Anikorasi 1:2 - IWE ỌNỊNỊ

² ẹwụ nịnị, aza Ohomorihi ene hi Ikorosi nị. Ẹwụ nịnị anda ayị ana aa sị ayị ọnyaa saasa Ijeesu. Ohomorihi ọ̀ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị.

Anikorasi 1:2 ပူးပေါင်းရင်းမြစ်များ

Ahẹ Ụgama 16:3

Aza Ohomorihi ene hi ini ẹtẹ ọnọnị ẹmị yẹ ka ệ vị aza ana nyị ụbanyị nị Ẹnịnị ê zee mi eyi ẹtẹẹtẹrẹ

Odeyi 9:13

Dị Ananịya ka, “Ananyị yị, aza ọrụrụ-ọrụrụ aa kà ịrẹyị ọnọrụ ọnọnị, nọ! A ka ộ mẹ̀ ịsa odivi hi aza awụ ene hi Ijerusarẹmị ẹtẹẹtẹrẹ.

Aniroomi 1:7

Mâ kụ́ avaba awụ nịnị ene hi Iroomi oni Ohomorihi sì ịrẹyị anị, dị ọ hị́ wụ nịnị ka wa vị aza anị. Ohomorihi Ada ayị ọnịrị Ijeesu Ananyị yị ọnị ọ nyị ka ọ̀ dọ yị há ẹ̀ mẹ ọyịza wụ nịnị, dị ẹ̀ rẹ sị ẹngwọọrọ yị wụ nịnị!

1 Anịkọrịntị 1:2

anịragụ Ohomorihi ana yà ẹkụra Ịkọrịntị, ẹwụ nịnị oni Ohomorihi hị́ ka ẹ̀ vị aza ọnịnị anị, ini oze ka ẹnịrị Ijeesu Ikirisiti ọ sị vị ọnya, ne beri avaba aza avaba aha ana aa hị́ ịrẹha Ijeesu Ananyị yị, ọza ana nyị ẹyịrị wa.

1 Anịkọrịntị 4:17

Agụvị avọọ, gẹdẹ-gẹdẹ, maa tụ́ Itimotii hi wu nịnị. Itimoti vị ozi emi oni mi sì ịrẹyị anị. Ayị ọnya aa sịị mẹ̀ ụkọrọ yị Ananyị yị nị. Ọ vaa tama wụ nịnị ayị ahụ oni mee sii hi ẹtẹ ini oze Ijeesu Ikirisiti ọnịrị ọnị mị raa sịị zụ̀ aza aha tụra aha ọnịrị ịnị ịragụ Ohomorihi tụra ịragụ Ohomorihi ọnị màa nọ.

Anigaratiya 1:3

Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ nịnị, dị ẹ̀ sị ẹngwọọrọ yị wụ nịnị!

Anigaratiya 3:9

Ábụrahamị mẹ̀ sị ayị tụra Ohomorihi, di Ohomorihi mẹ ka ò zé yọ, avọọ ọ mẹ̀ rẹ vaa mẹ ka ò zé yị avaba aza ana àa sị ayị tụra a bẹẹ nị.

Anẹhwẹsọsị 1:1

Ẹmị Ịpọọrụ oni Ohomorihi nyị ka ọ̀ vị odeyi Ijeesu Ikirisiti, ọ chẹrẹ iwe ọnọnị tụ́ hi aza Ohomorihi ene hi Ẹhwẹsọsị nị, aza ana ahịka ẹ́ẹ sị ayị tụra Ijeesu Ikirisiti, dị ẹnịrị ọ sị vị ọnya.

Anẹhwẹsọsị 6:21

Ịtayịkịkọsị vị ẹnẹbẹnị ayị ini Ikirisiti, yee sì ịrẹyị anị ẹtẹẹtẹrẹ. Ayị ọnya, aa sịị mẹ ụkọrọọ yị Ananyị yị nị. Ọ vaa kà enube amịị zụ̀ wụ nịnị, dị ụ wa zụ yẹ, m mẹmẹ yà nịnị.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

1Ipita 1:2

Ohomorihi Ada ayị ô vịdị si o ro tịtẹ, dị ọ va nyị wụ nịnị nị. Ộ sị Ụhwẹ Ọnịnị anị nyị wụ nịnị tịtẹ yị ẹngụ anị, ka wa wụ́ ịrẹyị Ijeesu Ikirisiti nịnị, dị e che anya anị sẹ́ wụ nịnị. Ohomorihi ọ̀ mẹ ọyịza ọnịrị ẹngwọọrọ anị yị wụ nịnị hu avọọ hu avọọ!

2Ipita 1:2

Ohomorihi ọ̀ mẹ ọyịza wụ nịnị, dị ọ̀ sị ẹngwọọrọ yị wụ hu avọọ hu avọọ, ụ màa yẹ Ohomorihi ọnịrị Ijeesu Ikirisiti Ananyị yị hu avọọ nịnị.

Ijudi 1:2

Ohomorihi ọ̀ vayị awụ nịnị, ọ̀ sị ẹngwọọrọ yị wụ nịnị, di ò sì ịrẹyị awụ nịnị hu avọọ ẹtẹẹtẹrẹ.

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.