Anihwiripi 4:9 - IWE ỌNỊNỊ

⁹ Ịrẹyị ọnị mị raà sị zụ̀ wụ nịnị, di mi reè si chire wu nịnị ụvọ, dị ụ wụ́ ọọ hụụnị irenu amị nịnị, di u re re, m màa mẹ̀ ẹ nịnị, ẹwụ nịnị ọ̀ rẹ vavọọ mẹ̀ ẹ. Ohomorihi anaā sịị ẹngwọọrọ yị ọza, vaa yàa beri ewu nịnị.

Anihwiripi 4:9 ပူးပေါင်းရင်းမြစ်များ

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ayịsaya 8:10

Ụ wàa mẹ̀ zụ u tenyi ẹngụ nịnị, we yi yèe ree mẹ nịnị; nyayịnẹ gẹ eyi nịnị, osusu avaba anị aa vị nị, agụvị ka Ohomorihi jẹẹ pè yị.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Imatiwu 7:21

“Ẹ yị vị avaba aza ana aa hị́ mị ka: ‘Ananyị yị!’ ẹ vaa ngụ ịzị Ada ayị ẹbẹẹba yà aa mẹ ịjọva; ẹ̀ yị vị aza ana aa mẹ̀ ịsa ana Ada amị ẹbẹẹba sì ka ẹ̀ mẹ.

Iruuku 6:46

“Sị ẹ vẹ dị waa hị́ mị ‘Ananyị yị, Ananyị yị’, ama dị ụ wẹ yị mẹ̀ ịsa ọnị mị kà?

Iruuku 8:21

Dị Ijeesu tụ́ wa ohi, dị ọ ka, “Ọnyị amị ọnịrị ẹyịnyara amị ẹ vị aza ana aa wụ́ ịrẹyị Ohomorihi, dị ẹ rẹ yaa mẹ̀ ẹ nị.”

Ịjọọnụ 13:17

Wa raà yẹ ịrẹyị ẹnẹnị nịnị. Ụ vaa daa jẹ nịnị, wàaa mẹ̀ ẹ nịnị.

Ịjọọnụ 15:14

Wàaa mẹ̀ ịsa ọnị mị kà wụ nịnị, ọta amị ụ vị nịnị avọọ nị.

Ịjọọnụ 2:5

Dị ọnyị anị kụkụ kà a yị ezida ene hi ịzọọ ka, “Ịsị ọ̀ọ kà wụ nịnị kẹnẹ, ụ mẹ̀ ẹ nịnị!”

Odeyi 9:6

Kwẹẹtẹ, dị ụ wa nọ ịnị ẹkụra ọsọọ; a vaa kà a wụ ịsị a vọrọ ka wa mẹ.”

Aniroomi 15:33

Ohomorihi anaā sịị ẹngwọọrọọ yị, ọ̀ yà pe avaba awụ nịnị Aamị.

Aniroomi 16:20

Ohomorihi anaā sịị ẹngwọọrọ yị, o yi vee kù dị ọ̀ kà Echu ngụ ẹtẹ, dị waa kụ́ ahụụ hi ọọ nịnị. Ẹyịza ọọhẹ Ananyị yị Ijeesu Ikirisiti ọ̀ yà pe avaba awụ nịnị.

1 Anịkọrịntị 10:31

Ịzẹyịza yọ, tamayị kẹnẹ ka wàaa rị, wèee hụ́, ịsa tụra ịsa ọnị ụ wàa mẹ, re ka ộ sị ụbanyị yị Ohomorihi!

1 Anịkọrịntị 14:33

Ẹ yị vị Ohomorihi ọọ̄ mẹ̀ ka aza ẹ̀ẹ mẹ jugu-jugu. Ịsa ẹngwọọrọ Óhomorihiī sì ka yaa mẹ nị. Ịnị avaba ịragụ aza Ohomorihi,

1 Anịkọrịntị 4:16

Agụvị avọọ, maa dá ịpẹẹ wụ nịnị ka waa sị ahụ amịị hi ẹtẹ nịnị.

