Aniroomi 3:9 - IWE ỌNỊNỊ

⁹ Ẹyị Aniju yọ, yáá dahi hu aza ẹnẹ ẹ̀yị vị Aniju? Vụrụ-vụrụ, yẹ yị dahi hu wa ikonya! Máa vịdị raà sị zụ̀ ka ẹyịrị wa vị ọnị ụvọ ịvị kara tịtẹ.

Aniroomi 3:9 ပူးပေါင်းရင်းမြစ်များ

Ụhịrẹyị 20:9

Áá nyị ọza ana zụ sị ụvọ nya ịrachị ka ayị anị ọ nị saka-saka? Ẹnẹ zụ kà a ka ọnị ẹ yị nyị ebira odivi ọnyọọnyị?

Ayịsaya 65:5

Ẹnịnị vanaā kà a yị aza ana vọ ka, “kana kwooze, a sị ụ sị ụvọ kanyị yị, ka aza ọnịnị ị vị̀ nị.” Ẹmịrị ẹngụ aza ẹnẹẹ ẹ yị zụ mẹ ọnya. Màa kụ ayịị hi wa, vị ọ sị mẹẹ anka ịra ene è yi me mí avọọ nị.

Iruuku 7:39

Ịjị Anihwarisi ana hị́ Ijeesu nọ ini eehi anị aanị maanị re e, dị aa kà a ịnị ayị anị ka, “Àa vị ọnịsẹ ọnọrụ ọnọnị vị nị, ọ yaanị yẹ ẹngụ ọnẹẹ ana aa kanyị ọọ aanị, ka ọsẹrẹka ọ vị nị.”

Aniroomi 1:18

Ohomorihi ọ raà sị zụ̀ hụrẹ ẹbẹẹba ọnị mẹmẹ vaa sị ọyịkụ-ọyịkụụ mẹ̀ ọkarẹyị yị aza agụvị ebira odivi ẹnẹ ẹyaa mẹẹ hi Ohomorihi ọnịrị aza. Ebira odivi ẹnẹ ẹyaa mẹ, ẹ yị zẹẹ ka aza ẹ̀ yẹ ịzẹyịza Ohomorihi.

Aniroomi 11:32

Ohomorihi ọ raà kụ́ avaba aza hi ịnị ẹngwa ka anakamawụ ẹ vị nị, agụvị dị ọ̀ zụ vayị avaba aza.

Aniroomi 11:7

Sẹ va saasaa? Anisirẹrị nịnị e rè vee re ịsị eyee sì. Aza chee oni Ohomorihi nyị kẹnẹ e ree nị. Ẹnịnị ana vọ, Ohomorihi ọ raà mẹ ayị ẹnịnị katẹngụ.

Aniroomi 2:1

Ẹwụ nịnị ana aa mẹ̀ ọkarẹyị yị aza, ọza tụra ọza ọnị ụ wàa vị; ẹ yị kụkụ nyị ịsị u zụ re kụ́ nịnị. Ụ màa mẹ̀ ọkarẹyị yị ọza, wẹ yị yẹ ka ẹngụ awụ ụ waa mẹ̀ ọkarẹyị yị avọọ nịị! Agụvị ka ịsa ọnyọọnya ẹwụ rị ọọ aa mẹ nị.

Aniroomi 3:1

 nyị ịsị Aniju nịnị kụkụ va sị dahi hu aza ẹnẹ ẹ̀yị vị Aniju aanị? Ọgụ ịsị ẹ kụkụ va yà ịnị ụvẹvẹnẹ ọyịjị?

Aniroomi 3:19

Yáa yẹ ka avaba ịsị a chẹrẹ tụ́ ịnị ọda Ohomorihi ọ́ọ za a avaba aza anaa sị ọda ọnọọ yị. Ọnọọ vaa mẹ ka asị a nyị ọza ene kuku zụ re kụ́; dị avaba anẹhẹ ẹ̀ na kụ́ irenu ẹnịnị ọ́vịdị Ohomorihi.

Aniroomi 3:5

Ọ̀ọ sị vị ka ẹ yị àa mẹ̀ ịsa odivi, ịjọnọọ aza nyẹngụ ree hu avọọ gedebee ka ịsa oni Ohomorihiī mẹ ộ vọrọ yọ? Ị mẹmẹ vee tụ́ ohi? Ọsọnị vị ọnị maa kà kẹnẹ anka ịsị ọzaā hụraa kà.

Aniroomi 6:15

Ị́ mẹ̀ yà ịnị ụvọ ayamva Ohomorihi, dị yẹ̀ yị kụkụ yàa ịnị ụvọ ọda aanị, vị áá vọrọ ka ya kụkụụ̄ mẹ ịvị nị? Asị Ohomorihi zẹẹ ka ọ̀ vavọọ yà!

Aniroomi 7:14

Yâ yẹ ka ọda vị ana hụụnị ụvọ Ụhwẹ Ọnịnị vẹ, ama ẹmị vị ọzarẹyịrẹsụ kẹnẹ. Ịvị ọ sị mị za ọrịhị,

1 Anịkọrịntị 10:19

Wáá yẹ ịsị maa kà nịnị aanị? Vị ọnọọ wáá sị zụ̀ ka â nyị ịsị ori vị nị? Ịsa ana a sị mẹ̀ ịsọvọ hi ori, áá rẹ nyị ịsị ọ vị?

1 Anịkọrịntị 14:15

Ịjọnọọ sị a vọrọ ka ma mẹ? Mee sì ka maa mẹ̀ aduwa ịnị ụkata Ụhwẹ Ohomorihi, dị ma rẹẹ sị ịrẹyọyẹ amịị mẹ̀ aduwa. Mi ree sì ka maa sị ụkata Ụhwẹ Ohomorihi jị ahẹ, dị mị raa sị ịrẹyọyẹ amịị jị ahẹ.

1 Anịkọrịntị 4:7

Ẹwụ ana ka ewee huna ọza ana vọ nị, sụ ụ hị́ ka wáa vị? Sụ ụ nyị ẹnẹ ẹ̀yị vị a sị wụ? Àa vị Ohomorihi ọ sị avaba ịsa ọnị ụ nyị yị wụ nị, sẹ vavẹ dị waa mẹ eyi anka ịsa ẹnẹ ẹwụ ụvọta mẹ avọọ?

Anigaratiya 3:10

Ama avaba aza ana àa saasa ọda Aniju vị ana yị rị ịvị ini eyi Ohomorihi; agụvị ka Iwe Ohomorihi ọ́ọ kà a ka, “Ọza ẹnẹ ẹ̀ yị mā mẹ avaba ịsa ana a chẹrẹ tụ́ ini iwe ọda bemi-bemi, ẹ sị ịvị rị ini eyi Ohomorihi.”

Anigaratiya 3:22

Ama Iwe Ohomorihi ọ sị ọọ kà ka ụvọ ịvị ọ sị avaba ẹhẹ kara. Aza ana sị ayị tụra Ijeesu kẹnẹ, ẹ vaa dọ ẹyịza ọnọọ oni Ohomorihi raà kà a ka ẹ yị nyị ka ọnị ọyị vaa sịị yị aza ana sị ayị tụra Ijeesu.

Anihwiripi 1:18

Sị mị vaa kà? Ọza ọ̀ọ kà enube ọyịza agụvị ka aa kụ̀ ụhị, ọ̀ọ va sị ayị ọnya kà a, ayị amị vị ene ee hine. Áa vị Ikirisiti aa yịị kà enube anị nị, ayị amị vị ene vee yii hine.