Anikorasi 3:9 - IWE ỌNỊNỊ

⁹ Asị ụ rè cheeche yị ẹngụ nịnị, agụvị ka wáa yẹ ka wa sị ebira awụ nịnị ịyẹẹyẹ hụrẹ ụvọ,

Anikorasi 3:9 ပူးပေါင်းရင်းမြစ်များ

Anẹhwẹsọsị 4:25

Agụvị avọọ, asị u rè kuku cheeche nịnị! Ọzọza ọ̀ọ kà ịzẹyịzaa yị ọnọhụva anị, agụvị ka avaba ayị vị ọnya.

Anẹhwẹsọsị 4:22

Agụvị avọọ kụkụ sị ebira awụ nịnị ịyẹẹyẹ tịtẹ! Ebira ọnọọ vị ịsa ọnị ọchẹngụ ọzaā sì eneē vene ọza; ọ sị wụ nịnị wụ da.

Ireevi 19:11

Ọ kà à sị ẹnịnị yi oyi. À sị ẹ mẹ ọza rị; dị à sị é re cheeche yị ẹngụ.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Aniroomi 6:6

Yâ yẹ ka ebira ayị ọkụkụ ọnịrị Ijeesu a kanyị za ọchị apavahị nị. Â vavọọ mẹ, agụvị dị wụ ebira ayị eneē sì ka ọnị ọ̀ọ mẹ ịvị. Ọnọọ vaa ka asị ị kụkụ vị ozi ahụ yị ịvị.

Ịzẹhwanaya 3:13

Ẹnị ana ha ịnị Anisirẹrị ẹ yị kụkụ vaa mẹ̄ ebira odivi, ẹ yị rẹ kụkụ vee chechee, ẹ yị kụkụ vee vene ọza. Dị Ẹnẹyịmavara ee sere wa, dị angwa o yi hi wa, dị ọ mẹ ka ò zee yị wa.

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.

Ẹtore 21:27

Ẹ yị nyị ịsa ikonya eneē du ọza ẹngụ, ana vaa ngụ ịnị ẹkụra ọnọọ. Aza ene ee du ẹhẹ ọnịrị aza eneē cheeche, ẹ yị vaa ngụ ịzọọ. Aza ana chẹrẹ tụ́ ini iwe Ozi Atẹmẹ ọnọọ ana vị iwe aza ana yára pooro zịna-zịna kẹnẹ, ẹ vaa ngụ ịzọọ nị.

1 Itimoti 1:10

Ọ rẹ mẹ ọda agụvị enebira ịdọtị ọnịrị onireche beri aza anaā dọ ivenu ireche, ọnịrị aza anaā mẹ̀ ịsa ana vọ ana jị ịrẹyị Ohomorihi ana a raà sị zụ̀ wụ nịnị nyee.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Anikorasi 3:8

Ama booro aanị, áa nyị ka wa sị ụvọ hụụnị avaba ebira edivi ẹnẹnị, ẹhụụ ọyịkụ ọnịrị ayọngụra beri ayamịkụ. Asị ụ zẹẹ ka ụhụ ọnịrị ịrẹyị ịdọtị ọ̀ kụkụ jịnẹ hụụnị irenu awụ vẹ!

Ayịsaya 63:8

Ẹnẹyịmavara kà aza anị ẹ vị nị, ẹnịnị ẹ yị vee vene ọnị. Agụvị avọọ ọ dọ wa ha

Ịzakaraya 8:16

Ịsa ọnị ẹ vaa mẹ yị, ẹnịnị ẹ ka ịzẹyịza yị ẹngụ. Ẹ sị ịzẹyịza mẹ̀ ọkarẹyị ịnị ikootu ana vaa mẹ ka a nyị ẹngwọọrọ.

Ụhịrẹyị 13:5

Ọnịzẹyịza ọọ nyị ịhyẹrẹ ireche nị ama ọza ọhịmị vị ana mẹ̀ ịrẹyị ụhị.