Aniroomi 3:2 - IWE ỌNỊNỊ

² Ohi amị ọ vị ka ọ́ọ nyị ọgụ ẹtẹẹtẹrẹ ini oze tụra oze. Ịpaapa da, Aniju nịnị Óhomorihi sị ịrẹyị anị chire ụvọ nị.

Aniroomi 3:2 ပူးပေါင်းရင်းမြစ်များ

Ahẹ Ụgama 119:140

A sị ọ zama re ka avaba ịsa ọnị ụ ka ụ vaa mẹ vị ọnị ụụ̄ mẹ ịzẹyịza. Mê sì ịrẹyị awụ ẹtẹẹtẹrẹ.

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ịdanịyẹrị 10:21

Ama Ịpaapa da, ọnị vaa kà a yị ọnị, ịsa a chẹrẹ tụ ịnị iwe ịrẹyịzẹyịza ọnọnị. Ẹ yị nyị ọza ana gụ ọnị ụvọ ịnị ịrẹyị ọnịrị anggẹẹrị ẹyịva ẹnẹnị, ẹ̀yị vị Ịmayịkẹẹrị kẹnẹ, ana vị anggẹẹrị ana sị eyi pe ọnị.

Ịjọọnụ 5:39

Waa kà Iwe Ohomorihi nịnị ẹtẹẹtẹrẹ, agụvị ka wâ dọ nịnị ka ịnị anị, ụ nyẹngụ re ịsị ẹ zụ sị wụ nịnị yàra pooro zịna-zịna nị. Iwe Ohomorihi ọnọọ gẹdẹ-gẹdẹ vị ana aa kà ịrẹyị amị.

Odeyi 7:38

Ọnị ọnịrị Anisirẹrị nịnị yà ịnị ụnọmị, áda ayị nịnị mẹ̀ va gụ ịzọọ nị. Anggẹẹrị ọnọọ ộ kà ịrẹyịị yọ ị́rẹsụ ataba Ịsịnayị, dị ọ tụ́ ọọ hi ada ayị nịnị nị. Imosiisi ộ sị enube Ohomorihi ana aa mẹ ka ọza ọ̀ yàra pooro zịna-zịna va yị.

Aniroomi 1:2

Ohomorihi ộ mẹ̀ ka ọnịsẹ nịnị ẹ̀ vịdị kà a tịtẹ ini iwe Ohomorihi ka a vaa kà enube ọyịza ọnọọ.

Aniroomi 2:18

Wáa yẹ ịsị Ohomorihi sì ka waa mẹ nịnị, agụvị ka wa sị ọọ kọ ịnị ọda ịsa ana vọrọ.

Aniroomi 3:1

 nyị ịsị Aniju nịnị kụkụ va sị dahi hu aza ẹnẹ ẹ̀yị vị Aniju aanị? Ọgụ ịsị ẹ kụkụ va yà ịnị ụvẹvẹnẹ ọyịjị?

Aniroomi 3:3

À kà a ka aza ẹnyị ẹnịnị ẹ yị dọ ịrẹyị ọnọọ wụ́, vị ọnọọ wáá zụ mẹ ka asị Ohomorihi ọnị rẹ kụkụ nyị ịzẹyịza nị?

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

1 Anịkọrịntị 9:17

Àa vị ẹmị kẹnẹ ọ sị ayị amị sị ọọ ka maa mẹ̀ ẹ nị, mị yaanị ee họ̀ use ka èe sí mi ụta. Ama ẹ yị va vị ẹmị kẹnẹ ọ nyị ụkọrọ ọnọọ yị ẹngụ amị. Ohomorihi ọ mẹ ọda ụkọrọ ọnọọ, dị ọ sị ọọ chire mi ụvọ nị.

2 Anịkọrịntị 5:19

Ini oze Ikirisiti, Ohomorihi ọ raà vara anẹhẹ ọta anị. Ohomorihi ọ yị kụkụ za ịvị ẹnịnị tụ́ wa ọrọkọ. Ô si enube chire yi ụvọ ka yaa kà a ka ọnị ọ raà vara aza ọta anị.

Anigaratiya 2:7

Ama ọdọvịdị ẹnẹẹ e si oo re ka Ohomorihi ọ́ọ sị enube ọyịza chire mi ụvọ ka maa kà a yị aza ẹnẹ ẹ̀ yị mā jị ụvẹvẹnẹ, anka ọ mẹ̀ rẹ sị yị Ipita ka ọ́ọ kà enube ọyịza yị aza anaā jị ụvẹvẹnẹ.

1 Itimoti 6:20

Itimoti, re ka ịsị e si chire wu ụvọ, wáa sị eyi pee! Hụụnị ịrẹka ana ahịka ẹ yị nyị ịsị ẹ kụ́ ọnịrị Ohomorihi gẹ, ọnịrị ahankata ụra ana aza ẹnyị ee nyeeyii hị́ “ịrẹyọyẹ”.

Anihiburu 5:12

O si tù ka ẹwụ nịnị ọ̀ kụkụụ zụ̀ aza ịsa. Ama áa nyị ka à rẹ varẹma vaa zụ̀ wụ nịnị ịsa ịpaapa ini oze ịrẹyị Ohomorihi. O si tù ka wa yaanịị rị ịsa obooro nịnị, ama áa nyị ka à yịị sị ịrẹvaa kà wụ nịnị.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.

Ẹtore 22:6

Dị anggẹẹrị ọnọọ kà a mị ka, “Ịrẹyị ẹnẹnị vị ịzẹyịza, ẹ yị nyị ireche ịnị anị. Ohomorihi Ananyị yị ana sị Ụhwẹ Ọnịnị anị yị ọnịsẹ nịnị ọ tụ́ anggẹẹrị anị ka ọ̀ sị va zụ̀ ezi ahụ anị ịsa ana aa vaa mẹ aanị nị.”