Ẹwụ ana ka ewee huna ọza ana vọ nị, sụ ụ hị́ ka wáa vị? Sụ ụ nyị ẹnẹ ẹ̀yị vị a sị wụ? Àa vị Ohomorihi ọ sị avaba ịsa ọnị ụ nyị yị wụ nị, sẹ vavẹ dị waa mẹ eyi anka ịsa ẹnẹ ẹwụ ụvọta mẹ avọọ?
Ẹ yị vị yee sì ka ya rẹẹ kà a wụ nịnị ẹngụ aza ọnị ị vị. Ama yee sì ka ya sị zụ̀ wụ nịnị iruvo ana vọrọ ka wa sị sịị yị mẹ eyi nịnị. Ịjọnọọ ọza ana àa sị eyirẹsụ ọza kẹnẹẹ mẹ eyi, dị ẹ̀ yị zama ayị anị nị, ụ vaa yẹ, a mẹ̀ vọrọ ka we tụ́ wa ohi nịnị.
Ama Iwe Ohomorihi ọ sị ọọ kà ka ụvọ ịvị ọ sị avaba ẹhẹ kara. Aza ana sị ayị tụra Ijeesu kẹnẹ, ẹ vaa dọ ẹyịza ọnọọ oni Ohomorihi raà kà a ka ẹ yị nyị ka ọnị ọyị vaa sịị yị aza ana sị ayị tụra Ijeesu.
Mee sì ka ẹmịrị ọ ọ̀ yị vabẹ. Mé yi kuku si ka aa hị́ mị ọnịrẹyịzẹyịza ini oze ka maa sị ayị tụra ọda. Ama mee sì ka àa hị́ mị ọnịrẹyịzẹyịza ini oze ka maa sị ayị tụra Ikirisiti. Ẹngụ ịzẹyịza ọnọọ, Ohomorihi ọọ̄ sị yị ọza ana sị ayị tụra a nị.
Dị Ijosuwa ka ọzọza batọ dị ọ wụ enube hụụnị ụvọ Ẹnẹyịmavara ana vị Ohomorihi Anisirẹrị. Dị ọ ka, ịnị ịyẹẹyẹ ohiku ẹnịnị vị ana ra akẹnẹ Okuha Iyuhwireti, dị ẹ yaa mẹ̀ ori ene hi ịzọọ. Avọọ ẹnịnị mẹ mẹẹ pooro ve tu Ịtẹra ọnịrị ezi anị ẹẹva Abụrahamị ọnịrị Ịnahọ̀.