịrẹyị ọnị ọ̀ọ sị kà, avọọ ọ mẹ̀ raa mẹ̀ ẹ nị. Avaba aza ana aa mẹ̀ ebira odivi ọnịrị aza ana aa sị ọtụụ kà wa ịrẹma ẹnịrị Ohomorihi ẹ raà kụ́ eyi gẹrị ẹngụ.

Ayịsaya 37:23

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Ayịsaya 41:16

di o hira a hi ịnị ahị, dị ahị kụ ọ ne hu, di opomi gara a hi ozi. Ịjọnọọ ayị ẹnịnị vee hine agụvị ka ọnị ọ vị Ohomorihi ẹnịnị nị. Ẹnịnị vaa ga ọnị, Ẹnẹyịmavara Ohomorihi ọnịnị Anisirẹrị.

Ayịsaya 41:20

Aza vee re ịsa ẹnẹnị, dị ẹ yẹ ka ọnị Ẹnẹyịmavara ộ mẹ̀ ẹ nị. Ẹ vaa yẹ ka Ohomorihi ọnịnị Anisirẹrị ộ vavọọ mẹ̀ ẹ nị.

Ayịsaya 5:19

Ẹngụ ẹwụ nịnị ẹnẹẹ aa kà a ka ịsa Ohomorihi ọ̀ọ ka ọnị aa mẹ ò jintu mẹ di we re e nịnị. Ụ ka Ohomorihi Anisirẹrị ọ̀ mẹ̀ ịsa ọ̀ọ nyị tụ́ ịnị ayị dị a re di we re e nịnị.

Ayịsaya 5:24

Wâ yẹ ịra mẹ̀ẹ rị avị ana sị wụ ịra, dị ẹpa anị ọnịrị ododo anị vụ̀ va ha. Avọọ gẹdẹ-gẹdẹ a mẹ̀ vaa mẹ aza ẹnẹẹ nị, agụvị ka ẹ ka ẹnị ẹ yị dọ ọda Ẹnẹyịmavara Ochẹtẹẹngụ. Ẹ raà sị eyi ịyẹyẹ re ịrẹyị Ohomorihi Anisirẹrị.

Ayịsaya 57:17

Mâ kụ ayị hi wa agụvị ebira edivi ọnịrị ọhọọha ẹnịnị. Mâ sị ụya rị wa, dị mị hụrẹ wa ụvọ nị. Ama ẹnịnị vị ana ayị ẹnịnị yị katẹngụ, dị ẹyị và tụ oze ẹnịnị.

Ayịsaya 58:2

Ẹ yaa hẹkẹ ọnị eyinị-eyinị. Ẹnịnị ẹ yaa mẹ̀ ọ sị mẹ̀ẹ anka e yee si ka ẹnị ẹ yẹ oze ọnị dị ẹnị ẹ saasa ọda anị nị. Ẹ kà ọnị ọ sị ọda kẹnẹ yị ẹnị, ayị ẹnịnị vee hine ọyị hẹkẹ ọnị.”

Ayịsaya 65:11

Ama ẹwụ nịnị ana va ịrẹma Ẹnẹyịmavara, di u hi ayị ataba ọnịnị amị nịnị, ẹwụ nịnị ana naa hẹkẹ ori ana aā hị́ Igadi ọnịrị ori ana aā hị́ Imeni. Ori ẹnẹnị ụ ka ẹẹ̄ mẹ ka ọza ọ̀ nyị ịrẹsụ ọyịza, dị ẹ mẹ ka ịsị ẹ̀ẹ vị ọ́ọza ò ree dọ nị, áawụ nịnị vaa vị irenyi.

Ayịsaya 65:3

Ụhị́ ẹ yị ma nyị wa, vị ẹẹ̄ mẹ ayịị kụ́ mị nị. Ẹnịnị vị anaā mẹ̀ ịsọvọ hi ori ịnị ụbazị ẹnẹ dà yị ori, dị ẹyaa rị eturare ịra ịrẹsụ ụta ana a dà yị ori.

