Ayịsaya 1:3 - IWE ỌNỊNỊ

³ Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.

Ayịsaya 1:3 ပူးပေါင်းရင်းမြစ်များ

Ahẹ Ụgama 94:8

Ẹwụ nịnị ọnụra ẹnẹ ẹ̀ yị yẹ ịrẹyị ene hi ịnị akakana aza ẹnẹẹ, na sị mẹ hẹẹ nịnị. Ye re ụmẹ ẹnị ẹwụ nịnị vaa sị yẹ ịrẹyị aanị?

Ụhịrẹyị 28:5

Aza ọhịmị ẹ yị yẹ ịsị ẹ vị ịzẹyịza, ama aza anaa yẹ Ẹnẹyịmavara ẹ yẹ tu ẹtẹ nị.

Ụhịrẹyị 6:6

Ẹwụ nịnị onuworo, ne re ihine dị wa kọsẹ ịrẹyọyẹ hụụnị ẹhẹ ẹnịnị.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ayịsaya 42:20

Ẹwụ Anisirẹrị wê re ẹtẹ ọrụrụ-ọrụrụ, ama sị́ ẹtẹ ọnị ụ re va vị yị wụ nịnị? Waa ha ụtọ awụ nịnị ha, ama sị́ ụ daka va wụ́ nịnị?”

Ayịsaya 44:18

Ẹngụ aza ẹnẹẹ vị ọnụra. Ẹnịnị ẹ yị yẹ ịsị ẹyaa mẹ. Ẹnịnị ệ sị eyi ẹnịnị kú oku, agụvị asị ẹnị zụ re ẹtẹ. Ệ sị ịsa kú ayị ẹnịnị agụvị asị ẹnịnị yẹ ịsa a vọrọ ka ẹ yẹ.

Ayịsaya 5:12

Ịzị ẹ yà ee hú eche dị ẹ yaa mẹrị vị ẹnẹ ẹ kụ́ ọkangga irenyi-irenyi ọnịrị okokoro hi. Ịjị ẹ maanị sị ngụ ịnị ẹsẹnị aa mẹ, ẹnịnị ẹ yị yẹ ịsa Ẹnẹyịmavara aa mẹ, ẹ yị nyị ịzị ịsa ẹnẹ Ẹnẹyịmavara aa mẹ gẹ wa.

Ayịsaya 5:13

A vaa kụ́ wụ nịnị ọrịhị nọ aha ọsa agụvị ka ọnụra ụ vị nịnị nị. Aza ọ̀kà-ọ̀kà awụ nịnị vị ọnị ụngwẹ vaa wụụ ha. Di enyi kụ̀ aza ana vọ pooro, di e sú va ha.

Ayịsaya 56:11

Ẹnịnị vị ana sị mẹẹ irezi ọnọhọha ọnị ịnẹ ẹ̀ yị ma ha avọọ. Oseratẹmẹ ẹnẹnị ẹ yị yẹ ịsọnyị-ịsọnyị. Ọzọza vị anaa mẹ̀ ịsa ene ze e eyi. Ịsị ẹ vaa vị ọgụụ yị ọzọza kẹnẹ ẹẹ̄ dụ nị.

Ijeremaya 10:14

Ọsọnị aza ee si re, dị ẹ sị mẹẹ ọnụra ẹnẹ ẹ yị nyị ịrẹyọyẹ nị. Anịngẹrẹ enee tu ori vị ọnị ụhị aa nyị, agụvị ka ori ẹnẹ ẹ mẹ va hi ẹtẹ vị apẹ kẹnẹ; ẹnịnị ẹ yị nyị ụhwẹ.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 35:16

Ẹnẹyịmavara kà, ezi Ijonadabị ệ saasa ọda ọnị ohiku ẹnịnị mẹ yị wa ama ẹwụ nịnị ẹ́ yị saasa ịrẹyị anị.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 50:6

Ẹnẹyịmavara kà aza anị vị ana sị mẹẹ anka atẹmẹ ọnị oseratẹmẹ ẹnịnị navọ ka è vu hi ịnị ataba avọọ. Ẹnịnị aa ngwọ zịịzị hụrị ataba ẹnyị naa ngụ ịnị ọsa. Ẹnịnị ẹ yị kụkụ yẹ ịzị ẹ vị eehi ẹnịnị.

Ijeremaya 8:7

Inomi ana aā hị́ anẹ nịnị ẹẹ yẹ ụmẹ ẹnị ẹ sịị vaavẹ eehi, Arivadi nịnị, aara nịnị ọnịrị atuporogo nịnị ẹẹ yẹ ụmẹ ẹnị sịị kụ̀ra. Ama, ẹwụ nịnị aza anị, ẹ yị yẹ ọda Ohomorihi awụ nịnị.

Ezikẹẹrị 16:30

Ẹnẹyịmavara Ananyị ụkata hu ka, ẹwụ ọsẹrẹka ọnị ụhị ẹ̀ yị ma nyị, wee re avaba ịsa ọnị ụ mẹ.

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Ihoseya 2:8

Ayị oo hí ọ ka Ẹnẹyịmavara kẹnẹ ọọ̄ sị akụ, ọnịrị eche ne beri angwẹ orivi mẹ̀ ọza ẹyịza nị. Igooru ọnịrị isiriva ana aa sị na hẹkẹ ori Ịbaarị vị anị.

Imatiwu 13:19

Ọza ọ̀ọ wụ́ ịrẹyị ịjọva Ohomorihi dị ọ̀ yị yẹ ịsị ọ wụ́ nị, di Echu vẹ, dị ọ va sị ịsa enee mi tụ́ ịnị ayị hụụ ịzọọ. Ọza ọnọọ vị ana yà anka ihu enee mi tụ́ ụtọ oze avọọ.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

2Ipita 3:5

Ệ yẹ ịsa ọnọnị, ama é yii, ẹ́ yị dọ ka ịyẹẹyẹ Ohomorihi ộ kà ịrẹyị, dị ọ mẹ ẹhẹ ọnịrị ẹbẹẹba nị. Dị ẹtẹ jịnẹ hụụnị enyi vẹ, dị ọ rẹ yà ịrẹsụ enyi nị.