Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Anihwiripi 3:5 - IWE ỌNỊNỊ

5 M mẹ̀ vị ẹkụhị ịhịnta kẹnẹ, a jị mị ụvẹvẹnẹ nị. Anisirẹrị obooro mị vị nị. Ini ovwoovu Ịbẹnjamịnị mị chị hụrẹ vẹ nị. Anihiburu mị vị nị, dị ahịka Anihiburu ọ rẹ ma mị nị. Àa va vị ịrẹyị ọda Aniju nịnị ị yọ, ini ogu Anihwarisi nịnị mị yà nị.

အခန်းကိုကြည့်ပါ။ ကော်ပီ




Anihwiripi 3:5
16 ပူးပေါင်းရင်းမြစ်များ  

Dị ọza ịnya ana vụrị há ịnị ịrẹkụ ọnọọ va kà a yị Abụramị Anihiburu ọnọọ nị. Ịjọnọọ Abụramị ọnị vị ana ra ọgụrị ọchị aroni. Imamire Anamọrị ọ nyị ọchị ẹnẹẹ nị. Imamire ọnịrị ẹyịnyara anị ana aā hị́ Esikori ọnịrị Aneri ẹnị vị ogu Abụramị.


Ọ kà ọnọrụ ana àa sị gụ ẹkụhị ịhịnta ịnị aza anị vị ọnị ọ vaa jị ụvẹvẹnẹ. Avaba anọrụ ene vee hi ini ovwoovu anị vị ọnị ọ vaa jị ụvẹvẹnẹ, òo zee e eyi à ma a ini ohweje awụ òo zee e eyi ọ sị ẹkẹhị na hị́ ọ ịnị ụvọ ọzọga.


Ọ kà ịnị ẹtẹ Anihiburu a sị ụkata za ọnị hụrẹ vẹ nị. Ọ kà ọnị mè re tù ịzẹnị, ẹ yị nyị ịsị ọnị mẹ dị a sị ọnị va tụ́ ịnị ẹngwa ọọhẹ kẹnẹ nị.


Ọ kà a nyị ozwọọmụha ọnya aanị ẹnị ẹnịrị yà ịzọọ. Anihiburu ọ vị nị, dị ahịka ọnị ọ vị ozi ahụ ọga isoja ene ee sere ẹtẹ nị. Ọ kà dị ẹnị kà ụra ẹnịnị yọ ịhị ọnọọ nị, dị ọ kà iruvo anị yị ẹnị ịsa ụra ọzọza jẹẹ yị nị.


Dị Ijona ka, Anihiburu ọnị vị nị. Ẹnẹyịmavara, Ohomorihi ana nyị ẹbẹẹba, dị ọ́ mẹ̀ eteesu ọnịrị oku ọnịī hẹkẹ nị.


Ịjị ẹkụhị ịhịnta si tù, dị ẹ na jị ọ ụvẹvẹnẹ nị, dị ẹ ka ẹnị aa yị ọ Ịzakaraya, ana rẹ vị ịrẹha ada anị nị.


Ịhị ẹkụhị ịhịnta sị gụ, ana a vọrọ ka à jị ozi ọnọọ ụvẹvẹnẹ, dị a hị́ ịrẹha anị Ijeesu nị. Ịrẹha ana anggẹẹrị yị ọọ, di Imeri ve zyẹẹ anị ọ vị ọnọọ nị.


Agụvị avọọ â vọrọ ka à sị eyi-eche tụ́ ini okoko ọkatẹngụ.


“Aniju mị vị nị. Ịtasọsị a yà ma mị nị ini Isirisiya. Ijerusarẹmị a yà pá mị; dị ahịka Igamariyẹẹrị aa zụ̀ mị ịsa nị. Ộ sị ọda ohiku ayị nịnị zụ̀ mị ẹtẹẹtẹrẹ. Ẹma rẹ sị ayị yị Ohomorihi ẹtẹẹtẹrẹ, anka avaba ẹwụ nịnị mẹ̀ rẹ sị ayị yọ ịnị ụmẹ ọnọnị aanị.


Ịjị Ịpọọrụ re ka ẹnyị ini anikootu ẹnẹẹ vị Anisadusi, dị ẹnyị rẹ vị Anihwarisi nịnị, di o nowu ini ikootu, dị ọ ka, “Ẹwụ nịnị ẹyịnyara amị, Anihwarisi mị vị nị. Ada amị rẹ vị Anihwarisi. Mâ tụra eyi ka oku nịnị vaa haa hụụnị isu. Agụvị avọọ a za mị vẹ ịzẹnị aanị nị.”


Ô tù ụmẹ ọnya, ézirẹma nịnị màa rụrụụ hu avọọ, ahankata ọ sị ngụ ịnị akakana Aniju ana aa kà ẹkụra Anigiriki ọnịrị Anihiburu nịnị. Anigiriki ẹnẹẹ ka ọza ana aa gà ịsa eyinị-eyinị, ọ raà sị eyi jịnẹ osoku ẹnịnị.


Jẹẹ, me re họ̀ use ịrẹyị ọnya, oo. Vị Ohomorihi wâ sị Anisirẹrị yi tịtẹ nị? Vụrụ-vụrụ, ọchị ọnọọ ịrẹsụ! Ẹmị nyẹmba vị Anisirẹrị. Obooro Abụrahamị mị chị hụrẹ vẹ nị; anovwoovu Ịbẹnjamịnị mị vị nị.


Àa vị ka ệ vị Anihiburu yọ, Anihiburu ẹmị rẹ vị nị. Ẹ̀ẹ ka ẹnị vị Anisirẹrị, ẹmị rẹ vị Anisirẹrị. Ẹ̀ẹ rẹ va ka ezi Abụrahamị ẹnị vị nị, avọọ ẹmị mẹ̀ rẹ vị nị.


Ịjị isoja Anihwirisiti nị vavọọ wụ́ ẹtẹ ịrẹyị dị ẹ ka sị ẹ vẹ di isoja ene hi udi Anihiburu nịnị maanị ee nowu kẹ? Ịjị ẹ sị yẹ ka apoti oto Ohomorihi a sị va ngụ udi Anisirẹrị nịnị,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