Anikorasi 3:2 - IWE ỌNỊNỊ

² Waa sị avaba ayị awụ nịnịị tụ́ ịnị ịsa ẹbẹẹba; asị ụ sị ayị awụ nịnị tụ́ ịnị ịsa ẹhẹ ọnọnị.

Anikorasi 3:2 ပူးပေါင်းရင်းမြစ်များ

1 Ịtọpa 22:19

Ọ kà ọyaanị, ẹnịnị ẹ̀ naa sị avaba ayị ẹnịnị ọnịrị ẹhẹ ẹnịnịị hẹkẹ Ẹnẹyịmavara Ohomorihi ẹnịnị. Ọ kà ẹnịnị è nyima ẹẹ dà irehi Ohomorihi ọnọọ booro aanị, ụvị dị ẹnịnị ẹ̀ sị apoti oto Ẹnẹyịmavara ọnịrị avaba ẹnya Ohomorihi ana vọ ana a sịị mẹ ahẹkẹ tụ́ ịnị anị.

1 Ịtọpa 29:3

Ene hu keekere ịnị avaba ịsa ọnị ọnị tenyi tịtẹ aanị, ọ vị ka, ọnị ộ sị isiriva ọnịrị igooru hụụnị ogu anị ụvọta ka a sị mẹ̀ ụkọrọ ọnọnịị; agụvị ka oni oò sì ịrẹyị irehi Ohomorihi ọnọnị ẹtẹẹtẹrẹ.

Ahẹ Ụgama 62:10

Ịsa ọnị waa mẹ ọza eyi ịngwẹngwẹẹ dọ avọọ asị ụ sị ayị tụra a ka u vaa sị mẹ ẹhẹ Asị ụ rẹ na sị ayị tụra a ka wàa sị ụkata-ụkata yi ọza Iisaka â nyị ịsa ozoza ọnị ụ vaa sị ẹngụ ịsa ẹnẹẹ mẹ, ogu awụ ọ̀ọ daka aa rụrụụ hu avọọ, asị ụ sị ayị tụra a.

Ahẹ Ụgama 91:14

Ẹnẹyịmavara kà ọnị vee sere wụ dị ọnị aa dọ wụụ tụ́ agụvị ka wê sì ịrẹyị anị, dị ụ rẹ yẹ ka ọnị ọ vị Ohomorihi nị.

Ụhịrẹyị 23:5

Ẹkẹhị ọ zụ ta ịnị abọnya-abọnya. Ẹkẹhị vị onozwọọhịmị. Óo hira anka inomi anaā hị́ ọkasịmẹ avọọ nị.

Ịrẹyị Ọzwọzịsa 7:14

Ẹhẹ ee zozaa wụ waa jẹ, òo ve divi ụ rò ịrẹyị. Ohomorihi ọ mẹ ẹnị ẹyịva nị, avọọ, ẹnẹ ka ọnị ọọ yẹ anaa vẹ ụhwọọ?

Imatiwu 16:23

Ama dị Ijeesu vara eyi dị ọ kà a yị Ipita ka, “Ẹwụ echu, và ị́rẹma amị! Ariro ọza ụ nyị nị, ẹ yị vị ariro Ohomorihi.”

Imatiwu 6:19

“Asị ụ kụ́ ogu tẹ yị ẹngụ awụ nịnị ịnị ẹhẹ ịzị ikereē rị ọ, di o reē kú ụrẹ, di oyi rẹ zụ chaka irehi di e ne yi ọ!

Iruuku 12:15

Dị ọ rẹ kà a yị wa ka, “Sị eyi pe ẹngụ awụ nịnị, dị ụ wa rẹ sị ụvọ za ẹngụ awụ nịnị ịnị ịrẹyị eyọhụrẹ o, agụvị ka ẹ yị vị ogu ọnị ọza nyị ọ vị ẹhẹ ọnọọ vẹ.”

Iruuku 16:11

Wẹ̀ yị nyị ịzẹyịza ịnị ịrẹyị ẹkẹhị ọnị ụ zị oze asuvu nyị, ẹnẹ nyẹngụ sị ịsa ụbanyị obooro chire wu ụvọ?

Anihwiripi 1:23

Ịrẹyị ẹyịva vị ene ee tura mị ị zị oze eyi ẹnyị eyi ọsa. Ama ịsị mee sì ọ vị ka ma hụụnị ẹhẹ ọnọnị, dị ị ma na yà ịdị Ikirisiti nị; ọnọọ ọ vị ene zoza hu nị.

Anikorasi 3:1

Wáa yẹ nịnị ka a sị ẹwụrị Ijeesu ha hụụnị isu nịnị. Agụvị avọọ waa sị eyii tụ́ ịnị ịsa ana yà ẹbẹẹba, ịzị Ikirisiti yaayịtẹ éyi ụvọrị Ohomorihi.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.