Aniroomi 7:4 - IWE ỌNỊNỊ

⁴ Ẹwụ nịnị ẹyịnyara amị, avọọ ẹwụ nịnị mẹ̀ rẹ yà nị. Àa vị ini oze ọda Aniju yọ, vụ ụ sị mẹẹ anka oku avọọ nị, agụvị ka ẹwụrị Ikirisiti óo wusu nịnị. Ọza ẹnẹsa ọ kụkụ nyị wụ nịnị nị, ọza ọnọọ a ha hụụnị isu nị. Agụvị avọọ ya kụkụ nyẹngụ aa mẹ ọyịza ana vaa sị ụgaa vaa yị Ohomorihi.

Aniroomi 7:4 ပူးပေါင်းရင်းမြစ်များ

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ayịsaya 62:5

Anka ọnọrụ anaa nyị ozwoorihi ẹnẹ ẹ yị yẹ ọnọrụ, avọọ Ẹnẹyịmavara ana mẹ̀ wụ mẹ vaa nyị wụ nị. Ayị ọnọrụ meē hine tu oze avọọ, avọọ ayị Ohomorihi awụ nịnị mee hine tu wu nịnị

Imatiwu 26:26

Ẹ́nịnị màa rị ịsa, dị Ijeesu sị Ịbụrẹẹdị, dị ọ mẹ̀ aduwa tụ́ ọọ nị. Dị ọ dà a, dị ọ sị yị ezirẹma anị nị. Dị ọ ka, “Dọ dị ụ wa rị ọọ nịnị, ọsọnị ọ vị ẹngụ amị nị.”

Ịmaakị 4:20

Aza ẹnẹnị vị ana rẹ yà anka ihu ene e mi tụ́ ịnị ẹtẹ ozoza. Ệ wụ́ ịrẹyị ọnọọ, dị ẹ dọ ọ, dị ẹyaa nyị ẹtụtụ nị. Ẹnyị ệ nyị ẹtụtụ ohurẹẹwụ, ẹnyị ẹbẹẹta-ẹbẹẹta, ẹnyị ẹchẹhị-ẹchẹhị.”

Ịjọọnụ 15:8

Wàa nyị ẹtụtụ nịnị ẹtẹẹtẹrẹ, ọ vaa mẹ ka aza ẹ̀ sị ụbanyị yị Ada amị nị; oze avọọ ụ rẹ nyẹngụ zị vị ezirẹma amị nịnị nị.

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

Ịjọọnụ 6:51

Ẹma vị ịsọyịrị anaā mẹ ka ọza ọ̀ yàra booro nị. Ẹbẹẹba mị hụrẹ vẹ nị. Ọza ana àa rị ịsa ọnọọ, vaa yàra pooro zịna-zịna. Ọchẹngụ amị ọ vị ịsọyịrị ọnị mị vaa sị yị aza nị. Maa sịị yị anẹhẹ ka ẹ̀ zụ yàra obooro.”

Aniroomi 6:11

Ẹwụ nịnị ọ̀ rẹ vavọọ re ẹngụ awụ nịnị ka ịnị ịrẹyị ịvị ọyịmẹ̀, oku ụ vị nịnị nị! Agụvị ka ẹwụrị Ijeesu Ikirisiti ọ sị vị ọnya nịnị, Ohomorihi ụ kụkụ yàra yị nịnị nị.

Aniroomi 6:14

Asị ụ kụkụ zẹẹ ka ịvị ọ̀ nyị ụkata ị́rẹsụ awụ nịnị! Wáa yẹ nịnị ka wẹ yị kụkụ yà ịnị ụvọ ọda, ịnị ụvọ ayamva Ohomorihi ụ yà nịnị nị.

Aniroomi 6:2

Asị Ohomorihi zẹẹ! Àa vị ịrẹyị ịvị ọyịmẹ̀ yọ, vị ị sị mẹẹ anka oku ene sú avọọ nị. Yàa vavọọ wusu, yáá kụkụ nyẹngụ aa yịị mẹ ịvị?

Aniroomi 6:22

Booro aanị, Ohomorihi ọ sị wụ nịnị dọ tịtẹ hụụnị ụvọ ịvị, wa sị vara ozi ahụ Ohomorihi nịnị. Ọgụ ọnị ụ rị nịnị ọ vị ka wa kụkụ zụ aa mẹ̀ ebira ọnịnị nịnị. Ọdịrẹma anị ọ vị ka ụ vaa yàra nịnị pooro zịna-zịna ị́da Ohomorihi.

Aniroomi 7:3

Ini oze avọọ, ọva anị ọ̀ọ yị yà ẹhẹ, dị ọ nọ ịda ọnọrụ ọsa nị, ọsẹrẹka a vaa hị́ ọọ nị. Ama ọva anị òo wusu, ọda ọnọọ ọ yị kụkụ zaa. Agụvị avọọ ọ̀ọ na nyị ọnọrụ ọsa, ọza ọyị kụkụ zụ hị́ ọọ ọsẹrẹka.