Ayịsaya 9:17

Ẹsẹnị Ananyị yị ọ yị vaa zẹẹ ka à nyị ọpa ozweyi ana ha. Ọ yị rẹ vaa vayị ozi oku ọnịrị osoku nịnị. Avaba ẹnịnị vị ana aa mẹ̀ ebira odivi, dị ahịka ịrẹyị odivi ẹ rẹẹ̄ kà nị. Agụvị avọọ Ẹnẹyịmavara ọ yị vaa vàa hụụnị ọyịkụ anị. Vị aa tịị tana ụvọọ za wa nị.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 2:31

Ẹnẹyịmavara kà ẹwụ nịnị Anisirẹrị ọ̀ wụ́ ịrẹyị anị: Vị ọnị wa sị vara ụnọmị yị wụ nịnị nị? Vị ọnị wa sị vara ẹtẹ ọnị ịrahụ ruma-ruma za yị wụ nịnị nị? Sị ẹ vẹ di ụ va ka ịsị e zee wu nịnị eyi kẹnẹ ụ kụkụ aa mẹ nịnị nị? Dị ụ ka wẹ yị ma vana và ka ọnị vẹ nịnị?

Ijeremaya 2:33

Waa yẹ ọbọ irenyi-irenyi o yi sì aza ọnị ụ sì ịrẹyị anị nịnị, ọsẹrẹka ene divi hu kere-kere ee tu ịdị awụ nịnị vị ẹ yaa kọsẹ nị.

Ijeremaya 2:5

Ẹnẹyịmavara kà: Sị ẹ vị akụvị anị ọnị ohiku awụ nịnị re ẹnẹ ẹnịnị sị re ọnị zwe? Ẹnịnị ẹ naa hẹkẹ ịsa kẹnẹ-kẹnẹ, dị ẹnị ụvọta ẹnị rẹ kụkụ vị aza kẹnẹ-kẹnẹ nị.

Ijeremaya 32:32

Ọ kà ọnị ee vu wa ẹtẹ agụvị ebira odivi ọnị ezi Anisirẹrị ẹnịrị ezi Anijuda nịnị mẹ ẹnẹ ẹ sị mẹ ayị kụ ọnị. Ẹnẹyịmavara kà ohinọyị ẹnịnị ọnịrị ọdọvịdị ẹnịnị, ohirẹsụ irehi Ohomorihi ẹnịrị ọnịsẹ ẹnịnị, Anijuda nịnị ẹnịrị aza ana ra hi Ijerusarẹmị vị ana mẹ ayị kụ ọnị.

Ijeremaya 50:29

Hị́ aza anaā sịị ọkịtaa kụ̀ ịrẹkụ ka ẹ̀ kwẹẹtẹ tu Anibabironi nịnị; Kàa ka ẹnịnị ẹ̀ ta kara wa, asị ẹ́ zẹẹ ka ọza ọnyọọnyị ò zwè. Sị wa ụta avaba ịsị ẹ vịdị mẹ. Mẹ wa anka ẹnị mẹ rẹ vịdị mẹ aza ana vọ, agụvị ka ẹnịnị ệ sị ẹngụ tụ ẹba, dị ẹ sị eyi wụ ọnị Ẹnẹyịmavara, Ohomorihi Anisirẹrị nịnị.

Ijeremaya 51:5

Ẹnẹyịmavara kà, ọnị Ohomorihi Ochẹtẹẹngụ, ẹ́ yị hụrẹ Anisirẹrị ọnịrị Anijuda nịnịị ụvọ, ọọ́ daka vị ka ẹnịnị ệ mẹ̀ ebira odivi hi ọnị.

Ijeremaya 7:19

Ẹnẹyịmavara kà, ọnị ẹnịnị waa vana ka ẹnị aa mẹ ayị kụ nị? Ọ kà, ẹngụ ẹnịnị ẹ yaa zama nị. Ẹngụ ẹnịnị ẹ yaa mẹ̀ ụhị nyị nị.

Ijeremaya 7:26

Ama ẹ yị nyị ọza ana wụ́ ịrẹyị anị. Ayị awụ nịnị ộ katẹngụ, dị ahịka udivi ọnị waa mẹ nịnị o huna ohiku awụ nịnị nị.

Ezikẹẹrị 14:5

Avaba ori ẹnẹẹ ẹ sị Anisirẹrị nịnị tụra hụrị ọnị ẹngụ, ama ọnị ee sì ka ọnị ọ̀ sị ohi yị wa, dị ọnị ò si tura wa va ka ẹngụ anị vẹ.

Ezikẹẹrị 16:33

Ọsẹrẹka vị anaā dọ utosi ara anị, ama ẹwụ aa sị ịsa chire anọrụ irenu hụrẹ avaba aha ka e vee pe wụ sụ̀ wu nị.