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

Iwe Ọhụhị Imosiisi ana aa hị́ Ọyịvatụrọda 5:1

Imosiisi ộ hị́ avaba Anisirẹrị dị ọ̀ ka, “Ẹwụ nịnị Anisirẹrị batọ dị wa wụ́ ọda ọnị maa ka yị wụ nị ajịnị, kọsẹ anị dị wa sị ayị ọnya saasa a.

Anihwiripi 3:17

Ẹwụ nịnị ẹyịnyara amị, wa yịị hama mị nịnị. Sị eyi pe aza ana aa hama yị nịnị, agụvị ka ahụ ayị éyee sii hi ẹtẹ nị.

Anihwiripi 4:7

Ịjọnọọ Ohomorihi vaa sị ẹngwọọrọọ wụ nịnị, ana ahịka ẹ yị nyị ọza ana zụ yẹ, ọ mẹmẹ yà. Ẹngwọọrọ ọnọọ vaa mẹ ọyịza ẹ yị ayị awụ ọnịrị ariro awụ nịnị agụvị Ijeesu Ikirisiti.

1 Anịtẹsaronika 1:6

Ẹwụ nịnị ọ́ rẹ sị ahụ ẹyị hi ẹtẹ, dị ụ raa sị ahụ Ijeesu Ananyị yịị hi ẹtẹ nịnị nị. Wàa daka rị ụya nịnị pooro, wâ dọ enube ọnọọ nịnị, dị Ụhwẹ Ọnịnị sị ịrajẹ wụ nịnị nị.

1 Anịtẹsaronika 2:14

Ẹwụ nịnị ẹyịnyara amị, ịrẹyị óo tù wu nịnị, anka o mè tù anịragụ Ohomorihi ọnị ọnịrị Ijeesu Ikirisiti sị vị ọnya, ene hi Ijudiya. Anẹkụra awụ nịnị ệ sị ụya rị wụ nịnị anka anda ẹnịnị Aniju ẹnị mẹ̀ rẹ sị ụya rị ẹnị.

1 Anịtẹsaronika 5:23

Ohomorihi anaā sịị ẹngwọọrọọ yị, ọ̀ mẹ ka ayị awụ nịnị ọ nị saka-saka. Ohomorihi ọ̀ navọ ivehu awụ nịnị ọnịrị ariro awụ nịnị ne beri ọchẹngụ awụ nịnị ẹ̀ vị ọnịnị; dị asị ụ nyị ohuvọ nịnị vụrụ-vụrụ ịnị ẹkụhị ọnị Ijeesu Ananyị yị vaa sị vaa vẹ.

2 Anịtẹsaronika 3:4

Ananyị yị ộ mẹ̀ ka ya yẹ kaakara ini oze awụ nịnị ka waa mẹ̀ ịsa ọnị ị kà wụ nịnị. Yáa yẹ ka avọọ ụ mẹ̀ vaa yịị mẹ nịnị nị.

2 Itimoti 4:22

Ananyị yị ọ̀ yà ịnị ayị awụ! Ohomorihi ọ̀ mẹ ọyịza wụ nịnị!

Ijemiisi 1:22

Asị u vene ẹngụ awụ nịnị, dị ahịka ụ waa wụ́ ịrẹyị ọnọọ kẹnẹ nịnị nị; wa rẹẹ mẹ̀ ẹ nịnị bẹẹ.

2Ipita 1:10

Agụvị avọọ, anda ayị nịnị, sị vụrị dụ wa jẹẹ geri-geri ịnị ịsa ẹnẹnị, agụvị ka Ohomorihi ộ hị́ wụ nịnị, dị ọ rẹ nyị wụ nịnị nị. Wàa vavọọ aa mẹ nịnị, wẹ́ yị vaa hyẹdụ hụrị oze Ohomorihi nịnị pooro.

1 Ịjọọnụ 3:22

Ịsị yèe họ̀ use hụụnị ụvọ anị, ọ raa sịị yị, agụvị ka yaa saasa ọda anị; ị raa mẹ̀ ịsa ene zée eyi.