Anihwiripi 4:8 - IWE ỌNỊNỊ

⁸ Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

Anihwiripi 4:8 ပူးပေါင်းရင်းမြစ်များ

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

2 Ịsamụwẹrị 1:23

Ịsọọrụ oo! Ijonatani oo! Ẹ́ mè yi yà ẹhẹ ệ sị̀ ayị yị ẹngụ Dị ẹ daka yi sú, ẹ yị hụrẹ ẹngụ ụvọ. Ệ rẹ huna irepe, ẹnịnị ệ nyị ụkata huna idu

2 Ịsamụwẹrị 23:3

Ohomorihi Anisirẹrị ọ sị ịrẹyị kà, Ọza ene ee sere Anisirẹrị ọ sị ịrẹyị kà yị ẹmị. Ọ kà ọza ana sị ịzẹyịza dị ọ yàa sịị̄ mẹ ịjọva tụra ọza. Aza ana yaā mẹ ịjọva, dị ẹnịnị nyị angwahi Ohomorihi,

Ahẹ Ụgama 82:2

Ẹwụ nịnị ana nyị ụkata, sị ẹ vẹ dị waa sị ịrẹyịị gụ ọza ana aa mẹ̀ ebira odivi nịnị? Sị ẹ vẹ dị wee sima ọkarẹyị mẹ ka wa sị gụ aza edivi nịnị?

Ụhịrẹyị 11:1

Ẹnẹyịmavara ọ nyị ịhyẹrẹ aza ana mẹ̀ ọza rị ịnị ịsa ẹnẹ yaa ná ama o sị ịrẹyị aza ana a sị ịzẹyịza ná ịsa.

Ụhịrẹyị 12:4

Ọnẹẹ obooro ọ vị okurẹsụ ọva anị nị ama ọnẹẹ ana mẹ̀ ụhị nyị ọva anị sị mẹ anka ịtahụ ọ̀ọ tụra ọza avọọ nị.

Ụhịrẹyị 16:11

Ẹnẹyịmavara ò si ka osohu ọ̀ sị ẹnya ana vọrọ mọ ịsa yị ọza, dị ọọ̄ ná a ẹhwị ẹkẹhị anị.

Ụhịrẹyị 20:7

Ọza ọyịza vị anaā ra a mẹ vọrọ, ịrẹma anị vị eneē zee yị ezi anị.

Ụhịrẹyị 31:10

Ọnẹẹ obooro ọọ zwọ. Ọnị ọ nyị ụbanyị huni ẹkẹhị nị.

Ụhịrẹyị 31:29

Dị ọ ka, ọnẹẹ ozoza gwẹtẹ de ama ose anị ọnọnị o hu nị.

Ụhịrẹyị 31:31

Sị ụbanyị yị ẹngụ ọnẹẹ ọnọọ dị ọzọza ọ̀ọ ga a, ịzị aa kụ gụ ịnị ẹkụra.

Ahẹ Isoromọnị 5:16

Ịrẹyị irenu anị o hine hu nị. Ịsavịsavị anị vị anaa vá amị. Ẹwụ nịnị anyẹnẹẹ Anijerusarẹmị aanị ọza ọnị mị maanị sì ịrẹyị anị mẹ ya nị ọ.

Ayịsaya 26:7

Ohomorihi, ẹwụ vị ana aa mẹ ka ò zee yị ọza ana aa mẹ̀ ebira ana vọrọ. Ụụ̄ mẹ ka ẹngụ ẹnịnị ọ̀ rọ.

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Ịmaakị 6:20

agụvị ka Ịhẹrọọdụ vị ene ee hí angwa Ịjọọnụ, agụvị ka ộ yẹ ka Ịjọọnụ vị ọnịrẹyịzẹyịza, dị ọ rẹ vị ọza ọnịnị nị. Agụvị avọọ dị Ịhẹrọdị ka à sị eyi pe Ịjọọnụ nị. Ịhẹrọdị ọ̀ọ wụ́ ịrẹyị Ịjọọnụ, dị ayị anị sị vazi, ama dị ịnẹ anị ee yii hine ka ọnị ọ̀ wụ́ ịrẹyị anị.

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Iruuku 2:25

 nyị ọnọrụ ọnya aanị Íjerusarẹmị ọnị ịrẹha anị rị Isimiyọnị. Ọnịzẹyịza ọ vị nị, dị ọ rẹẹ̄ hẹkẹ Ohomorihi nị. Ee zí eyi ka Ohomorihi ọ̀ va kụ́ Anisirẹrị vavẹ udi ẹnịnị. Ụhwẹ Ọnịnị yà ịnị ayị anị.

