Aniroomi 1:9 - IWE ỌNỊNỊ

⁹ Mâ sị Ohomorihi ọnị maa sị ayị ọnyaa hẹkẹ, ịnị ka maa kà enube ọyịza Ozi anị tẹ̀ ivenu, ka ẹ yị nyị ka maa mẹ̀ aduwa dị mẹ̀ yị tamayị awụ nịnị.

Aniroomi 1:9 ပူးပေါင်းရင်းမြစ်များ

Ijoovu 16:19

Ohomorihi ana ya ẹbẹẹba ene sere ọnị ọ vị onivenu anị nị.

Ịmaakị 1:1

Aanị énube ọyịza Ijeesu Ikirisiti Ozi Ohomorihi meme nyima nị,

Iruuku 18:1

Ijeesu ô che ụhịrẹyị ọnya yị wa, ana sị zụ̀ wa ka â vọrọ ka ọza ọ̀ọ mẹ̀ aduwa pooro, dị asị ọ tụ́ ọọ.

Odeyi 12:5

A mẹ̀ sị Ipita tụ́ ịnị ẹngwa, dị anịragụ ẹnẹẹ ẹ̀ yị tụ́ ụhwọ́, dị ẹyaa mẹ̀ aduwaa hi Ohomorihi ẹtẹẹtẹrẹ agụvị ịrẹyị Ipita nị.

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Odeyi 24:14

Mâ dọ ka hịịn, maa hẹkẹ Ohomorihi ada ayị nịnị ini oze Ikirisiti ẹnẹ ẹnị ka ọyị vọrọ. Mâ dọ avaba ịsa anaa chẹrẹ tụ́ ịnị ọda wụ́ beri ịrẹyị ọnị ọnịsẹ nịnị rẹ chẹrẹ tịtẹ.

Odeyi 27:23

Anggẹẹrị Ohomorihi ana nyị mị, ọnị maa hẹkẹ, ộ jẹẹ pe mi ịrahụ”,

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Aniroomi 9:1

Ịrẹyị ọnị maa kà aanị vị ịzẹyịza. Mâ sị Ikirisiti tẹ ivenu, me yi cheeche. Ayị amị ọnịrị Ụhwẹ Ohomorihi ọ rẹ dọ ivenu tụ́ ọọ bẹẹ.

2 Anịkọrịntị 1:23

Mâ sị Ohomorihi tẹ ivenu, ọ rẹ yẹ ayị amị. Agụvị ma rẹ sị oze tụ́ ọọ wụ nịnị, m mẹẹ̀yị sị vavẹ Ịkọrịntị nị.

2 Anịkọrịntị 11:31

Ohomorihi ana vị Ada Ijeesu Ananyị yị, ộ yẹ ka me yi cheeche. Ọnị ọ nyị avaba ụbanyị pooro zịna-zịna nị.

Anigaratiya 1:20

Avaba ịsa ọnị mị chẹrẹ tụ́ hi wu aanị vị ịzẹyịza. Ohomorihi vị onivenu amị ka me yi cheeche.

Anẹhwẹsọsị 6:18

Dị ụ waa mẹ̀ aduwa nịnị ụmẹ tụra ụmẹ, dị ụ waa dá ịpẹẹ yị Ohomorihi nịnị, anka Ụ́hwẹ Ọnịnị ọ̀ọ mẹ̀ sị oze zụ̀ wụ nịnị! Wee zí nịnị, asị ụ zẹẹ ka ọ̀ tụ́ wụ nịnị! Waa mẹ̀ aduwaa yị avaba aza Ohomorihi nịnị.

Anihwiripi 1:3

Ụmẹ tụra ụmẹ oni mèe si ro ịrẹyị awụ nịnị, mịị̄ kụ́ Ohomorihi amị avọ agụvị awụ nịnị nị.

Anihwiripi 1:4

Ụmẹ tụra ụmẹ ọnị maa mẹ̀ aduwaa wụ nịnị, ịnẹ amị vị eneē hine

Anihwiripi 2:22

Wáa yẹ nịnị ka Itimoti ọ́ọ nyị ebira. Ẹmịrị ọ ô dudu kà enube ọyịza. Ô pe mi mẹ̀ ụkọrọ ọnọọ anka ozi mee pe ada anịị mẹ̀ ụkọrọ avọọ.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

1 Anịtẹsaronika 1:2

Yaa kụ́ Ohomorihi avọ ụmẹ tụra ụmẹ agụvị avaba awụ nịnị; ị raa tamayị awụ nịnị ini aduwa ayị.

1 Anịtẹsaronika 3:10

Ọọdụ ọnịrị ịrahụ, yaa sị avaba ayị ayịị mẹ̀ aduwa ka ya rẹ sị eyi gẹrị ẹwụ nịnị, dị ya zụ gụ wụ nịnị ụvọ ini oze ẹdọwụ awụ nịnị, dụ wa zụ gụ nịnị nị.

1 Anịtẹsaronika 5:17

Waa mẹ̀ aduwa nịnị pooro.

1 Itimoti 2:7

Agụvị avọọ Óhomorihi nyị mị ka ma vị odeyi, dị maa kà enube ọyịzaa yị aza nị. Dị ma rẹẹ sịị zụ̀ anẹhẹ ka ẹ̀ sị ayị tụra Ohomorihi, dị ẹ̀ rẹẹ mẹ ịzẹyịza. Me yi cheeche, ịzẹyịza m maa kà nị.

2 Itimoti 1:3

Máa kụ́ Ohomorihi avọ, ọnị maa sị ayị ọnyaa hẹkẹ anka ohiku ayị nịnị avọọ. Màaa mẹ̀ aduwa ụmẹ tụra ụmẹ, ọọdụ ọnịrị ịrahụ, mịị̄ tamayị awụ.

Ihwirimọnị 1:4

Ụmẹ tụra ụmẹ ọnị màa mẹ̀ aduwa, ẹ yị nyị ka mẹyị tamayị awụ, dị mị raa kụ́ Ohomorihi amị avọ.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.