Ayịsaya 1:1 - IWE ỌNỊNỊ

¹ Iwe ọnọnị vị iwe etore oni Ohomorihi si zụ̀ Ayịsaya ana vị ozi Amozi. Ịnị ụmẹ ọnọọ Uzaya, Ijotami ọnịrị Ahazi ne beri Ihezekaya ẹ vị avọọ vị ohinọyị Ijuda tù ẹngụ tù ẹngụ nị. Ohomorihi ộ sị ẹtẹ ọnọnị zụ̀ Ayịsaya, dị ọ kà a yọ ịrẹyị ene vee tù Ijuda ọnịrị Ijerusarẹmị nị.

Ayịsaya 1:1 ပူးပေါင်းရင်းမြစ်များ

2 Ohinọyị 15:1

Ịnị ana tụ ọ ịrayị ohurịhịmba ọnị Ijerobowami ọhụva rị ohinọyị Ísirẹrị, Uziya ozi Amaziya ộ rị ohinọyị Íjuda.

2 Ohinọyị 15:13

Ịnị ana tụ ọ ịrayị ohurẹẹwụ tụra ịhịịna ọnị Uziya rị ohinọyị Íjuda, Ịsarọmị ozi Ijabesi ộ rị ohinọyị Ísirẹrị, Ịsamarịya ọ́ yà mẹ ohinọyị anị ụhwẹ ọnya nị.

2 Ohinọyị 15:32

Ịnị ana tụ ọ ịrayị ọhụva ọnị Ịpẹka ozi Ịrẹmarịya rị ohinọyị Ísirẹrị, Ijotami ozi Uziya ộ rị ohinọyị Íjuda.

2 Ohinọyị 15:7

Uziya ô sú, di e ne e tụ ịzị eē ne oku ohinọyị nini ẹkụra Idevidi nị, di Ijotami ozi anị rị ohinọyị dọ ọ ịrẹsụ nị.

2 Ohinọyị 18:1

Ịnị ana tụ ọ ịrayị ọhụta ọnị Ihoseya ozi Era rị ohinọyị Ísirẹrị. Ihezekaya ozi Ahazi ộ rị ohinọyị Íjuda.

2 Ohinọyị 19:2

Ộ tụ́ Eriyakimi ana si eyi pe irehi ohinọyị, Ịsẹbina ana vị ọchẹrịsa ikootu ọnịrị ẹnị ọzọkụ-ọzọkụ ohirẹsụ irehi Ohomorihi nịnị ne tu Ayịsaya ọnịsẹ ozi Amozi nị. Ẹnị vị ana rẹ kụ ẹnya ana a sịị̄ zị ẹngụ hi ẹngụ.

2 Ịtọpa 26:1

Amaziya me wusu kwooze, avaba Anijuda nini si Uzaya ozi anị rị ohinọyị tụ́ udi ada anị. Ụmẹ ọnọọ Uzaya vị ịrayị ẹwụrịhịnọnyị.

2 Ịtọpa 26:22

Ọnịsẹ Ayịsaya ozi Amozi ộ chẹrẹ avaba ịsa ọsa ana mẹ̀ ịnị ụmẹ ohinọyị Uzaya.

2 Ịtọpa 27:1

 nyị ọnọrụ ọnya aanị ana hị́ Ijotami. Ọnyị anị vị ozi ọza ana a hị́ Ịzadọkị. Anijerusarẹmị ọ vị nị. Ịrayị ohurẹẹhị ọ vị dị ộ rị ohinọyị nị. Ộ mẹ̀ ohinọyị anị ịrayị ẹwụrịhịnọnyị Ijerusarẹmị.

2 Ịtọpa 28:1

Ịrayị ohu Ahazi vị dị ọ rị ohinọyị Ijuda ọnị ọ mẹ̀ ịrayị ẹwụrịhịnọnyị Ijerusarẹmị nị. Ộ hama ebira ọyịza Idevidi ana vị ohiku anị. Ộ mẹ̀ ebira ene e yi hine Ẹnẹyịmavara ayị vụrụ-vụrụ.

2 Ịtọpa 29:33

Avaba uye ana kụ vẹ ana sị mẹ̀ ịsa vị ụnọ akata, ọnịrị atẹmẹ vị akawụrakahị.

Ahẹ Ụgama 89:19

Wa mẹ ka aza awụ ana nyị ayị ọnya è re ẹtẹ ịnị ụmẹ ọnya da. Dị ụ kà a yị wa ka â nyị ọnịrẹkụ ọnya ọnị ụ raà sị ụkata yị. Ụ ka wa raà si ozwọọmụha ọnya hụụnị aza ẹnẹẹ ka wa kà a hịrẹ.

Ayịsaya 13:1

Etore ịrẹyị ene vee tù Anibabironi ọnị Ohomorihi sị zụ Ayịsaya ozi Amozi yị.

Ayịsaya 2:1

Ịrẹyị ene vee tù Ijuda ọnịrị Ijerusarẹmị yị. Ohomorihi ộ sị́ ẹtore ọnọọ zụ̀ Ayịsaya ana vi ozi Amozi.

