Anihwiripi 4:10 - IWE ỌNỊNỊ

¹⁰ Máa da jẹ kẹnẹ agụvị Ananyị yị. Ọ mẹ̀ rẹ da kù, we re si nyima aa tama ayị amị nịnị. Máa yẹ ka u vịdị ee yii ro ịrẹyị amị nịnị, ama we yi re oze va mẹ ọgụvọ mị nịnị.

Anihwiripi 4:10 ပူးပေါင်းရင်းမြစ်များ

2 Ịtọpa 31:8

Ohinọyị Ihezekaya ọnịrị ọdọvịdị anị nịnị mẹ maanị ịsa ana a kụ́ vẹ, dị ệ ga Ẹnẹyịmavara ọnịrị aza ana kụ́ ọ vẹ nị.

Ahẹ Ụgama 85:6

Navọ de, wa sị ẹngwọọrọ vavẹ va yị dị ẹyị aza awụ ọ̀ zụụ jẹ agụvị ịsị ụ mẹ yị.

Ihoseya 14:7

Ẹnẹyịmavara kà ọnị re ve sere ẹnịnị. Ẹ vaa kụ akụ tụ ịnị aarẹ, dị ọ mẹ anka ụbazị ịvayịnị avọọ. Ẹ vaa ngụrẹyị anka eche Anirebanoni avọọ.

2 Anịkọrịntị 11:9

M mẹ̀ yà ịdị awụ nịnị, mèee sì ịsa, mẹ yị kụ́ ọọ kata wụ nịnị ẹngụ. Anda ayị ana hụ rẹ Imasedoniya vẹ, ẹ́ yaa sị ịsị mèe sì yị mị nị. Mẹ yị kụ́ ọọ kata wụ nịnị ẹngụ ịnị ẹngụ ịnị ịsọnyị-ịsọnyị. Avọọ m mẹ̀ yị vaa mẹ pooro nị.

2 Anịkọrịntị 6:7

Ya rẹ vavọọ sị zụ̀ ka ezi ahụ Ohomorihi ị vị̀ nị ini oze ịzẹyịza ọnị yaa kà ọnịrị ụkata Ohomorihi ana yàrị ẹyị. Ịzẹyịza ọnị yaa mẹ ọ vị ẹnya ịrẹkụ ayị nị, ọnị ị yaa sịị kụ̀ ịrẹkụ, dị yaa sịị dọ ẹngụ ayịị tụ́ nị.

Anigaratiya 6:10

Agụvị avọọ ụmẹ tụra ụmẹ oni yèe re oze, à vẹ vị yaa mẹ ọyịzaa yị avaba aza, hu keekere yị aza ẹnẹ ẹyịrị dudu dọ Ijeesu Ikirisiti wụ́.

Anigaratiya 6:6

Aza ana aa kọsẹ ịrẹyị Ohomorihi, ịsị ọ̀ọ nyị, ọnịrị ọza ana aa sị ịrẹyị Ohomorihi zụ̀ ọọ è dudu gàa!

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Anihwiripi 1:3

Ụmẹ tụra ụmẹ oni mèe si ro ịrẹyị awụ nịnị, mịị̄ kụ́ Ohomorihi amị avọ agụvị awụ nịnị nị.

Anihwiripi 2:30

Ọ sị vọ chee ò wusu agụvị ụkọrọ Ikirisiti kẹnẹ. Ộ sị ịrẹsụ tụ́ isu, agụvị ọ̀ nyẹngụ mẹ ọgụvọ ọnị ụ yaanị mẹ yị mị nịnị.