Aniroomi 3:4 - IWE ỌNỊNỊ

⁴ Asị Ohomorihi zẹẹ! Ẹ yị nyị ịsị ẹ zụ mẹ ka asị Ohomorihi vị ọnịrẹyịzẹyịza, òo zee eyi avaba aza ẹ̀ vị onireche. Â vịdị vavọọ chẹrẹẹ tụ́ ini Iwe Ohomorihi ka, “Ụmẹ tụra ụmẹ ọnị ụ wàa kà ịrẹyị, avaba aza vee ree ka ịzẹyịza ụ waa kà nị. Aza ẹ̀ẹ zama ịrẹyị awụ re, e vee re ka ịsa ana vọrọ ụụ̄ mẹ nị.”

Aniroomi 3:4 ပူးပေါင်းရင်းမြစ်များ

Ijoovu 36:3

Ọnị vaa sị ịsa ọnị ọnị yẹ hụrẹ aha ene noze dị ọnị ọ sị zụ Ijoovu ka Ohomorihi ana mẹ̀ ẹyị ọza vị ọnịrẹyịzẹyịza.

Ijoovu 40:8

Ijoovu wáá vị ana kụ ịzẹyịza anị ha nị? Ọ́ọ́ vị anaa jị ịvị yị ọnị dị ọ sị ịhị rị nị?

Ahẹ Ụgama 100:5

Ẹnẹyịmavara vị anaā mẹ̀ ịsa ene zoza, vi oō sì ịrẹyị ọza pooro nị. Ẹ yị nyị ụmẹ oni o ve sii vene ọza pooro pàá.

Ahẹ Ụgama 116:11

nyị ọza ọnị mị kụkụ zụ sị ayị tụra, dị mị kụkụ ka avaba aza vi onireche nị.

Ahẹ Ụgama 119:160

Avaba ịrẹyị awụ vị ịzẹyịza. Avaba ọda awụ vị ana vọrọ, ẹnịnị vị ana jẹẹ pooro.

Ahẹ Ụgama 138:2

Wa raà sị ụbanyị yị ẹngụ awụ ọnịrị ịrẹyị awụ huna avaba ịsa ana vọ, avọọ mị vaa vá eyii kà irehi awụ, dị maa kụ́ wụ avọ. Mị vavọọ rẹ vaa kụ́ wụ agụvị ka uū sì ịrẹyị ọza dị ụ rẹẹ̄ mẹ ịzẹyịza nị.

Ahẹ Ụgama 51:4

Ohomorihi, ẹwụ nya chọ̀chọ̀chọ̀ kẹnẹ m maanị rị ịvị anị nị Ẹwụ m maanị mẹ̀ ebira odivi hi nị Ịrẹyị ọnị ụ kà ọnịrị ọkarẹyị ọnị ụ mẹ vị ana vọrọ.

Ahẹ Ụgama 62:9

Nyị ịsị ọza vị vụrụ-vụrụ ahị ọza ọbanyị, ahị onosiye, ẹ yị nyị ana a ka â nyị ịsị ọnịvị àa kụ́ wa hi ịnị ịngọ, e vee re ka ẹ yị nyị ịsị ẹ vị vụrụ-vụrụ ẹnịnị ệ hẹrẹ hu asịsẹ.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Imatiwu 11:19

Ẹmị Ozi ọza onigirima ọ vavẹ; maa rị, mee hú, ẹ rẹ ka: ‘Ho! Wee re ọnịnọbanyị ọnịrị ohweche! Ọta ọdẹkẹhirehi ọnịrị aza edivi ọ vị nị.’ Ịrẹyọyẹ Ohomorihiī sị ẹngụụ zụ̀ ịnị ịsa ana aa mẹ.”

Iruuku 20:16

Vị aa vẹ, dị ọ va wụ̀ aza ẹnẹẹ nị, dị ọ sị ụbazị ọnọọ yị aza ẹnẹsa.” Ịjị ẹ maanị wụ́, dị ẹ ka, “Asị Ohomorihi zẹẹ!”

Ịjọọnụ 3:33

Ọza ana àa dọ ịrẹyị anị ộ sị ụvọ tụ́ ọọ ka Ohomorihi vị ọnịzẹyịza.

Aniroomi 11:1

Jẹẹ, me re họ̀ use ịrẹyị ọnya, oo. Vị Ohomorihi wâ sị Anisirẹrị yi tịtẹ nị? Vụrụ-vụrụ, ọchị ọnọọ ịrẹsụ! Ẹmị nyẹmba vị Anisirẹrị. Obooro Abụrahamị mị chị hụrẹ vẹ nị; anovwoovu Ịbẹnjamịnị mị vị nị.

