Anikorasi 3:3 - IWE ỌNỊNỊ

³ Wê wusu nịnị. A raà sị ụhwẹ awụ nịnị tẹ ị́dị Ikirisiti ana yà ịdị Ohomorihi.

Anikorasi 3:3 ပူးပေါင်းရင်းမြစ်များ

Imatiwu 11:25

Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

Ịjọọnụ 14:19

Òo nee kù chee, anẹhẹ e yi kuku vee re mi. Ẹwụ nịnị vee re mi. Mị yàra, ẹwụ nịnị rẹ vaa yàra bẹẹ.

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Ịjọọnụ 5:21

Anka Áda amị mẹ̀ẹ̄ ha oku hụụnị isu, dị ọ mẹ ka ẹ̀ yàra, avọọ gẹdẹ-gẹdẹ ẹ́mị Ozi anị ọnị mẹ̀ rẹẹ̄ mẹ ka aza oni mèe sì, ẹ̀ yàra nị.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Ịjọọnụ 5:40

Ama wẹ yị zẹẹ ka wa vẹ ịdị amị nịnị, dị ma mẹ ka wa yàra nịnị pooro zịna-zịna.

Aniroomi 5:10

Ọnịvị Ohomorihi ị vịdị vị nị. Ama agụvị isu oni Ozi anị sú yị yị, Ohomorihi ọ raà sị yị vara ọta anị. Ị mẹ̀ sị vara ọta anị aanị, ẹ yị kụkụ nyị ka àa jị ọọ ịrẹka ka Ozi anị ọnọọ vaa dọ yịị há, agụvị ka ộ yàra.

Aniroomi 5:21

Yê re ka iswọọza ộ sị zụ̀, ịvị mẹmẹ nyị ụkata. Avọọ gẹdẹ-gẹdẹ ị́hị oni Ohomorihi jị yị ọza ọnị mẹ̀ rẹ sị zụ̀, ayamva Ohomorihi ọnị mẹ̀ rẹ nyị ụkata nị. Dị ọ rẹ mẹ ka aza ẹ̀ yàra ị́dị anị pooro zịna-zịna agụvị Ijeesu Ananyị yị Ikirisiti nị.

Aniroomi 6:11

Ẹwụ nịnị ọ̀ rẹ vavọọ re ẹngụ awụ nịnị ka ịnị ịrẹyị ịvị ọyịmẹ̀, oku ụ vị nịnị nị! Agụvị ka ẹwụrị Ijeesu Ikirisiti ọ sị vị ọnya nịnị, Ohomorihi ụ kụkụ yàra yị nịnị nị.

Aniroomi 6:2

Asị Ohomorihi zẹẹ! Àa vị ịrẹyị ịvị ọyịmẹ̀ yọ, vị ị sị mẹẹ anka oku ene sú avọọ nị. Yàa vavọọ wusu, yáá kụkụ nyẹngụ aa yịị mẹ ịvị?

Aniroomi 8:2

Ị mẹ̀ kụkụ yà ịnị ụvọ Ụhwẹ Ohomorihi aanị, ọ raà mẹ ka ẹyịrị Ikirisiti ọ̀ vị ọnya, dị ya yàra obooro. Ụhwẹ Ohomorihi ọnọọ ọ sị mị dọ hụụnị ụvọ ọda anaā sịị ọzaa mẹ ịvị, di o sú.

1 Anịkọrịntị 15:45

 vịdị chẹrẹ ẹ tụ́ ini Iwe Ohomorihi ka; Ohomorihi ộ mẹ̀ Adamị ana vị ọza ịpaapa ka ọ̀ vị ọza ana yára. Ama Adamị ọdịrẹma vị ana hụụ ịdị Ohomorihi vẹ, ọnị ọọ̄ mẹ̀ ka ọza ọ̀ yàra nị.

1 Anịkọrịntị 2:14

Ama ọza ẹnẹ ẹ̀yị nyị Ụhwẹ Ọnịnị, ọyị zụ dọ ịsị Ụhwẹ Ọnịnị ị̄ sịị yị ọza. Ọyị zụ yẹ ịsa ẹnẹẹ, ịrẹyị kẹnẹ-kẹnẹ ọ vị yọ nị. Ụhwẹ Ọnịnị kẹnẹ ọ zụ mẹ ka aza ẹ̀ yẹ ụbanyị ịsa ẹnẹẹ nị.

