Anikorasi 1:9 - IWE ỌNỊNỊ

⁹ Agụvị avọọ, ị mẹ̀ hụrẹ wụ́ ọ, ị hụrẹ aa mẹ ịpọdaa yị Ohomorihi agụvị awụ nịnị nị. Yaa dá ịpẹ ka ọ̀ sị zụ̀ wụ nịnị gedebee ịsa oni o sì, dị Ụhwẹ Ọnịnị ọ̀ sị ịrẹyọyẹ yị wụ nịnị ịnị avaba ịsa.

Anikorasi 1:9 ပူးပေါင်းရင်းမြစ်များ

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

Anikorasi 4:5

Yẹ, ụ mẹmẹẹ sị ịrẹyọyẹẹ mẹ ebiraa hi aza ẹnẹ ẹ̀ yị vị ọdọwụ. Re ka we yi du ụmẹ ha nịnị.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

1Ipita 2:15

Ohomorihi ô sì ka waa mẹ̀ ebira ọyịza, agụvị dị ụ wa zụ mẹ ka ọnụra nịnị ẹnẹ ẹ̀ yị nyị ịsị ẹ yẹ, ẹ̀ sị irenu ẹnịnị kú oku.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.

2 Anịtẹsaronika 1:11

Agụvị avọọ ị sịị̄ mẹ̀ aduwaa wụ nịnị pooro nị. Yaa dá ịpẹ ka Ohomorihi ọ̀ navọ wa vọrọ tụra ịsa ọnị ọ hị́ wụ nịnị ka wa mẹ: ọ̀ navọ ọ̀ sị ụkata anị mẹ ka waa mẹ̀ ebira ọyịza, anka u mè sì ọ nịnị, dị ụ wa zụ mẹ̀ ụkọrọ ẹdọwụ awụ nịnị ne tù ẹtẹ.

1 Anịtẹsaronika 5:17

Waa mẹ̀ aduwa nịnị pooro.

Ahẹ Ụgama 143:10

Ẹwa vị Ohomorihi amị nị. Navọ ịsị wèe sì ka ma mẹ, ma yẹ. Navọ ò zee mi, dị waa zụ̀ mị oze ọnị mi vaa zi, di asị a nyị ịrẹyị.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

Anihiburu 10:36

Áa nyị ka wa nyị isuuru nịnị, agụvị wàa ịsa oni Ohomorihi sì, mẹ nịnị, dụ wa zụ dọ ịsa ọnị ọ zẹẹ wụ nịnị ịzẹzẹ anị.

Anihwiripi 1:4

Ụmẹ tụra ụmẹ ọnị maa mẹ̀ aduwaa wụ nịnị, ịnẹ amị vị eneē hine

Ihwirimọnị 1:4

Ụmẹ tụra ụmẹ ọnị màa mẹ̀ aduwa, ẹ yị nyị ka mẹyị tamayị awụ, dị mị raa kụ́ Ohomorihi amị avọ.

Anẹhwẹsọsị 6:6

Asị ụ mẹ̀ ebira omeyọza kẹnẹ nịnị, ama waa sị ayị ọnyaa mẹ̀ ụkọrọ awụ nịnị anka ezi ahụ Ikirisiti ene ee sì ka ẹnị ẹ̀ mẹ ịsị Ohomorihi sì!

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

1 Ịjọọnụ 2:17

Yẹ ka ẹhẹ vị ana aa ta; avaba ịsa ene hi ịnị anị ana aza sị eyi tụ́ ịnị anị, ẹnị vị ene ree du. Ama ọza ana àa mẹ̀ ịsa oni Ohomorihi sì, ọnị ọ vaa jẹẹ pooro zịna-zịna nị.

1Ipita 4:2

Ịnị avaba ẹhẹ awụ nịnị ana vọ, sị ụ kụkụ sị ẹngụ awụ yị ịsa ẹhẹ ọnọnị ọnị ọchẹngụ ọzaā sì! Ama wee sì ịsị Ohomorihi òo sì nịnị.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

Anikorasi 1:6

Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.

Anẹhwẹsọsị 5:17

Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị!

Anẹhwẹsọsị 5:10

Wee sì iruvo ịsa ene zé Ohomorihi eyi nịnị!

Anẹhwẹsọsị 1:8

Ohomorihi vị ana nyayịnẹ mẹ ọyịza yị ẹtẹẹtẹrẹ. Ộ rẹ sị ịrẹyọyẹ obooro yị.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Ahẹ Ụgama 119:99

Ọda awụ vị ọnị miī roo nọ ịnị anị pooro. Ẹ raà mẹ ka eyi amị ò hweyi tù ịsa huna aza ana hyakụ aa zụ̀ mị ịsa.

1 Anịkọrịntị 1:5

Ọ sị wụ nịnị mẹ ọzọbanyị ini oze tụra oze ini oze ka ọ́ọ sị ụkata wụ nịnị ka waa kà avaba ịrẹyị anị, dụ wa rẹ yẹ ịrẹyị nịnị.

Odeyi 12:5

A mẹ̀ sị Ipita tụ́ ịnị ẹngwa, dị anịragụ ẹnẹẹ ẹ̀ yị tụ́ ụhwọ́, dị ẹyaa mẹ̀ aduwaa hi Ohomorihi ẹtẹẹtẹrẹ agụvị ịrẹyị Ipita nị.

Ihwirimọnị 1:6

Maa mẹ̀ aduwa ka ẹdọwụ ọnị ụ nyị tụ ịnị anị, ọ̀ va mẹ ka wa yẹ avaba ịsa ọyịza ọnị nyị hu avọọ, agụvị ka ẹyịrị Ikirisiti ọ sị vị ọnya.