Ayịsaya 20:2

Ụmẹ ọnọọ Ẹnẹyịmavara ọ raa kà ịrẹyị yị Ayịsaya ozi Amozi Ọ kà ọ̀ ngwa ịta arụwẹ oni o si kú ẹngụ tịtẹ, dị ọ̀ rẹ ngwa adava anị hi ẹtẹ. Ịzẹyịza di Ayịsaya ngwa wa hi ẹtẹ, dị ọ kụkụ tụ́ ahwaahụ dị ọ sị ahụ osusu aa zị nị.

Ayịsaya 21:2

Ohomorihi ộ mẹ̀ ka me re ẹtẹ ka ịrẹyị ana vaa mẹ ô divi ẹtẹẹtẹrẹ. Mê re ka onireche e ne reè cheeche yị ọnịvị nịnị ana mẹ ka è re oze wụ̀ aza va ha ẹtẹẹtẹrẹ. Dị aza nịnị nyayịnẹ hara ogu nị. Ẹwụ nịnị isoja Erami ọnịrị isoja Animediya kwẹẹtẹ wa kụ́ ịrẹkụ ne tù anẹkụra ẹnẹẹ nịnị. Ohomorihi ọ yị kụkụ vaa zẹẹ ka Anibabironi ẹ̀ sịị sị ụyaa rị aza.

Ayịsaya 37:2

Ịzọọ ọ ya dị ọ tụ́ Eriyakimi ene si eyi pe irehi ohinọyị ọnịrị Ịsẹbina ọchẹrịsa ikootu, ne beri ohirẹsụ ọbanyị irehi Ohomorihi ne tù Ayịsaya ozi Amozi nị.

Ayịsaya 38:1

 nyị ụmẹ ọnya aanị ọnị ẹngụ sị zị Ihezekaya, dị ọ sị vọ chee di o su. Ọnịsẹ Ayịsaya ana vị ozi Amozi ô ne tu ọ dị ọ kà, Ẹnẹyịmavara kà o tenyi irehi anị agụvị ka ẹ yị vaa zụ rị ụkụ anị ọnọnị, ee su nị.

Ayịsaya 40:9

Ẹwụnị ene hi Ijerusarẹmị hịrẹ nọ ịrẹsụ ataba, dị waa ka enube ọyịza yị Ịzayọnị. Sị ọngwẹ tụ́ ẹba, dị ụ wa nọ ka Ijerusarẹmị ọ kụ̀rà eyi tụ ẹba asị o hí angwa. Kà ẹ yị ẹkụra-ẹkụra ene hi Ijuda ka Ohomorihi ẹnịnị yị.

Ayịsaya 6:1

 nyị ẹkụhị ọnya ịnị ịrayị oni ohinọyị ana aā hị́ Uzaya sú. Di mi re Ananyị yị ka ộ yaayịtẹ ịrẹsụ ode ohinọyị nị. Ịzị ọ yà ộ nẹba dị ọ nyayịnẹ nyị ụbanyị nị. Ụtọ-ụtọ ịta anị vi ene hi avaba irehi Ohomorihi.

Ayịsaya 7:1

 nyị ụmẹ ọnya ana Ahazi sị vị ohinọyị Ijuda. Ahazi ọnọọ vị ozi Ijotami ana ada anị rị Uzaya. Di ohinọyị Aniroomi ana aā hị́ Irezini ọnịrị ohinọyị Anisirẹrị ana aā hị́ Ịpẹka ana vi ozi Iremaraya na vabẹ dị ẹ kụ́ ịrẹkụ ne tù Ijerusarẹmị nị. Ama e rè vee zuu huna Anijerusarẹmị.

Ijeremaya 23:16

Ẹnẹyịmavara Ochẹtẹẹngụ ộ kà a yị Anijerusarẹmị nịnị ka, Asị ẹ wụ́ ịrẹyị ọnị ọnịsẹ ẹnẹnị aa kà o; ịrẹyị ireche ẹyaa mẹ ka waa tụra eyi nịnị nị. Ọ kà, ịrẹyị ọnị ọnịsẹ ẹnẹnị rò tụ ịnị ayị ẹnịnị ẹyaa kà a yị wụ nịnị nị, ẹ yị vị ịsị ọnị kà yị wa.

Ezikẹẹrị 1:1

 nyị ọnọrụ ọnya aanị, ana aā hị́ Ezikẹẹrị; ozi ọnọrụ na aā hị́ Ibuzi ọ vị̀ nị, dị ọ vị ohirẹsụ irehi Ohomorihi nị. Ezikẹẹrị ka, ịnị ẹkụhị ọhụhị ịnị ụhwẹ ọhụna ọnị ọnị gụ ịrayị ohurẹẹwụ, ọnịrị Aniju ana vọ ana a za ọrịhị ve hi Ịbabịrọnị mẹ ra hi ụtọ irehu ana aā hị́ Icheba, â nyị ẹtẹ ọnị Ohomorihi sị zụ ọnị.

