Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aniroomi 10:3 - IWE ỌNỊNỊ

3 Ẹnịnị ẹ yị yẹ, Óhomorihi mẹmẹẹ̄ jị ịhị yị ọza. Ẹnị ee sì ka ẹnị ẹ̀ zị oze ẹ́ẹngụ ẹnịnị mẹẹ. Ẹ yị zẹẹ ka ẹnị ẹ̀ saasa oze oni Ohomorihi ọnịị̄ zịị jị ịhị yị ọza.

အခန်းကိုကြည့်ပါ။ ကော်ပီ




Aniroomi 10:3
34 ပူးပေါင်းရင်းမြစ်များ  

Ụmẹ tụra ụmẹ ọnị wa maanị sị sị ụya rị yị, yâ yẹ ka á mẹ vọrọ yị yọ nị, agụvị ka ya raà mẹ̀ ebira odivi.


Avọọ dị aa kà yị aza ka ọnị ọ mẹ̀ ịvị, dị ọnị mẹ̀ ịsị ẹ vọrọ, ama Ohomorihi ọ yị si ọnị atọ.


Ohomorihi, ẹ yị nyị ọza ana zụ yẹ ta ụkọrọ ẹbanyị-ẹbanyị ọnị waa mẹ nyị ọza ene e sii juwe awụ.


Batọ avaba awụ nịnị ene zi ka a dọ ụ nịnị ha. Ẹwụ nịnị ene si ka wa saasa ịrẹyị Ẹnẹyịmavara sị ụtọ pe ẹtẹ. Tamayị ịzị ụ chi hụrẹ vẹ nịnị.


Ẹnẹyịmavara kà ẹ kana eyi di e re ihinẹba ọnịrị ẹtẹ. Ihinẹba vaa ta anka areyi mẹẹ̄ ta hi ịnị ahị avọọ. Ẹtẹ ọnọnị vee bo anka ụsẹmụsẹ avọọ. Aza ana ra ịrẹsụ ẹtẹ vị ene vee su va ha anka ịsị avọọ. Ama ụkata ọnị ọnị sị dọ azaa ha o yi mē bo. Ọnị vaa nyị ẹbẹẹba pooro zịna-zịna nị.


Aza ene du wa vee vu ẹtẹ anka idegu mẹ̄ rị achị avọọ. Ama ọnị vaa ẹdọha wa pooro zịna-zịna. Avọọ ọnị mẹ vaa nyị ẹbẹẹba pooro nị.


Ẹnẹyịmavara ộ kà a yị aza anị ka, “Waa mẹ ịzẹyịza nịnị ọnịrị ịsa ana vọrọ, agụvị ka e yi vee kù dị ma dọ wụ nịnị ha.


Wê ro ka ịsa ana vọrọ ụ waa mẹ nịnị nị, ama mị vaa sị iruvo awụ nịnịị tụ ẹhẹ. Ori awụ nịnị ẹ yị va zụụ gụ wụ nịnị ụvọ.


Avaba ayị ọ sị ịvị mẹ; ebira ozoza ene hu ọnị mẹ vị ọnịrị ịdọtị anka ụsẹ avọọ. Agụvị ebira odivi ayị, vị́ ị kụkụ sị mẹẹ anka avị ana wụ, dị ahị hì wa kwooze avọọ nị.


Ẹnẹyịmavara vị enee sì ịrẹyị ọza pooro, dị ẹ yị zá ụvọ jẹẹ, ayamva anị ẹ mā nyị ẹzẹtẹ.


Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.


ana mẹ ka ọnị ọ̀ rẹ mẹ ịsị ẹnẹ ẹnịnị è yi sì hi wa, dị ọnị kụ wa ve hi ịnị ẹtẹ ọnịvị ẹnịnị nị. Ọ kà, ẹnịnị ẹ̀ẹ sị ayị ẹnịnị và ẹngụ ẹnịnị nẹtẹ, dị ẹnịnị dọ ka ẹnị ẹ̀ rị ụya ịvị ẹnịnị nị.


Ama ọzwọzọda ọnọọ ee sì ka ọnị ọ̀ jị ịhị yị ẹngụ anị; dị ọ họ̀ Ijeesu ka, “Ẹnẹ vị ọnọhụva amị kẹ?”


Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.


Ini oze enube ọyịza, Ohomorihi ộ sị zụ̀, ọ mẹmẹẹ̄ mẹ ka aza ẹ̀ vị ọnịzẹyịza. Avaba anị ộ jẹẹ tụ́ ịrẹsụ ka ọza ọ̀ sị ayị tụra Ohomorihi hụụnị oyinyima ne tù ẹzẹtẹ; anka a mẹ̀ vịdị chẹrẹ ẹ tụ́ ini Iwe Ohomorihi ka: Aza ana vị ọnịzẹyịza (ini eyi Ohomorihi) vaa yàra, agụvị ka ệ sị ayị tụra a.


Mâ dọ ivenu tụ́ ọọ ka ẹnịnị ee sì ka ẹnị ẹ̀ẹ hẹkẹ Ohomorihi ẹtẹẹtẹrẹ. Ama oze ẹnẹ ẹnịnị zị, ọ yị vị oze ịrẹyọyẹ.


Ayị Ayịsaya ọnị ộ hyakụ vị́ hu avọọ, dị ọ kà a ka Ohomorihi ka, “Aza ene è yi sì mi, e si mi re. Aza ẹnẹ ẹ̀ yị hyakụ họ̀ use amị, ma raà sị ẹngụ zụ̀ wa.”


Sẹ va saasaa? Anisirẹrị nịnị e rè vee re ịsị eyee sì. Aza chee oni Ohomorihi nyị kẹnẹ e ree nị. Ẹnịnị ana vọ, Ohomorihi ọ raà mẹ ayị ẹnịnị katẹngụ.


Aza ana sị ayị tụra Ijeesu, Óhomorihiī vara ọnịrẹyịzẹyịza nị. Avaba aza ana sị ayị tụra Ijeesu Ikirisiti kẹnẹ, Óhomorihiī vavọọ mẹ nị. Oze ọnya ọ vị yị avaba aza nị,


Ama booro aanị, Ohomorihi ộ sị zụ̀ ka ọnị ộ nyị ịzẹyịza, ọnị ọ vị ka ộ nyị ịzẹyịza hi ẹngụ anị. Ọnị ọ rẹẹ̄ jị ịhị yị aza ana àa sị ayị tụra Ijeesu nị.


Ọza ịnya ọ mẹ akamawụ, dị ọ mẹ ka aza ọrụrụ-ọrụrụ ana vọ ẹ̀ vị ọnịvị nị. Avọọ gẹdẹ-gẹdẹ ọ́za ịnya ana wụ́ ịrẹyị chire Ohomorihi ọnị mẹ̀ rẹ mẹ ka Ohomorihi ọ̀ jị ịhị yị aza ọrụrụ-ọrụrụ nị.


Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.


Yaà sị ịzẹyịza saasa avaba ọda ọnị Ẹnẹyịmavara mẹ ẹhẹ ayị vị ana va hine Ohomorihi ayị.


Mee sì ka ẹmịrị ọ ọ̀ yị vabẹ. Mé yi kuku si ka aa hị́ mị ọnịrẹyịzẹyịza ini oze ka maa sị ayị tụra ọda. Ama mee sì ka àa hị́ mị ọnịrẹyịzẹyịza ini oze ka maa sị ayị tụra Ikirisiti. Ẹngụ ịzẹyịza ọnọọ, Ohomorihi ọọ̄ sị yị ọza ana sị ayị tụra a nị.


Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