Anikorasi 4:2 - IWE ỌNỊNỊ

² Waa mẹ̀ aduwa nịnị ịnị ụmẹ tụra ụmẹ; asị ụ zẹẹ ka ayị awụ nịnị ọ̀ọ ngụ ọọ zị, wàa mẹ̀ aduwa; dị ụ wa rẹẹ kụ́ Ohomorihi avọ nịnị

Anikorasi 4:2 ပူးပေါင်းရင်းမြစ်များ

Ijoovu 15:4

Ộ ka ịrẹka ọnị Ijoovu aa kụ́ ọọ hụụ mẹ ka asị ọza hí angwa Ohomorihi, dị o vee ro ịrẹyị anị.

Ahẹ Ụgama 109:4

Mê sì ịrẹyị ẹnịnị dị ẹ yaa kụ́ ayị amị. Maa mẹ̀ aduwaa yị wa, ama dị ẹ yaa kịị kụ́ mị ịrẹkaa zị.

Imatiwu 26:41

Sị eyi pe ẹtẹ, dị ụ waa mẹ̀ aduwa, agụvị asị ụ ngụ ịnị ọyịzamare nịnị! Ịzẹyịza ayị awụ nịnị ee sì ka ọnị ọ̀ mẹ̀ ịsa ozoza, ama ọchẹngụ awụ nịnị vị ọkụmị.”

Ịmaakị 13:33

Sị eyi pe ẹtẹ nịnị, di u wee zí nịnị, agụvị ka wẹ yị yẹ ịjị ụmẹ ọnọọ vee tù nịnị.

Iruuku 18:1

Ijeesu ô che ụhịrẹyị ọnya yị wa, ana sị zụ̀ wa ka â vọrọ ka ọza ọ̀ọ mẹ̀ aduwa pooro, dị asị ọ tụ́ ọọ.

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Odeyi 1:14

Dị ẹnịnị sị ayị yị ẹngụ, dị ẹyaa mẹ̀ aduwa pooro nị, beri anyẹnẹẹ ẹnyị ọnịrị Imeri ọnyị Ijeesu ọnịrị ẹyịnyara Ijeesu nịnị.

Aniroomi 12:12

Agụvị ka wâ nyị ọyịtureyi nịnị, waa jẹ nịnị. Wàa daka aa rị ụya nịnị, re ka wâ nyị ọyịtureyi nịnị, waa jẹ nịnị! Wàa daka aa rị ụya nịnị, re ka wâ nyị isuuru nịnị, dụ wa yịị mẹ̀ aduwa nịnị!

Anẹhwẹsọsị 6:18

Dị ụ waa mẹ̀ aduwa nịnị ụmẹ tụra ụmẹ, dị ụ waa dá ịpẹẹ yị Ohomorihi nịnị, anka Ụ́hwẹ Ọnịnị ọ̀ọ mẹ̀ sị oze zụ̀ wụ nịnị! Wee zí nịnị, asị ụ zẹẹ ka ọ̀ tụ́ wụ nịnị! Waa mẹ̀ aduwaa yị avaba aza Ohomorihi nịnị.

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

Anikorasi 1:9

Agụvị avọọ, ị mẹ̀ hụrẹ wụ́ ọ, ị hụrẹ aa mẹ ịpọdaa yị Ohomorihi agụvị awụ nịnị nị. Yaa dá ịpẹ ka ọ̀ sị zụ̀ wụ nịnị gedebee ịsa oni o sì, dị Ụhwẹ Ọnịnị ọ̀ sị ịrẹyọyẹ yị wụ nịnị ịnị avaba ịsa.

Anikorasi 2:7

Che ayị za Ikirisiti ana sị ụhwẹ ọnịrị ụkata yị wụ nịnị! Yị jẹẹ geri-geri ịnị ẹdọwụ awụ nịnị, anka a mẹ̀ sị zụ̀ wụ nịnị; dị ụ wa rẹẹ kụ́ Ohomorihi avọ nịnị ẹtẹẹtẹrẹ!

Anikorasi 3:15

Navọ ẹngwọọrọ oni Ikirisiti sịị̄ yị ọza ọ̀ọ sị oze zụ̀ ayị awụ nịnị, agụvị ka Ohomorihi ọ sị wụ nịnị hị́ ka wa vị ọnya nịnị ịnị ẹngwọọrọ ọnọọ. Waa kụ́ Ohomorihi avọ nịnị ịnị avaba ụmẹ.

Anikorasi 3:17

Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

1 Ịsamụwẹrị 1:12

Ịhaana mẹ vavọọ tangwa aa mẹ̀ aduwa, di Eri ee re e nị.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.