Iruuku 23:50

 nyị ọza ịnya aanị ana aā hị́ Ijosẹẹhụ, ọnyara ọ vị ịnị anikootu nịnị nị. Ọza ọyịza ọ vị, dị ọ rẹẹ̄ mẹ̀ ebira ana vọrọ nị.

Ịjọọnụ 7:18

Ọza ana àaa dà ẹngụ anịị kà, vị ene ee sì ụbanyị yị ẹngụ anị. Ama ọza ene èee sì ụbanyịị yị ọza ana tụ́ ọọ, ọnị ọ vị ọnịzẹyịza nị, o mē vene ọza.

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Odeyi 22:12

“Â nyị ọnọrụ ọnya aanị ana yà Ịdamasịkọsị, ana aā hị́ Ananịya. Ộ nyị ahẹkẹ ẹtẹẹtẹrẹ, dị ọ rẹẹ̄ saasa ọda ayị nị. Aniju nịnị ene hi ịzọọ vị ana nyayịnẹ sị ụbanyị yọ.

Odeyi 6:3

Agụvị avọọ, ẹwụ nịnị anda ayị, nyị aza ẹnị ịhịmba ịnị ẹngụ awụ nịnị ana aza yẹ ka Ụhwẹ Ọnịnị ọ raà dọ avaba ayị ẹnịnị, dị ẹ rẹ nyị ịrẹyọyẹ. Dị ya sị wa tụ́ iruvo ụkọrọ ọnọọ.

Aniroomi 13:13

à vẹ yaa zị ụsẹ ana vọrọ tụra aza ẹnẹ ẹ̀ yị zị ụsẹ ịrahụ! Asị ị rẹ̀ kụkụ dọ ọda eche ọyịrị pooro kẹnẹ! Asị i rè hú eche, dị ọ̀ọ mẹrị yị; asị ị rẹ̀ mẹ̀ ebira ịdọtị irenyi-renyi, àa vị ebira kẹnẹ-kẹnẹ! Asị ị rẹ̀ zyaazị; asị ị rẹ̀ rẹ kụ̀ ụhị!

Aniroomi 13:3

Aza ana àa mẹ̀ ịsa ana vọrọ, ẹ yị nyị ka èe hí angwa aza ana aa mẹ ịjọva. Ama aza ana àa mẹ̀ ịsa odivi kẹnẹ a vọrọ ka èe hí angwa nị. Wè yi sì ka wee hí angwa aza ana nyị ọda, waa mẹ̀ ịsa ana vọrọ, ka ẹ vaa kà ọdaa wụ.

Aniroomi 14:18

Ọza ana àa vavọọ aa hẹkẹ Ikirisiti, óo zé Ohomorihi eyi, aza ẹ rẹ sị ụvọ tụ́ ọọ bẹẹ.

Aniroomi 2:29

Aniju obooro ọ vị ọza ana vị Aniju ịnị ayị anị nị. Ọza ana jị ụvẹvẹnẹ obooro ọ vị ọza ana vara ayị anị nị. Ụhwẹ Ọnịnị ọọ̄ mẹ̀ ọsọnị nị, ayị vị ọda anaa chẹrẹ tịtẹ. Ohomorihi ọnị ụvọta aa ga ẹngụ aza ẹnẹẹ nị, ayị vị aza.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

2 Anịkọrịntị 13:7

Yaa mẹ̀ aduwaa hi Ohomorihi ka asị ụ na mẹ̀ ịsa odivi nịnị. Ẹ yị vị ka ya sị zụ̀ ka yaa mẹ ẹtẹẹrẹ. Ama yaa mẹ̀ ẹ ka wa zụụ mẹ̀ ebira ozoza nịnị; aza ẹ nyị ẹ̀ẹ daka ee ro o ka ẹyị ẹ yị mẹ ẹtẹẹrẹ.

2 Anịkọrịntị 6:8

 sị ụbanyị yị, a rẹ mẹ̀ ụhị nyị yị.  kụ̀ yị ụhụ, a rẹ ga yị. Ịzẹyịza ịị̄ kà nị, ama aza ệ za yị anka onireche avọọ.

2 Anịkọrịntị 8:18

Yaa tụ́ ẹnẹbẹnị ayị ọnyaa saasa a ana avaba anịragụ Ohomorihi ẹ̀ẹ sị ụbanyị yị, agụvị ka aa mẹ̀ ụkọrọ enube ọyịza ọyịkà.

