Aniroomi 2:2 - IWE ỌNỊNỊ

² Yáa yẹ ka ọkarẹyị oni Ohomorihi mẹ yị ẹngụ aza ana mẹ̀ ịsa ẹnẹẹ, ọ́ọ vọrọ.

Aniroomi 2:2 ပူးပေါင်းရင်းမြစ်များ

Oyinyima 18:25

Ọchị ọnọọ ị́rẹsụ, ọnị ọ yẹ ka ộ yị zụ vavọọ mẹ, ọ ka ọ yị vaa wụ̀ aza ọyịza ọnịrị aza edivii vaa bẹ, dị ahịka ịngọ ọnya ọ vana sị aza ọyịza ọnịrị aza edivi nị. Ọchọnọyịrẹsụ! Ọ kà Ohomorihi ana vị ọmọkarẹyị avaba anẹhẹ, ẹ yị zụ nyị ka ọ yị mẹ̀ ịsa ana vọrọ.

Ijoovu 34:23

Ẹ yị nyị ka ọ jị ụmẹ ọnị i ee si ne tù ọ dị ọ mẹ̀ ọkarẹyị yị yị.

Ahẹ Ụgama 145:17

Avaba ịsa ẹnị Ẹnẹyịmavara ọ̀ọ mẹ vị ịsa ana vọrọ. Ô sì ịrẹyị avaba ịsa ọnị ọ tụ́.

Ahẹ Ụgama 9:4

Ịzẹyịza ụ waa sịị mẹ̀ ọkarẹyị nị; wa mā mẹ eyi ịdị wa raà kà a ka mẹ yị rị ịvị.

Ahẹ Ụgama 96:13

Ẹnịnị vavọọ vaa jị ahẹ kụ́ Ẹnẹyịmavara, agụvị ka aa vẹ dị ọ̀va mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị ana vọrọọ yị anẹhẹ ọnịrị aza nịnị.

Ahẹ Ụgama 98:9

Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.

Ayịsaya 45:19

Ọnị e yi were ka ịrẹyị. Ọnị ẹ yị ka yị Anisirẹrị nịnị ka ẹ họ̀ use ịsa ọnị ọnị ẹ yị vaa zụ mẹ yị wa. Ịzẹyịza ọnịrị ịsa ana vọrọ ọnịị̄ kà a nị.

Ayịsaya 45:21

Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị.

Ijeremaya 12:1

Ijeremaya ka, Ẹnẹyịmavara, ọnị ọ̀ọ ka ọnị ee pe ewu nyị ahankata ịrẹyị anị, awụ ọ raa yịị gẹ nị. Ama ọnị aa yịị họ̀ ụ use ịrẹyị ịnị ịpa ịzẹyịza awụ. Sị ẹ vẹ dị ẹhẹ aza edivi zee yị wa? Sị ẹ vẹ dị oō zee yị aza ẹnẹ ẹ yị ma mẹ ịzẹyịza?

Ezikẹẹrị 18:25

Ama ẹwụ nịnị ka, ịsị Ananyị yị aa mẹ aanị ẹ́ yị vọrọ. Ẹnẹyịmavara kà avaba ẹwụ nịnị Anisirẹrị ẹ̀ sị ụtọ pe ẹtẹ. Vi wéé ro nịnị ka oze ọnị ọnị zịị mẹ ịrẹyị ẹ́ yị vọrọ nị? Ẹwụ nịnị aa mẹ ịsị ẹnẹ ẹ̀ yị vọrọ nị.

Ezikẹẹrị 18:29

Ama ẹwụ nịnị Anisirẹrị ka, ịsị Ananyị yị aa mẹ ẹ̀ yị vọrọ. Vị wéé ro ka ịsị ọnị aa mẹ ẹ̀ yị vọrọ nịnị nị? Ẹwụ nịnị ọ vanaa mẹ ịsị ẹnẹ ẹ̀ yị vọrọ nị.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Odeyi 17:31

Ohomorihi ộ nyị ẹkụhị ọnya ọnọọ vaa sị sị ịzẹyịzaa mẹ̀ ọkarẹyị avaba anẹhẹ. Ọ vavọọ vaa mẹ ini oze ọza ọnị ọ sị nyị. Ọ raà sị zụ̀ avaba aza ka ịzẹyịza yọ, ọ mẹ̀ ha ọza ọnọọ hụụnị isu.”

Aniroomi 2:1

Ẹwụ nịnị ana aa mẹ̀ ọkarẹyị yị aza, ọza tụra ọza ọnị ụ wàa vị; ẹ yị kụkụ nyị ịsị u zụ re kụ́ nịnị. Ụ màa mẹ̀ ọkarẹyị yị ọza, wẹ yị yẹ ka ẹngụ awụ ụ waa mẹ̀ ọkarẹyị yị avọọ nịị! Agụvị ka ịsa ọnyọọnya ẹwụ rị ọọ aa mẹ nị.

Aniroomi 2:3

Ẹwụ ana aa mẹ̀ ọkarẹyị yị aza ana aa mẹ ẹngụ ịsa ẹnẹẹ, dị ẹwụ raa mẹẹ, wéé zụ roo ka Ohomorihi ọ yị vaa mẹ̀ ọkarẹyị wụ?

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.

Aniroomi 9:14

Sị ị vaa kà aanị? Ị yáá vaa kà a ka vi Ohomorihi ọ̀ yị nyị ịzẹyịza nị? Ọchọnọyịrẹsụ!

Ẹtore 16:5

Dị mị wụ́ anggẹẹrị ana sị eyi pe enyi, dị ọ ka: Ẹwụ Ohomorihi ẹnẹ ẹ̀ yị nyị ẹngụ anị, ịzẹyịza ụ sị mẹ̀ ọkarẹyị ẹnẹnị nị. Ẹwa yà ịzọọ booro aanị nị, ẹwa rẹ yà ịzọọ hụrị ụmọrụmọ nị.

Ẹtore 19:2

Ịzẹyịza ọ sịị̄ mẹ̀ ọkarẹyị anị nị, ọ mā nyị ireche. Ọ raà mẹ̀ ọkarẹyị yị ọsẹrẹka ọbanyị ọnọọ ana aa sị ịrẹkọyịsẹ anịị du ẹhẹ. O re reè si ọ atọ agụvị ezi ahụ anị ọnị ọ wụ̀.”