Aniroomi 10:2 - IWE ỌNỊNỊ

² Mâ dọ ivenu tụ́ ọọ ka ẹnịnị ee sì ka ẹnị ẹ̀ẹ hẹkẹ Ohomorihi ẹtẹẹtẹrẹ. Ama oze ẹnẹ ẹnịnị zị, ọ yị vị oze ịrẹyọyẹ.

Aniroomi 10:2 ပူးပေါင်းရင်းမြစ်များ

Odeyi 21:20

Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Anihwiripi 3:6

Máa kụ́ ẹngụ hi ịrẹyị Anịju nịnị ẹtẹẹtẹrẹ, dị mị hyakụ aa sị ụyaa rị Anịragụ Ohomorihi nị. Àa ka na kà ịrẹyị ọza ọnị ọda kà a ka ọ́ọ vị ọnịrẹyịzẹyịza, mẹ yị nyị ohuvọ da.

Anihwiripi 1:9

Aduwa ọnị maa mẹẹ wụ nịnị yị: Ohomorihi ọ̀ navọ wee sì ịrẹyị ẹngụụ hu avọọ nịnị pooro. Dị ụ wa rẹẹ nyị ịrẹyọyẹẹ hu avọọ nịnị, dị ụ wa zụ yẹ ịsa ozoza ọnịrị ene è yi zoza nịnị.

Aniroomi 10:3

Ẹnịnị ẹ yị yẹ, Óhomorihi mẹmẹẹ̄ jị ịhị yị ọza. Ẹnị ee sì ka ẹnị ẹ̀ zị oze ẹ́ẹngụ ẹnịnị mẹẹ. Ẹ yị zẹẹ ka ẹnị ẹ̀ saasa oze oni Ohomorihi ọnịị̄ zịị jị ịhị yị ọza.

Ụhịrẹyị 19:2

E yị zoza ka ọza ọ mẹ ịrẹyị dị asị o rò o, eyiha vị anaa da ọza ikoro.

Anigaratiya 1:14

Ịnị avaba ọpa amị, ẹma sị ụvọ za ahẹkẹ Aniju hu kere-kere nị. Ẹma rẹ sị avaba ayị amị mẹ ido oni ohiku ayị jị hu nị.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

2 Ohinọyị 10:16

Ộ kà a yọ ka, “Saasa amị, di u we ve re mmẹmẹ kụ ẹngụ hi ịrẹyị Ẹnẹyịmavara.” Dị ọnịrị ọ sị ịkẹkẹ anị aa na nị.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Odeyi 22:3

“Aniju mị vị nị. Ịtasọsị a yà ma mị nị ini Isirisiya. Ijerusarẹmị a yà pá mị; dị ahịka Igamariyẹẹrị aa zụ̀ mị ịsa nị. Ộ sị ọda ohiku ayị nịnị zụ̀ mị ẹtẹẹtẹrẹ. Ẹma rẹ sị ayị yị Ohomorihi ẹtẹẹtẹrẹ, anka avaba ẹwụ nịnị mẹ̀ rẹ sị ayị yọ ịnị ụmẹ ọnọnị aanị.

Ahẹ Ụgama 14:4

Di Ohomorihi ka aza edivi ẹnẹnị ẹ yị yẹ ịrẹyị. Ọ kà sị ẹ vẹ dị ẹ maanị vị ọnụra aanị! Aza edivi ẹ̀ẹ za aza Ohomorihi dị ẹ yaa mẹ wa ẹnị ẹzụụ̄ mẹ ẹvụ nị. Ẹ yị hyakụ kà a ka ẹnị aa mẹ̀ aduwa hi Ẹnẹyịmavara.

2 Anịkọrịntị 8:3

Dị ma kà a wụ nịnị ka ẹnịnị ệ mẹ hu ọpa ẹnẹ ẹ zụ mẹ, ệ hyakụ mẹ huna ọpa ụkata ẹnịnị bẹẹ. Ayị ẹnịnị kẹnẹ ẹ vavọọ si sì ọọ nị.

Odeyi 21:28

Di e nowu ka, “Ẹwụ nịnị Anisirẹrị, gụ yị ụvọ! Ọnọrụ ana aa ngụ ọọ zị yị, dị aa kà ịrẹyị odivi Anisirẹrị ọnịrị ọda Imosiisi beri irehi ọnịnị ọnọnịị yị avaba aza nị. Wee re, ọ mẹ̀ hyakụ kụ́ Anigiriki vẹ ịzẹnị ka è ve du irehi Ohomorihi ẹngụ!”

Anigaratiya 4:15

Ịjọnọọ ịnẹ awụ nịnị ô hine ẹtẹẹtẹrẹ agụvị amị, sị ẹ vavẹ booro aanị? Máa dọ ivenu tụ́ ọ ka ọ̀ọ rụra mẹ, ụ yaanị sị eyi awụ nịnị tụ̀ yị mị.

Anikorasi 4:13

Ẹmị ụvọta ọ́ọ dọ ivenu tụ́ ọọ ka aa mẹ̀ ụkọrọ ẹtẹẹtẹrẹ agụvị awụ nịnị ọnịrị agụvị Anirayodesiya beri Anihiraporisi.

Odeyi 22:22

Aza ẹnẹẹ ệ sị ụtọ pe ịrẹyị Ịpọọrụ pooro dị ọ va kà ọsọnị. Ọ mẹ̀ sị ọsọnị kà kẹnẹ, di e nowu zẹtẹ, dị ẹ ka, “Wụsẹ sị ọọ kwooze! À wụ ọọ, ka ẹ yị vọrọ ka ẹngụ ọza ọnọnị ọ̀ ra ẹ́hẹ!”

Ayịsaya 27:1

Ịnị ụmẹ ọnọọ, Ẹnẹyịmavara vaa sị ụhwọ anị ana katẹngụ dị ọ sị sị ụya rị aza ọhịmị ẹnẹẹ ana sị mẹẹ anka ẹ́wụ́ odivi avọọ. Aza edivi ẹnẹẹ vị ana sị mẹẹ anka uye odivi ana aā hị́ Ireviyatani anaā jịị kara ẹngụ. Aza ẹnẹẹ ana sị mẹẹ anka ẹwụ odivi anaā yà ini enyi vị ẹnị Ẹnẹyịmavara vaa wụ̀. Ọ yị vaa vayị ẹnịnị vụrụ-vụrụ.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Aniroomi 10:1

Ẹwụ nịnị ẹyịnyara amị, maa mẹ̀ aduwa, ayị amị ee sì ọọ ẹtẹẹtẹrẹ ka ọ maa navọ Anisirẹrị nịnị ẹ̀ zụ há.