2 Anịkọrịntị 8:21

Ẹ yị vị Ananyị yị kẹnẹ, i yee sì ka ya mẹ̀ ịsa ana vọrọ ini eyi anị. Yee sì ka ya rẹẹ mẹ̀ ịsa ana vọrọ ini eyi ọza bẹẹ.

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anẹhwẹsọsị 4:25

Agụvị avọọ, asị u rè kuku cheeche nịnị! Ọzọza ọ̀ọ kà ịzẹyịzaa yị ọnọhụva anị, agụvị ka avaba ayị vị ọnya.

Anẹhwẹsọsị 5:9

Etohweyi ọọ̄ mẹ̀ ka aza ẹ̀ẹ mẹ̀ ebira ene zoza, dị ọ vọrọ, ọnịrị ịzẹyịza nị.

Anẹhwẹsọsị 6:14

Tenyi ẹngụ nịnị! Waa mẹ ịzẹyịza nịnị! Ọnọọ vị ana sị mẹẹ anka obo ọnị ọza sịị̄ sụ́ ọtẹ avọọ. Waa mẹ̀ ịsa ana vọrọ nịnị! Ọnọọ vị ana sị mẹẹ anka awuru enyusẹ-enyusẹ ene e siī kú ịrachị avọọ.

Iwe Ọhụhị Imosiisi ana aa hị́ Ọyịvatụrọda 16:20

Re ka waa mẹ ịzẹyịza pooro kẹnẹ, agụvị dị ụ wa zụ ra nịnị ịnị ẹtẹ ẹnẹ Ẹnẹyịmavara Ohomorihi awụ nịnị aa sịị yị wụ nịnị aanị.

Anihwiripi 3:1

Ẹwụ nịnị ẹyịnyara amị, maa za ịrẹyị amị ịrẹsụ. Waa jẹ nịnị agụvị Ananyị yị. Ẹ yị nyị ọ mẹ̀ ka yị ẹmị, mèe ree tenyi ọ chẹrẹ ịsị mị rẹ vịdị sị chẹrẹ tụ́ hi wu nịnị.

Anikorasi 4:5

Yẹ, ụ mẹmẹẹ sị ịrẹyọyẹẹ mẹ ebiraa hi aza ẹnẹ ẹ̀ yị vị ọdọwụ. Re ka we yi du ụmẹ ha nịnị.

1 Anịtẹsaronika 4:12

Wàa vavọọ aa mẹ nịnị, aza ẹnẹ ẹ̀yị vị ọdọwụ vaa sị ụbanyịị wụ nịnị, di u weyi che ayị za ọza nịnị.

1 Itimoti 2:2

Ẹ̀ẹ mẹ̀ aduwaa yị ohinọyị nịnị ọnịrị aza ana nyị ọda! Ọnọọ vaa mẹ ka ya zụ nyị ebira hẹẹ, dị yaa mẹ ẹhẹ ẹngwọọrọ, dị yaa mẹ mẹ̀ ebira oni Ohomorihi sì dị ọ rẹ vọrọ ini oze tụra oze.

1 Itimoti 3:11

A rẹ vọrọ ka ose ẹnịnị ẹ̀ nyị ebira ana vọrọ. Asị ẹ vị aza eneē du aza ịrẹsụ, dị ẹ̀ zụ sị ụvọ za ẹngụ ẹnịnị, dị ẹ̀ rẹ vị aza ana a zụ sị ayị tụra ịnị avaba ịsa.

1 Itimoti 3:4

Áa vọrọ ka ọdọvịdị ịragụ Ohomorihi ọ̀ zụ sị ụvọ za irehi anị ẹtẹẹtẹrẹ, dị ezi anị ẹ̀ẹ wụ́ ịrẹyị anị, dị ẹ̀ sị ụbanyị yọ ẹtẹẹtẹrẹ.

1 Itimoti 4:12

Asị ụ zẹẹ ka ọza ọnyọọnyị ọ̀ sị eyi wụ wụ, agụvị ka wáa mẹhị vị ozweyi! Ama vị ọza ọnị ọdọwụ ana vọ vee sì ka ẹnị ẹ̀ẹ hama ịnị ịrẹyị irenu ọnịrị ebira ẹtẹẹrẹ awụ, ini oyisì ịrẹyị aza ọnịrị ayị ọyịsị tụra Ohomorihi beri ebira ọnịnị.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

1 Itimoti 5:2

Wa rẹẹ mẹẹ hi anẹẹ ana sị vịra anka ọnyị awụ avọọ, dụ wa rẹẹ mẹẹ hi anẹẹ ana vị ezweyi anka ẹyịnyara awụ ọnẹẹ avọọ! Waa mẹ̀ ebira ọnịnịị hi wa!

Ịtayịtọsị 1:8

Ama áa vọrọ ka ọ̀ vị ọza eneē sì ọzọga, dị ó re sì avaba ịsa ene zoza. Áa rẹ vọrọ ka ọ̀ zụ mẹ̀ ebira ịrẹyọyẹ, dị ọ̀ vị ọnịzẹyịza, dị ọ̀ nyị ebira ọnịnị, dị ọ̀ rẹ sị ụvọ za ẹngụ anị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Ịtayịtọsị 2:2

Kàa yị anọrụ ana sị vị azọkụ ka ẹ̀ sị ụvọ za ẹngụ ẹnịnị, dị ẹ̀ nyị ebira ana vọrọ, dị ẹ̀ẹ mẹ̀ ebira ịrẹyọyẹ. Ẹnịnị ẹ̀ sị ayị tụ́ ịnị ẹdọwụ obooro. Kàa ka èe sì ịrẹyị ọza, dị ẹ̀ rẹ nyị ayọnẹtẹ.

Ịtayịtọsị 2:7

Ẹwụ ụvọta ọ̀ọ mẹ̀ ebira ẹtẹẹrẹ, dị aza ẹ̀ zụụ sị ịrẹyị awụụ hị́ ọsa, dị ẹ̀ rẹ zụụ hama wụ. Nyị ayị ọnya, dụ wa rẹ sị ayị tụ́ ịnị ịsa ọnị waa sịị zụ̀ aza, dụ wa nyị isuuru ịnị anị.

Ịtayịtọsị 3:14

Sị zụ̀ aza ayị nịnị, dị ẹ̀ yẹ ka aa vọrọ ka ẹnị ẹ̀ ẹ mẹ̀ ịsa ozozaa yị aza ẹnẹ ẹ̀ yị nyị ịsa. Ẹnịnị ẹ̀ vavọọ mẹ, agụvị asị ẹhẹ ẹnịnị vị kẹnẹ-kẹnẹ.

Anihiburu 11:2

Anụmẹ ịyẹẹyẹ ẹ́ẹ vavọọ sị ayị tụra Ohomorihi, dị Ohomorihi kà ọda yị wa nị.

Anihiburu 13:18

Waa mẹ̀ aduwaa yị nịnị! Yáa yẹ ka ayị ayị ẹ yị jị ịvị yị. Iī sì ka ya mẹ̀ ịsa ana vọrọ ịnị ịsa tụra ịsa.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

1Ipita 4:8

Ịsị e hu keekere yị: Wee sì ịrẹyị ẹngụ nịnị pooro, agụvị ka wèe sì ịrẹyị ẹngụ nịnị, ọ vaa mẹ ka à vagu ịvị ọrụrụ-ọrụrụ.

2Ipita 3:1

Ẹwụ nịnị ẹyịnyara amị, iwe ọhụva ọnị ma vaa chẹrẹ ẹ tụ́ụ hi wu nịnị yị. Ini iwe ẹyịva, ma raà tama wụ nịnị ayị ịsị ụ vịdị sị yẹ nịnị, agụvị dị ma zụ sị ayị awụ nịnị kwẹẹtẹ, di u we zuu ro ịrẹyị ana vọrọ nịnị.

1 Ịjọọnụ 3:18

Ẹwụ nịnị ezi emi, asị sị irenu kẹnẹ sì ịrẹyị ẹngụ, à vẹ yaa mẹ̀ ịsa ana sị zụ ka ịzẹyịza yee sì ịrẹyị ẹngụ!

1 Ịjọọnụ 3:3

Avaba aza ana nyị ẹngụ ọyịtureyi ọnọnị, aa mẹ̀ ebira ọnịnị anka Ikirisiti mẹ̀ rẹ nị nị.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

Iruutu 3:11

Ọ mẹ̀ maanị yà aanị, asị u hí angwa ozi emi. Mị vaa mẹ̀ ịsa tụra ịsa ọnị weè họ̀ use anị yị wụ, agụvị ka avaba anẹkụra ệ yẹ ka ọnyẹnẹẹ obooro ụ vị nị.