Aniroomi 7:6

Ama booro aanị a sị yị dọ tịtẹ hụụnị ụvọ ọda ọnọọ. Vị ị sị mẹẹ anka oku avọọ ini oze ịsị ẹ vịdị za yị ọrịhị nị. Yẹ yị kụkụ hẹkẹ Ohomorihi ini oze ọkụkụ ana vị oze ọda ana chẹrẹ tịtẹ; oze ọwọọwa ọnị Ụhwẹ Ọnịnị sị yị, ị kụkụ aa zịị hẹkẹ ẹ nị.

Aniroomi 8:2

Ị mẹ̀ kụkụ yà ịnị ụvọ Ụhwẹ Ohomorihi aanị, ọ raà mẹ ka ẹyịrị Ikirisiti ọ̀ vị ọnya, dị ya yàra obooro. Ụhwẹ Ohomorihi ọnọọ ọ sị mị dọ hụụnị ụvọ ọda anaā sịị ọzaa mẹ ịvị, di o sú.

1 Anịkọrịntị 10:16

Yàa rị ịsọyịrị Ananyị yị, dị ị sị ako ana sị ká eche tịtẹ, dị ị kụ́ Ohomorihi avọọ tụ́ ọọ, di i hú ọọ, ana sị zụ̀ ka ẹyịrị Ikirisiti ộ vabẹ ini oze anya anị. Ụbụrẹẹdị ọnị ịị̄ rẹẹ dà, dị ya rị ọọ, ọ rẹ sị zụ̀ ka ẹyịrị Ikirisiti ộ vabẹ ini oze ẹngụ anị.

2 Anịkọrịntị 11:2

Maa kụ̀ ụhị ịrẹsụ awụ nịnị anka Ohomorihi avọọ. Vị ụ sị mẹẹ nịnị anka ozwoorihi ẹnẹ ẹ̀ẹẹ̀ yị yẹ ọnọrụ ọnị mị raà kà a ka maa sịị gà ọza ịnyara kẹnẹ avọọ nị. Ọza ịnyara ọnọọ ọ vị Ikirisiti nị. Mee sì ka ma sị wụ nịnị naa yọ.

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

Anigaratiya 5:18

Àa vị Ụhwẹ Ọnịnị aa zụ̀ wụ nịnị oze nị, wẹ yị kụkụ yà ịnị ụvọ ọda nịnị.

Anẹhwẹsọsị 2:15

Ộ kụ́ ọda Aniju ọnịrị ido oni ohiku ẹnịnị jị kwooze. Ộ mẹ ka anẹkụra ẹyịva ẹnẹẹ ẹ̀ kụkụ vara aza ọwọọwa ọnyara, ọ́nịrị wa mẹ̀ vị ọnya. Dị ẹnịnị kuku dudu vabẹ ịnị ẹngwọọrọ nị.

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

Anihwiripi 4:17

Ẹ yị vị ka ẹyịza awụ nịnị m maa dụ nị, ama maa dụ ka wa nyị ọgụ ẹtẹẹtẹrẹ tụ́ ịnị ẹyịza awụ nịnị.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

Anikorasi 1:22

Ama ọyaanị, ini oze isu oni Ozi anị sú, Ohomorihi ọ sị wụ nịnị vara ọta anị. Ô sú, agụvị ọ̀ zụ sị wụ nịnị nọ ịdị Ohomorihi, dị ụ wa vị ọnịnị nịnị, dị asị ụ nyị ohuvọ, dị asị ụ rẹ nyị ịvị nịnị vụrụ-vụrụ.

Anikorasi 1:6

Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.

Anikorasi 2:14

 chẹrẹ ụta ọnị ị rị tụ́ ini iwe tịtẹ yị yị. Ụta ọnọọ ọ vị oyisì Ohomorihi ọnị o sì ka ya yaanịị mẹ nị. Ohomorihi ọ sị ụta ayị ana a chẹrẹ tịtẹ yị du. Ọ raà sị ọọ hụrẹ yị ịrẹsụ, dị ọ kanyị ọọ iso za ọchị apavahị Ikirisiti nị.

Anikorasi 2:20

Wê wusu beri Ikirisiti nịnị, agụvị avọọ ẹ yị nyị ịsị ẹ kụkụ kụ́ ẹwụrị ori nịnị gẹ. Sị ẹ vẹ dị ụ kụkụ aa saasa ọda ẹnyị aanị nịnị ana kà a ka:

Anihiburu 10:10

Ijeesu Ikirisiti ộ mẹ̀ ịsa oni Ohomorihi sì ka ọ̀ mẹ. Ọ raà vara yị aza anị ọnịnị ini oze ịsọvọ ọnị ọ sị ẹngụ anị mẹ ụpẹ ọnya gene-gene.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

Ẹtore 19:7

À vẹ ya jẹ, dị ịnẹ ayị òo hine, dị yaa sị ụbanyịị yọ! agụvị ka ụmẹ o si tù oni Ozi Atẹmẹ ọnọọ aa sịị nyị ọnẹẹ; ose anị ọ sị ẹngụ tenyi tịtẹ.

Ẹtore 21:9

Ọnya ịnị anggẹẹrị ịhịmba ẹnẹẹ ana nyị ịchacha ịhịmba ana vị ohihi ụyọrị ọdịrẹma ịhịmba, o ve tù mi, dị ọ ka, “Vẹ dị ma sị ọnẹẹ ana vị ose Ozi Atẹmẹ ọnọọ zụ̀ wụ!”