Aniroomi 8:3 - IWE ỌNỊNỊ

³ Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Aniroomi 8:3 ပူးပေါင်းရင်းမြစ်များ

Ịrịka 21:9

Ịzẹyịza dị Imosiisi sị enyusẹ mẹ̀ ẹ́wụ́, dị ọ sị ọ gẹ ọchị nị. Ọza ọnị ẹ́wụ́ ọ̀ọ da rị, òo re e dị ọ yị su.

Ịrịka 28:22

A nyị ka ẹ sị ịdẹ ọnya mẹ̀ ịsọvọ ịvị ana a sị ngwara avaba aza tịtẹ.

Ịmaakị 15:27

Ệ rẹ kanyị oyi ẹẹva za apavahị; ọnyara yà eyi ụvọrị anị, dị ọsa rẹ yà eyi ụvọha anị nị.

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ịjọọnụ 9:24

Dị Aniju nịnị re tenyi ọza ene vịdị gu eyi aanị hị́ nị. Dị ẹ kà a yọ ka, “Ẹwà kà ịrẹyị ịzẹyịza Ohomorihi; ẹyị â yẹ ka ọnọrụ ọnọọ vị ọnịvị.”

Odeyi 13:39

Ọda Imosiisi ọ yị zụ vagu wu, dị ọ̀ rẹ jị ịhị yị wụ nịnị. Ama ini oze anị Óhomorihi zị vagu wu, dị ọ rẹ jị ịhị yị avaba ọza ana àa sị ayị tụra a nị.

Aniroomi 3:20

Agụvị avọọ ẹ yị nyị ọza ana mẹ̀ ịsa ọnị ọda kà dị ọ̀ zụ hwọọ mẹ ka Ohomorihi ọ̀ jị ịhị yọ. Ịsị ọda Ohomorihiī mẹ kẹnẹ ọ vị ka aza ẹ̀ yẹ ka ẹnị ẹ sị ịvị mẹ nị.

Aniroomi 6:6

Yâ yẹ ka ebira ayị ọkụkụ ọnịrị Ijeesu a kanyị za ọchị apavahị nị. Â vavọọ mẹ, agụvị dị wụ ebira ayị eneē sì ka ọnị ọ̀ọ mẹ ịvị. Ọnọọ vaa ka asị ị kụkụ vị ozi ahụ yị ịvị.

Aniroomi 7:18

Mâ yẹ ka ẹmị anka ọzarẹyịrẹsụ, ẹ yị nyị ịsị ẹ yà ịnị ẹngụ amị ana zụ mẹ ka ma mẹ̀ ịsa ene zoza ọnyọọnyị. Ịzẹyịza mee sì ka maa mẹ̀ ịsa ana vọrọ, ama mẹyị zụ mẹẹ.

Aniroomi 8:32

Ohomorihi ẹnẹ ẹ̀ yị hyakụ sị Ozi anị ụvọta-ụvọta tẹ yị, ộ na a vọ ka ò sú yị avaba ayị. Ọza ana na aa sị Ozi anị ụvọtaa yị, si u ro ka ọ yị kụkụ zụ sị yị ọọhẹ kẹnẹ?

Aniroomi 9:3

Mâ hyakụ zụ dọ ka Ohomorihi ò chì hi mi, dị ọ̀ sị mị hụụ ịdị Ohinọyị ọnị ọ nyị ka ọ̀ dọ yị há, dọ ịrẹsụ anda ayị. Anka ọzarẹyịrẹsụ, ẹnị ẹ vị aza amị nị;

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

Anigaratiya 3:21

Vị ọsọnị wáá vị ka vị ọda Ohomorihi ọnịrị oto anị aa za ẹngụ oze nị? Asị Ohomorihi zẹẹ! Àa yaanị mẹ ọda ana nyẹngụ mẹ ka ọza ọ̀ yàra, ọ yaanị rẹ zụ mẹ ka ọza ọ̀ vị ọnịrẹyịzẹyịza ini eyi Ohomorihi.

Anihwiripi 2:7

Ọnị ụvọta ộ sị ẹngụ anị ka ẹ yị nyị ịsị ọnị vị, ị ọ vara ẹngụ anị ozi ahụ nị. Ộ vara ẹngụ anị anka ọza rị ẹyịrẹsụ,

Anihiburu 10:12

Ama Ikirisiti ọnị vị ana yị mẹ̀ ịsọvọ ụpẹ ọnya kẹnẹ ana kụ́ ịvị aza kwooze pooro zịna-zịna. Dị ọ kụkụ yaayịtẹ éyi ụvọrị Ohomorihi nị.

Anihiburu 10:14

Ịsọvọ ụpẹ ọnya kẹnẹ Ìkirisiti mẹ nị. Dị ọ sị mẹ ka aza ọnị ọnị sị vara aza anị ọnịnị, ẹ̀ kụkụ vị ọyịgụ pooro zịna-zịna nị.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.