2 Anịkọrịntị 5:14

Ịrẹyị ayị oni ọza oni Ohomorihi nyị mẹ̀ ohinọyị ka ọ̀ dọ yị há sì, aa sị oze zụ̀ yị nị. Ya sị yẹ ka ọza ịnya o sú yị avaba aza nị, ọnị ọ vị ka avaba ẹnị e ree wusu.

2 Anịkọrịntị 5:7

Ẹhẹ ayị vị ana jẹẹ tụ́ ịrẹsụ ịsa oni yee zí eyi, ẹ yị vị ịrẹyị ịsa oni yee re ọ vị.

Anigaratiya 2:20

Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị.

Anẹhwẹsọsị 3:9

Ohomorihi ọ rẹ mẹ mị ka ma sị zụ̀ aza, dị è re e Óhomorihi mẹmẹ aa mẹ̀ ịsa ọnị ọ vịdị mẹ eto anị tịtẹ. Hụrị ụmọrụmọ dị a va yẹ ka aa mẹ ẹhẹ, Óhomorihi ana mẹ avaba ịsa hụrẹ sị ịsa ọnọọ tẹ nị.

Anihwiripi 4:7

Ịjọnọọ Ohomorihi vaa sị ẹngwọọrọọ wụ nịnị, ana ahịka ẹ yị nyị ọza ana zụ yẹ, ọ mẹmẹ yà. Ẹngwọọrọ ọnọọ vaa mẹ ọyịza ẹ yị ayị awụ ọnịrị ariro awụ nịnị agụvị Ijeesu Ikirisiti.

Anikorasi 1:5

Ụ vavọọ aa mẹ nịnị agụvị ka waa tụra eyi ẹyịza oni Ohomorihi sị tẹ wụ nịnị tụ́ ịdị anị. Ụ mẹ̀ vịdị wụ́ enube ọyịza ana vị ịzẹyịza nịnị kẹnẹ, â kà a wụ nịnị ini oze ẹyịza ọnọọ nị.

Anikorasi 2:20

Wê wusu beri Ikirisiti nịnị, agụvị avọọ ẹ yị nyị ịsị ẹ kụkụ kụ́ ẹwụrị ori nịnị gẹ. Sị ẹ vẹ dị ụ kụkụ aa saasa ọda ẹnyị aanị nịnị ana kà a ka:

Anikorasi 2:3

Ijeesu Ikirisiti ịnya kẹnẹ ọ zụ mẹ ka ya nyị ịrẹyọyẹ dị ya zụ yẹ ịzẹyịza nị. Ịrẹyọyẹ ọnọọ ọ́ọ nyị ọgụ ẹtẹẹtẹrẹ.

Anikorasi 3:4

Ikirisiti ọ vị ẹhẹ ayị nị; ịhị ọ̀ọ sị ẹngụ zụ̀, ẹyịrị ọ ọ vaa sị ẹngụụ zụ̀ ini igirima anị nị.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

1Ipita 3:4

Ama navọ ọvị awụ nịnị ọ̀ vị ọvị ịnị ayị, ẹhụụ ayọnẹtẹ ọnịrị ebira hẹẹ; ẹngụ ọvị ẹnẹẹ e mē du, ịsa obooro ẹ rẹ vị ini eyi Ohomorihi nị.

1Ipita 4:2

Ịnị avaba ẹhẹ awụ nịnị ana vọ, sị ụ kụkụ sị ẹngụ awụ yị ịsa ẹhẹ ọnọnị ọnị ọchẹngụ ọzaā sì! Ama wee sì ịsị Ohomorihi òo sì nịnị.

1 Ịjọọnụ 3:2

Ẹwụ nịnị ẹyịnyara amị oni mi sì, booro aanị ya sị vị ezi Ohomorihi; ama yẹẹ̀ yị yẹ ị mẹ vaa yà. Yáa yẹ ka ịhị Ikirisiti ọ̀ọ vavẹ, ị vaa yà anka ọnị mẹ rẹ yà, agụvị ka i vee re gedebee anka ọ mẹ yà.

Ẹtore 2:17

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, ọnị vaa sị ịmana oni Ohomorihi sị tẹ̀, dị ọnị sị yọ ka ọọ rị ọọ. Ọnị rẹ vaa sị ịrẹta ọvwọọvụụ yọ; â chẹrẹ ịrẹha ọwọọwa tụ́ ịnị ịrẹta ọnọọ, ana ahịka ẹ yị nyị ọza ana zụ yẹ ẹ, ẹ̀ yị vị ọza ana nyị ọọ kẹnẹ.