Aniroomi 11:11

Mi ree họ̀ use ịsa ọnya. Ániju nịnị mẹ̀ và angga, vị ẹnịnị wâ sị hyẹdụ ẹnẹ ẹ̀ yị mā vana zụ kwẹẹtẹ avọọ nị? Ọchọnọyịrẹsụ! Ama ịnị ka ẹnịnị ệ vavọọ sị hyẹdụ, dị Anigiriki, ẹnị rẹ kụkụ sị oze re, dị Ohomorihi aa dọ waa há nị. Ọnọọ vị oni Ohomorihi sị hị́ Aniju nịnị ịrẹka, ka ẹ̀ daba beri Anigiriki kụ̀ ụhị.

Aniroomi 3:31

Áá zụ kà a ka ya raà mẹ ka ọda Ohomorihi ọ̀ vị ịrẹyị kẹnẹ-kẹnẹ? Asị Ohomorihi zẹẹ! Ọda vị ọnị ị hyakụ sị tụ́ udi ana vọrọ tụra a.

Aniroomi 6:15

Ị́ mẹ̀ yà ịnị ụvọ ayamva Ohomorihi, dị yẹ̀ yị kụkụ yàa ịnị ụvọ ọda aanị, vị áá vọrọ ka ya kụkụụ̄ mẹ ịvị nị? Asị Ohomorihi zẹẹ ka ọ̀ vavọọ yà!

Aniroomi 6:2

Asị Ohomorihi zẹẹ! Àa vị ịrẹyị ịvị ọyịmẹ̀ yọ, vị ị sị mẹẹ anka oku ene sú avọọ nị. Yàa vavọọ wusu, yáá kụkụ nyẹngụ aa yịị mẹ ịvị?

Aniroomi 7:13

Vị ọnọnị wâ vị ka ịsa ene zoza aa wụ̀ mị nị? Asị Ohomorihi zẹẹ! Ịvị ọ vavọọ mẹ nị. Ịvị ộ sị ịsa ene zoza, aa sịị wụ̀ mị, ka ọza ò zụ re ịsị ịvị vị. Agụvị avọọ ọda ộ mẹ̀ ka ọza ò zụ re ịzị ịvị divi ne tù.

Aniroomi 7:7

Sị ị vaa kà aanị? Ịvị ọ́da wâ vị nị? Asị Ohomorihi zẹẹ! Ọda ọ mẹ ka ma yẹ ịsị aā hị́ ịvị nị. Mẹ yị yaanị yẹ ịsị aā hị́ eyọhụrẹ, ẹ̀ yị vị ọnị ọda kà a ka, “Asị ụ mẹ eyọhụrẹ!”

Aniroomi 9:14

Sị ị vaa kà aanị? Ị yáá vaa kà a ka vi Ohomorihi ọ̀ yị nyị ịzẹyịza nị? Ọchọnọyịrẹsụ!

1 Anịkọrịntị 6:15

Wáá yẹ ka ẹngụ ẹwụ nịnị rẹ vị ọchẹngụ Ikirisiti? Máá zụ sị ọchẹngụ Ikirisiti dị ma rẹ na vàa hura ọchẹngụ ọsẹrẹka? Asị Ohomorihi zẹẹ!

2 Anịkọrịntị 1:18

Mâ sị Ohomorihi ana vị ọnịzẹyịza tẹ ivenu ka ịrẹyị ọnị mị kà wụ nịnị, ọyị vị ịrẹyị hịịn, eyiye.

Anigaratiya 2:17

À kà a ka yee zí ka Ohomorihi vaa jị ịhị yị, agụvị ka ẹyịrị Ikirisiti vị ọnya, ama dị Ohomorihi yị za yị ịrịka tụ́ ịnị ọnịvị (agụvị ka yẹ yị saasa ọda). Ohomorihi ọ̀ọ vavọọ mẹ, ọnị ọ vị ka vị Ikirisiti raà sị yị nyeeyi avọọ nị. Enyisi ọ vị nị, Ikirisiti ọ mā vavọọ mẹ.

Anigaratiya 2:21

Me yi vee yi ayamva Ohomorihi tịtẹ. Àa vị agụvị ka ọza ọ́ọ saasa ọda, Óhomorihi aa sịị jị ịhị yị ọza nị, ọnị ọ vị ka isu Ikirisiti vị osusu samị-samị.

Anigaratiya 6:14

Àa vị ẹmịị yọ, ẹ yị nyị ịsị mị zụ sị mẹ eyi, àyị vị isu oni Ijeesu Ikirisiti Ananyị yị sú ị́rẹsụ apavahị. Agụvị isu anị ọnọọ, ịsa ẹhẹ ọnọnị kụkụ vị kẹnẹ-kẹnẹ yị mị, ma sị vara oku yị ẹhẹ.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.

1 Ịjọọnụ 5:10

Agụvị avọọ, ọza ana àa sị ayị tụra Ozi Ohomorihi, vaa yẹ ịnị ayị anị ka ịzẹyịza ívenu ọnọnị vị nị. Ama ọza ẹnẹ ẹ̀ yị sị ayị tụra Ohomorihi, ọ sị Ohomorihi za onireche da, agụvị ka ọ́ yị dọ ịrẹyị ọnị Ohomorihi kà ini oze Ozi anị wụ́.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị: