Anihwiripi 4:7 - IWE ỌNỊNỊ

⁷ Ịjọnọọ Ohomorihi vaa sị ẹngwọọrọọ wụ nịnị, ana ahịka ẹ yị nyị ọza ana zụ yẹ, ọ mẹmẹ yà. Ẹngwọọrọ ọnọọ vaa mẹ ọyịza ẹ yị ayị awụ ọnịrị ariro awụ nịnị agụvị Ijeesu Ikirisiti.

Anihwiripi 4:7 ပူးပေါင်းရင်းမြစ်များ

Inehemaya 8:10

 kà a yị wa ka asị e du ayị, ẹẹ nọ eehi dị ẹ̀ naa rị ịsa, dị e hú eche ohine, dị ẹ̀ da ịsa yị aza ẹnẹ ẹ yị nyị rị. Ayohine ọnị Ẹnẹyịmavara mẹ yị wa aanị vaa mẹ ka ẹ̀ nyị ụkata.

Ijoovu 22:21

Erihwazi ka Ijoovu ọ dọ beri Ohomorihi dị ọ nyị ẹngwọọrọ, di o zee yọ.

Ijoovu 34:29

Ohomorihi ọ̀ọ ka ẹ yị nyị ịsị ọnị a mẹ̀ vụrụ-vụrụ. Ẹnẹ hwọ jị ịvị yọ? Ọ̀ọ ka ọnị aa sị̀ eyi tẹ̀, ẹ yị nyị ịsị ị zụ mẹ

Ahẹ Ụgama 29:11

Ẹnẹyịmavara aa sị ụkata yị aza anị Dị ọ rẹ sị ẹngwọọrọ mẹ wa ẹyịza nị.

Ahẹ Ụgama 85:8

Maa jẹẹ dị ma wụ́ ịsị Ẹnẹyịmavara vị Ohomorihi vaa kà. Ọ raà kà a ka ọnị vaa sị ẹngwọọrọ yị aza anị ana aa hẹkẹ ọnị. Ama asị aza anị ẹnẹẹ kụkụ na mẹ ụra.

Ụhịrẹyị 2:11

Ịrẹyọyẹ vee sere wu, dị eyohweyi awụ aa dọ wụụ tụ́.

Ụhịrẹyị 4:6

Ọ kà asị mị ne ịrẹyọyẹ ta agụvị vị o sere mị. Màa sị ụvọ za a ọ̀ vaa dọ mị tụ.

Ụhịrẹyị 6:22

Navọ ịrẹyị ẹnịnị ọọ zụ wụ oze, dị ọọ sere wụ ịrahụ, dị ọ vị ọnịwọjị awụ ọọdụ.

Ayịsaya 26:12

Ẹnẹyịmavara, ẹwụ vaa sị ẹngwọọrọ yị ẹyị. Yâ yẹ ka avaba ịsa ọnịị mẹ, ẹwa mẹ̀ ẹ yị nị.

Ayịsaya 26:3

Ụ vaa sị ẹngwọọrọ yị aza ana ayị anị jẹẹ geri-geri dị ẹ sị ayị tụra wụ.

Ayịsaya 45:7

Ọnị ọ tụ ẹtohweyi ọnịrị ịrahụ nị. Ọnị ọ mẹ ọyịza ọnịrị ọhịmị nị. Ọnị Ẹnẹyịmavara ọ mẹ avaba ịsa ẹnẹnị nị.

Ayịsaya 48:18

Ẹnịnị ẹ̀ẹ wụ́ ịrẹyị anị, ọ yaanị ee ze yị wa anka orosi ẹnẹ ẹ yị mā wụ̀ avọọ. Ẹ yaanị aa nyị ehuna anka ahịị̄ mẹẹ kụ enyi na va ha ụtọ irehu avọọ.

Ayịsaya 48:22

Ẹnẹyịmavara kà ọza ọhịmị ẹ yị nyị ẹngwọọrọ.

Ijeremaya 32:16

Ijeremaya ka, ịjị ọnị raa sị iwe ana a sị hị́ ẹtẹ aanị yị Ibaruki, ọnị ộ mẹ̀ aduwa, dị ọnị ka:

Ijeremaya 33:6

Tizọ-tizọọ, Ẹnẹyịmavara kà ọnị vanaa sị Ijerusarẹmị ọnịrị aza anị ẹngụụ nịya. Ọnị vaa mẹ ka ò zee yị wa eyi ụvọnị-ụvọnị, dị ọnị ee sere wa.

Ịrịka 6:26

Ẹnẹyịmavara ọọ mẹ ọyịza yị ẹnịnị, dị ọ̀ mẹ ẹngwọọrọ yị ẹnịnị.

Iruuku 1:79

Ọ vaa sị ẹtohweyi yị aza ene hi ịnị ịrahụ, dị ẹ yà ịnị ụvọ isu. Ọ vaa zụ̀ yị oze ẹngwọọrọ.”

Iruuku 2:14

“À vẹ yaa sị ụbanyịị yị Ohomorihi ana yà ẹbẹẹba keekere, ọ vaa sị ẹngwọọrọ yị aza ene hi ịnị ẹhẹ ana ayị anị hine tù.”

Ịjọọnụ 14:27

“Maa mẹ ka wa nyị ẹngwọọrọ nịnị; ẹngụ ẹngwọọrọ ọnị mị nyị m maa mẹ̀ ka wa nyị nịnị nị. Ẹ yị vị ẹngụ ẹngwọọrọ ọnị ẹhẹ sịị yị ọza m maa mẹ̀ ka wa nyị nịnị. Asị ụ zẹẹ ka ayị awụ nịnị ò du; asị u re hí angwa nịnị!

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Aniroomi 1:7

Mâ kụ́ avaba awụ nịnị ene hi Iroomi oni Ohomorihi sì ịrẹyị anị, dị ọ hị́ wụ nịnị ka wa vị aza anị. Ohomorihi Ada ayị ọnịrị Ijeesu Ananyị yị ọnị ọ nyị ka ọ̀ dọ yị há ẹ̀ mẹ ọyịza wụ nịnị, dị ẹ̀ rẹ sị ẹngwọọrọ yị wụ nịnị!

Aniroomi 14:17

Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.

Aniroomi 15:13

Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.

Aniroomi 5:1

Óhomorihi mẹ̀ raà jị ịhị yị agụvị ka yâ sị ayị tụra aanị, ya sị ẹngwọọrọ nyị beri Ohomorihi ini oze Ijeesu Ananyị yị Ohinọyị oni Ohomorihi nyị ka ọ̀ dọ yị ha.

Aniroomi 8:6

Ọza ana àa sị ayị tụ́ ịnị ịsa ọnị ọchẹngụ anị sì kẹnẹ, isu aa za a ịrẹsụ nị. Ama ọza ana àa sị ayị tụ́ ịnị ịsa ọnị Ụhwẹ Ohomorihi sì, vaa yàra obooro, dị ọ rẹ nyị ẹngwọọrọ.

2 Anịkọrịntị 10:5

Yaa gara avaba ahankata ireche ha. Ịsị ẹẹ̄ sị ẹngụụ tụ́ ẹba ẹnẹ ẹ̀yị mā zẹẹ ka aza ẹ̀ yẹ Ohomorihi vị ọnị ị raa garaa ha. Ị raa za ariro aza ka ẹ̀ẹ wụ́ụ chire Ikirisiti.

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anẹhwẹsọsị 3:19

Máa yẹ ka ọza ọ yị zụ yẹ ta, ịzị Ikirisiti sì ịrẹyị ayị na za. Ama ọ̀ yị navọ wa zụ yẹ nịnị ịzị Ikirisiti sì ịrẹyị awụ nịnị ne tù, agụvị dị avaba ịsa ozoza ana vị Óohomorihi, ọ̀ rẹ zụ gụ tụ́ ịnị avaba ayị awụ nịnị.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Anihwiripi 1:2

Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ nịnị, dị ẹ rẹ sị ẹngwọọrọ yị wụ nịnị.

Anihwiripi 4:19

Ohomorihi amị vaa sị avaba ịsa oni wee sìi yị wụ nịnị, agụvị ka ọ́ọ nyị ịsa ẹtẹẹtẹrẹ ana nyị ụbanyị tụ́ ịnị ụvọ Ijeesu Ikirisiti.

Anihwiripi 4:21

Kụ́ avaba aza Ohomorihi ẹnẹ ẹnịrị Ijeesu Ikirisiti sị vị ọnya. Anda ayị ẹnẹ ẹmịrịị hi ịzẹnị ka ẹnị kụ́ wụ nịnị.

Anihwiripi 4:9

Ịrẹyị ọnị mị raà sị zụ̀ wụ nịnị, di mi reè si chire wu nịnị ụvọ, dị ụ wụ́ ọọ hụụnị irenu amị nịnị, di u re re, m màa mẹ̀ ẹ nịnị, ẹwụ nịnị ọ̀ rẹ vavọọ mẹ̀ ẹ. Ohomorihi anaā sịị ẹngwọọrọ yị ọza, vaa yàa beri ewu nịnị.

Anikorasi 3:15

Navọ ẹngwọọrọ oni Ikirisiti sịị̄ yị ọza ọ̀ọ sị oze zụ̀ ayị awụ nịnị, agụvị ka Ohomorihi ọ sị wụ nịnị hị́ ka wa vị ọnya nịnị ịnị ẹngwọọrọ ọnọọ. Waa kụ́ Ohomorihi avọ nịnị ịnị avaba ụmẹ.

2 Anịtẹsaronika 3:16

Ananyị yị ụvọta anaā sịị ẹngwọọrọọ yị, ọ̀ sị ẹngwọọrọ wụ nịnị ịnị avaba ụmẹ ọnịrị ini oze tụra oze! Ananyị yị ọ̀ yà pe avaba awụ nịnị!

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.

Ẹtore 2:17

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, ọnị vaa sị ịmana oni Ohomorihi sị tẹ̀, dị ọnị sị yọ ka ọọ rị ọọ. Ọnị rẹ vaa sị ịrẹta ọvwọọvụụ yọ; â chẹrẹ ịrẹha ọwọọwa tụ́ ịnị ịrẹta ọnọọ, ana ahịka ẹ yị nyị ọza ana zụ yẹ ẹ, ẹ̀ yị vị ọza ana nyị ọọ kẹnẹ.