Aniroomi 5:2 - IWE ỌNỊNỊ

² Agụvị ka yâ sị ayị tụra Ijeesu, ọ raà mẹ ka ya va yẹ́ ayamva Ohomorihi. Ịnị ayamva Ohomorihi ọnọọ ị yà dị ị kụkụ aa sị ịrajẹẹ tụra eyi ka ị vaa nyị tụ́ ịnị ụbanyị Ohomorihi nị.

Aniroomi 5:2 ပူးပေါင်းရင်းမြစ်များ

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ahẹ Ụgama 73:24

Wee pè mi juwe ana mẹ ka asị mi nyeeyi, mâ yẹ ka ụ vaa dọ mịị pè ẹngụ, dị ụ sị ụbanyị mị ịnị ụmẹ ọdịrẹma.

Ụhịrẹyị 14:32

Ebira odivi aza ọhịmị e vu wa ẹtẹ nị ama ebira aza ọyịza ọọ̄ dọ wa tụ nị.

Ihabaku 3:18

ọ ka ayị anị vee hine, dị ọnị aa jẹ agụvị ka Ẹnẹyịmavara, Ohomorihi ọ vị ẹnẹdọha anị nị.

Imatiwu 25:21

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Ịjọọnụ 10:7

Dị Ijeesu va kà a yị wa ka, “Ịzẹyịza m maa kà a wụ nị, ẹmị ọnọnị ọ vị oze irehi atẹmẹ nị.

Ịjọọnụ 10:9

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

Aniroomi 11:20

Ịzẹyịza yọ. Ẹnịnị ẹ yị sị ayị tụra Ohomorihi, agụvị avọọ Ohomorihi dà wa kwooze nị. Ộ sị ẹwụ nịnị va tụ́ udi ẹnịnị, agụvị ka ẹwụ nịnị ộ sị ayị tụra Ohomorihi. Asị ụ na sị ọnọọ mẹ eyi zịịzị nịnị, ama â vọrọ ka wa nyị angwahi nịnị!

Aniroomi 12:12

Agụvị ka wâ nyị ọyịtureyi nịnị, waa jẹ nịnị. Wàa daka aa rị ụya nịnị, re ka wâ nyị ọyịtureyi nịnị, waa jẹ nịnị! Wàa daka aa rị ụya nịnị, re ka wâ nyị isuuru nịnị, dụ wa yịị mẹ̀ aduwa nịnị!

Aniroomi 14:4

Ẹnẹ vị ẹwụ ana aa naa jị ịvị yị ozi ahụ ọza ẹnẹsa? Ọ̀ọ mẹ ẹtẹẹrẹ, ọ̀ọ mẹ divi, ọga anị ọ vaa kà a nị. Ọ hyakụ vaa mẹ ẹtẹẹrẹ, agụvị ka Ohomorihi ọ vaa mẹẹ ka ọ̀ mẹ ẹtẹẹrẹ nị.

Aniroomi 15:13

Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Aniroomi 3:23

agụvị ka avaba aza ẹ sị ịvị mẹ, ẹ yị kụkụ nyị tụ́ ịnị igirima Ohomorihi.

Aniroomi 5:5

Yàa nyị ọyịtureyi, ụhị ọ yị vaa nyị yị, agụvị ka Ohomorihi ộ mẹ̀ ka ya yẹ, o meme sì ịrẹyị ayị ini oze Ụhwẹ Ohomorihi ọnị ọ sị tụ ịnị ayị ayị.

Aniroomi 8:1

Booro aanị, we si oo re nịnị ka ọza ọ yị kụkụ zụ jị ịvị yị ọza ọnị ọnịrị Ijeesu Ikirisiti sị vị ọnya.

Aniroomi 8:24

Yâ nyị ọyịtureyi, agụvị avọọ a sị dọ yị há nị. Ịsị yaa tụra eyi anị, yèee re e, ẹ yị kụkụ nyị ka vị yaa tụra eyi nị. Ọza wéé kukuū zí eyi ịsa ene ee re?

1 Anịkọrịntị 15:1

Ẹwụ nịnị ẹyịnyara amị, mee sì ka ma tama wụ nịnị ayị enube ọyịza ọnị mị kà wụ nịnị. Wâ dọ ọ nịnị, dị ụ rẹ jẹẹ ịnị anị nịnị nị.

2 Anịkọrịntị 3:18

Ẹyị ana a raà hụ ịsa hụụnị eyi anị, yee re igirima Ananyị yị. I mee re e, dị aa vara yị ka yee véné e hu avọọ nị. Ananyị yị ana vị ụhwẹ Ohomorihi aa mẹ̀ ụkọrọ ọnọọ nị.

2 Anịkọrịntị 4:17

Ụya kiiki ọnị yaa rị ụmẹ chee aanị, vaa sị igirima vaa yị. Igirima ọnọọ vị ana vaa yà pooro zịna-zịna.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.

Anẹhwẹsọsị 3:12

Agụvị ka ẹyịrị ọ ọ sị vị ọnya, dị ị rẹ sị ayị tụra a nị, ya kụkụ nyị ọtụtụrụma, ye re re oze kà pe Ohomorihi. Ẹ yị nyị ịsị ee chire yi angwa.

Anẹhwẹsọsị 6:13

Agụvị avọọ kụ́ avaba ẹnya ịrẹkụ oni Ohomorihiī sịị yị ọza nịnị, agụvị ịhị ẹkụhị odivi ọ̀ọ vẹ, wa zụ và eyi kà ọnịvị awụ nịnị. Wàa sị ịrẹkụ kụ̀ ta nịnị, dị ahịka ụ yị jẹẹ udi awụ nịnị nị.

2 Anịtẹsaronika 2:16

Ijeesu Ikirisiti Ananyị yị ụvọta ọnịrị Ohomorihi Ada ayị ée sì ịrẹyị ayị. Ệ vayị ka ya nyị ayohunẹnẹ pooro zịna-zịna, dị ya rẹ nyị ọyịtureyi tụ́ ịnị ịsa ene zoza.

Anihiburu 3:6

Ama Ikirisiti ọnị vị ozi. Ộ nyị ịzẹyịza tụ́ ini eehi Ada anị. Ẹya vị aza anị ọnọọ nị, yaa nyị ọtụtụrụma, dị ị sị ịrajẹ sị eyi tụ́ ịnị ịsa ọnị yee zi eyi pooro nee tù ẹtẹ nị.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

Ẹtore 21:11

Dị igirima Ohomorihi mẹ ka ọ̀ọ zẹtẹ nị. Ọ màa zẹtẹ, vị ọ sị mẹẹ anka ịrẹta nyoo-nyoo ene zoza hu keekere, anka ịrẹta ana aā hị́ ịjasịpa ana nị anka ore avọọ nị.

Ẹtore 21:23

Ẹ yị nyị ịsị ẹkụra ọnọọ aa sị ọyịị̄ mẹ, à vị ụhwẹ, ka ọ̀ọ zẹtẹ ịzọọ, agụvị ka igirima Ohomorihi aa sị ẹtohweyi yị ịzọọ nị. Ozi Atẹmẹ ọ rẹ vị ẹtohweyi anị nị.

Ẹtore 21:3

Dị mị wụ́ ọngwẹ ọbanyị ọnya hụrẹ ẹbẹẹba vẹ, dị ọ ka, “Re! Irehi Ohomorihi yàrị aza. Ohomorihi yàrị aza. Ohomorihi vaa raa pe wa, dị ẹ vị aza anị. Dị Ohomorihi ọnị ụvọta yà ịda ẹnịnị, dị ọ vị Ohomorihi ẹnịnị.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.