Ihoseya 1:1

 nyị ọza ọnya aanị ana aa hị́ Ihoseya, ana vị ozi Ibeeri. Ẹnẹyịmavara ộ tụ́ ọ ụtụ ịnị ụmẹ ọnị Uziya, Ijotami, Ahazi, ọnịrị Ihezekaya nịnị sị mẹ̀ ohinọyị Ijuda vọ yị ẹngụ. Ịnị ụmẹ ọnọọ gẹdẹ-gẹdẹ, Ijerobowami ozi Ijowasi ọnị rẹ sị vị ohinọyị Isirẹrị nị.

Emọsị 1:1

 nyị ọnọrụ ọnya aanị ana aā hị́ Emọsị. Ọza ịnya ọ vị ịnị ẹnị anaā pa ịsụpa ẹkụra ana aā hị́ Itekowa nị. Ẹnẹyịmavara ộ tụ ọ ụtụ hi Anisirẹrị ịnị ụmẹ ọnị Uziya si vị ohinọyị ẹtẹ Ijuda. Ụmẹ ọnọọ Ijerobowami, ozi Ijehowasi ọnị rẹ sị vị ohinọyị tụ ẹtẹ Isirẹrị nị. Ịrayị ana tụ́ ọ ọhụva ọnị Emọsị kà enube ọnọọ kwooze, ẹtẹ ve henyi jigi-jigi nị.

Emọsị 4:5

Ẹ sị ụbụrẹẹdị ana nyị owu na mẹ̀ ịsọvọ kụ́ Ohomorihi avọ. Ẹnịnị ẹ̀ sị ẹyịza ọsa vẹ, di e yee sị wu ka ẹnị aa sị ịsa huna ọza ana vọ vẹ ịnị irehi Ẹnẹyịmavara.

Imika 1:1

 nyị ụmẹ ọnya aanị, ịnị ụmẹ ọnọọ Ijotami ọnịrị Ahazi ne beri Ihezekaya vavọọ vị ohinọyị tù ẹngụ tù ẹngụ tụ́ Ijuda nị. Ịnị ụmẹ ọnọọ Ẹnẹyịmavara mẹ ka Imika ana vị Animoreseti ò re ẹtẹ. Ini etore ọnọọ, dị Ẹnẹyịmavara pè e kà ịrẹyị nị. Ẹtẹ ọnị Imika re vị ịrẹyị ene vee tù Ịsamarịya ọnịrị Ijerusarẹmị.

Ịnahụmị 1:1

 nyị ọnọrụ ọnya aanị aa hị́ Ịnahụmị ana vị Anerikosi. Ọsọnị ọ vị ẹtore ọnị Ẹnẹyịmavara sị zụ ọ ka ọ kà yị anẹkụra Ininivẹ nị.

Ihabaku 2:2

Dị Ẹnẹyịmavara tụ ọ ohi, dị o ka ọ chẹrẹ ịsa ọnị ọnị ọ̀ọ ka yọ tịtẹ. Ọ chẹrẹ ẹ banyị tụ́ ịzị ọza vaa ya re e ọ̀ọ daka ee zwe echi para huu.

Ịrịka 12:6

Dị ộ kà ẹnịnị batọ, dị ẹ wụ́ ịrẹyị ọnị aa vaa ka. Ọ kà ụmẹ ana a sị nyị ọnịsẹ anị nịnị ịnị akakana Anisirẹrị nịnị, ọnịị̄ pe wa ka ịrẹyị ịnị etore ọnịrị ịnị ụra nị.

Ịrịka 24:16

Ohomorihi ene hu kere-kere ọ̀ sị ịrẹyị ọnọọ yị ọnị nị. Ọnịrị eyi anị o va ku ẹtẹ, dị Ẹnẹyịmavara Ochẹtẹẹngụ sị etore zụ ọnị nị.

Ịrịka 24:4

Ịrẹyị ọnọọ vị ana hụ ịda Ohomorihi Ochẹtẹẹngụ vẹ. Ọnị mẹ vaku ẹtẹ yọ ọnị re etore Isirẹrị nị.

Imatiwu 17:9

E mèe chíi hụụnị atabaa vẹ, di o hú wa ụvọ, dị ọ ka, “Asị ụ kà ịsa oni u re aanị yị ọza ọnyọọnyị pooro dị ẹmị Ozi ọza onigirima ọ̀ ha hụụnị isu!”

Odeyi 10:17

Ipita ee ro o ka sị ẹ vị iruvo ẹtẹ oni oni re aanị. Ịjọnọọ ọnụtụ Ịkọnẹrịyọsị ẹnẹẹ ẹ sị irehi Ịsayịmọnị re, dị ẹ jẹẹ enoze nị.

Odeyi 26:19

“Taarụ, mẹ yị mẹ akamawụ hi ẹtẹ oni mi re hụrẹ ẹbẹẹba.

2 Anịkọrịntị 12:1

Mâ yẹ ka ẹ yị nyị ịsị ẹ yà ini oto ò yi wo, ama â nyị ka me yii wo o. Maa kà ịrẹyị ẹtẹ oni mi re ọnịrị Ánanyị yị mẹmẹ sị ẹngụ zụ̀ mị.

2Ipita 1:21

agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.