Ezikẹẹrị 16:45

Ozi ọnẹẹ ọnyị awụ ụ vị̀ ịzẹyịza nị. Ọnyị awụ é yi sì ịrẹyị ọva anị ọnịrị ezi anị. Ẹyịnyara obobooro ẹwụrị onyeyiza awụ enee sì ịrẹyị ọva anị ọnịrị ezi anị vị nị. Ọnyị awụ nịnị vị Anihiti, dị ada awụ nịnị vị Anaamori nị.

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Ịzẹhwanaya 1:6

Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.

Ịrịka 32:14

Dị Imosiisi kà, Anirubẹnị ọnịrị Anigadi ẹnẹẹ vị ana sị mẹ̀ anka ohiku ẹnịnị. Ẹ yaa mẹ̀ ebira odivi ana rẹẹ̀ vaa mẹ̀ ayị kụ́ Ẹnẹyịmavara hị́ Anisirẹrị nịnị.

Imatiwu 11:28

Ká mị vẹ nịnị, ẹwụ nịnị ana ayị anị sị vazi, di e reè kune ẹnya ọrata tụra wụ nịnị, ka mị vaa sị ụhwọtụụ yị wụ nịnị!

Imatiwu 23:33

Ẹwụ nịnị ẹwụ ana rẹ vị ezi ibe, wéé ro ka wa zụ jị ọkarẹyị ẹkụra nyee nịnị?

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Aniroomi 8:7

Ọza ana àa sị ayị tụ́ ịnị ịsa ọnị ọchẹngụ anị òo sị kẹnẹ, ọnịvị Ohomorihi aa vị nị. Iruvo ọ vị ka ọ yị vaa mẹ̀ ịsa oni Ohomorihi ọ̀ọ mẹ ọda anịị yọ; ọ yị hyakụ aa zụụ mẹẹ bẹẹ.

1 Anịkọrịntị 10:22

I yee sì ka ya mẹ ayị kụ́ Ohomorihi nị? I yéé ro ka yáa nyị ụkata hu ọọ nị?

Iwe Ọhụhị Imosiisi ana aa hị́ Ọyịvatụrọda 29:25

Ohi anị vaa vị ka agụvị ka ẹnịnị ệ sị ahụ jịnẹ oto ọnị ẹnịrị Ohomorihi ohiku ẹnịnị mẹ̀ yị ẹngụ ịnị ụmẹ ọnị ộ sị kụ́ wa hụrẹ Ijipiti.

Iwe Ọhụhị Imosiisi ana aa hị́ Ọyịvatụrọda 31:16

Dị ọ kà yị Imosiisi ka ẹ yị jẹẹ di ohiku ẹnịnị ẹ dọ ọzọga. Ịrẹma ọnị o wusu, Anisirẹrị nịnị vaa va ịrẹma anị na hẹkẹ ori anẹkụra ịnị ẹ yaa va ngụ. Dị ẹnịnị ẹ yị mẹ ịzẹyịza hi ọnị, dị ẹ sị ahụ jịnẹ oto ọnịrị wa mẹ yị ẹngụ nị.

Iwe Ọhụhị Imosiisi ana aa hị́ Ọyịvatụrọda 32:19

Ịjị Ohomorihi vavọọ re e, dị ayị kụ, di o yi wu ana vị ezi anị nị.

Iwe Ọhụhị Imosiisi ana aa hị́ Ọyịvatụrọda 32:5

Ama ẹwụ nịnị ọ raa rị ịvị Ẹnẹyịmavara nịnị, ebira odivi awụ nịnị wẹ yị kụkụ vị ezi anị nịnị. Ụ me divi avọọ ụ mẹ vị enevene nịnị nị.

Anikorasi 1:24

Maa jẹ booro aanị, agụvị ka maa rị ụya agụvị awụ nịnị. Maa rị ụya ana vọ ọnị Ikirisiti ka ma rị yị ịragụ Ohomorihi, ana jẹẹ yị ẹngụ Ikirisiti.

Ẹtore 18:5

Ebira odivi ẹnịnị ệ hyakụ va kụ́ ngụ ẹbẹẹba. Ohomorihi ê hí ayị ịsa edivi ẹnẹ ẹ mẹ.

Ọdọvịdị 10:10

Ịjị Anisirẹrị nịnị vavọọ aa rị ụya dị ẹnịnị ve na owu hị́ Ẹnẹyịmavara, dị ẹ ka ẹnị ẹ sị ịvị mẹ hi ọ agụvị ka ẹnị e yi Ohomorihi ẹnịnị tịtẹ naa hẹkẹ ori ana aā hị́ Ịbaarị.