Aniroomi 2:9 - IWE ỌNỊNỊ

⁹ Avaba aza ana àa mẹ odivi saka-saka vaa rị ụya, di eyi ẹnịnị ee ví. Aniju nịnị o vịdị vee tù nị, di ò re ve tù aza ana vọ ẹnẹ ẹ̀ yị vị Aniju.

Aniroomi 2:9 ပူးပေါင်းရင်းမြစ်များ

2 Ịtọpa 6:23

navọ Ẹnẹyịmavara wa wụ́ ẹbẹẹba, dị wa mẹ̀ ọkarẹyị sị ụya rị ọza anaa rị ịvị, dị wa jị ịhị yị ọza ẹnẹ ẹ yị rị ịvị.

Ahẹ Ụgama 32:10

Aza ana aā mẹ̀ ebira odivi vaa dàa rị ụya kẹnẹ Ama ọza ana sị ayị tụra Ẹnẹyịmavara vi oni o vee sì ịrẹyị anị pooro di ee sere e.

Ụhịrẹyị 11:23

Ọza ọyịza vị anaa tụra eyi ọyịza-ọyịza, ama aza ọhịmị vị ene zi ayodu kẹnẹ.

Ezikẹẹrị 18:4

Ka, ọnị ọ nyị avaba aza nị. Aza ana ma ozi ọnịrị ezi ẹnịnị, ọnị ọ nyị wa vabẹ nị, avọọ ọza anaaa mẹ̀ ebira odivi, o vee sú isu anị nị.

Ezikẹẹrị 22:31

Avọọ, ọnị vaa kụ ayịị hi wa, agụvị avaba ịsị ẹnẹ ẹ́ mẹ; dị ọnị sị ọyịkụ-ọyịkụ vu wa ẹtẹ anka ịra mee vu ịsa ẹtẹ avọọ. Ọnị Ẹnẹyịmavara Ananyị ụkata hu, ọ ka avọọ nị.

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 13:26

Ẹwụ nịnị anda ayị, ẹwụ nịnị ezi Abụrahamị, ọnịrị ẹwụ nịnị aza ana vọ ene hí angwa Ohomorihi, ẹyị a sị ịrẹyị ẹdọha ọnọnị tụ́ hi nị.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Odeyi 28:17

Ịrẹma ẹkụhị ẹẹta, dị Ịpọọrụ hị́ ọdọvịdị Aniju nịnị ene hi ịzọọ eyọgẹ nị. Ẹ mẹ̀ sị gụ, dị ọ kà a yị wa ka, “Ẹwụ nịnị ẹyịnyara amị, ẹ yị nyị ịsị ọnị mẹ anda ayị, Ọnị ẹ yị mẹ̀ ịsa odivi hi ịsa ohiku ayị. Ama vị ẹ yị za ọnị Íjerusarẹmị kẹnẹ, dị a sị ọnị chire Aniroomi nịnị ụvọ nị.

Odeyi 28:28

Dị Ịpọọrụ ka, “Dụ wa yẹ nịnị ka a raà kà enube ẹdọha Ohomorihi yị Anigiriki nịnị. Ẹnịnị vaa sị ụtọọ pee!”

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Aniroomi 1:16

Mẹ yị nyị ụhị agụvị enube ọyịza. Ụkata oni Ohomorihi aa sị dọ ọza ana dọ wụ́ụ há ọ vị nị. Aniju nịnị o vịdị tù, di o re ve tù Anigiriki u nịnị nị.

Aniroomi 10:12

Wâ vị Aniju oo, wẹ yị vị Aniju oo, ẹ yị nyị irenyi ịnị anị. Ohomorihi ọ nyị avaba aza nị. Ọọ̄ vayị avaba aza ana àa hị́ ọọ ẹtẹẹtẹrẹ.

Aniroomi 2:10

Ohomorihi rẹ vaa sị igirima ọnịrị ụbanyị beri ẹngwọọrọọ yị avaba aza ana àa mẹ̀ ịsa ene zoza. Aniju nịnị o re vịdị vee tù nị, di ò re ve tù avaba aza ana vọ ẹnẹ ẹ̀ yị vị Aniju,

Aniroomi 8:35

Sị ẹ zụ sị yị hụụ ịdị Ikirisiti, ana maanị sì ịrẹyị ayị aanị? Ayodu wáá yọ? Ẹngụkata wáá yọ? Àa daka sị ụya rị yị, dị ụngwẹ aa kụ̀ yị, dị yẹ̀ yị kụkụ nyị ịta kú ẹngụ nị, yẹ yị vaa hụụ ịdị Ikirisiti ene sì ịrẹyị ayị. Ịrẹyị asigiri ọ̀ọ daka vẹ, à vị ka daa sị ụhwọ ka àa sịị wụ yị, yẹ yị vaa hụụ ịdị Ikirisiti.

Aniroomi 9:24

Mị ka ẹyị ọnọọ hị́, ayị vị hụụnị Aniju nịnị kẹnẹ, ama hụụnị Anigiriki nịnị bẹẹ.

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

2 Anịtẹsaronika 1:6

Ohomorihi vị anaā mẹ̀ ịsa ana vọrọ: Ọ vaa sị ụyaa rị aza ana aa sị ụyaa rị wụ nịnị.

1Ipita 4:17

Ụmẹ ọkarẹyị o si tù, aza Ohomorihi Óhomorihi vaa vịdị aa mẹ̀ ọkarẹyị anị nị. Àa vị ịdị ẹyị aza Ohomorihi, ọkarẹyị nyima hụrẹ nị, si ụ ro ka ọ vaa vị ẹzẹtẹ aza ẹnẹ ẹ̀ yị dọ enube ọyịza Ohomorihi wụ́?