Anihwiripi 3:2 - IWE ỌNỊNỊ

² Sị eyi pe ẹngụ awụ nịnị agụvị aza edivi ana aa mẹ̀ ebira anka irezi avọọ. Ẹ́nịnị maà mẹ̀ ụkọrọ Ohomorihi, ẹ ka ẹ̀ yị vị ọza dà ẹngụ anị, eyi ọ yị yà.

Anihwiripi 3:2 ပူးပေါင်းရင်းမြစ်များ

Ahẹ Ụgama 119:115

Ẹwụ nịnị aza ana aa mẹ̀ ebira edivi è jesi hụrẹ mi eyi di me re oze saasa ọda oni Ohomorihi amị mẹ.

Ahẹ Ụgama 22:16

Aza edivi ana ahịka vị ẹ sị mẹẹ anka irezi avọọ vị ana gụ kara mị Ẹnịnị aa na ụvọ amị ọnịrị ahụ amị anka idu mẹ̀ẹ na uyee rị avọọ.

Ahẹ Ụgama 22:20

Navọ wa dọ mị tụ́ dị asị mi sú isu ịrịịra Ọnịvị amị vị ana sị mẹẹ anka irezi avọọ asị ụ zẹẹ ka ẹnịnị ẹ̀ dọ mị ụhwẹ.

Ụhịrẹyị 26:11

Ọnụra anaa vàa tụra ịsa ọnị ọ mẹ sị mẹẹ anka irezi ana varẹma nee rèé ahẹrẹ anị avọọ nị.

Imatiwu 24:10

Aza ọrụrụ-ọrụrụ vaa hyẹdụ hụụnị ẹdọwụ ẹnịnị. Ịjọnọọ di eyee sì iruvo ẹngụ, dị ẹ rẹ yaa kụ́ ayị ẹngụ.

Imatiwu 7:15

“Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị.

Imatiwu 7:6

Asị ụ sị ịsa ọnịnị yị irezi nịnị, ka ẹ va vara eyi, dị ẹyaa na wụụ rị! Asị u re ne ịsa akàaka tịtẹ yị ụ̀rá nịnị, ẹ̀ yị vị avọọ ka ẹ va kụ́ ahụ hi ọ para hu.”

Aniroomi 2:28

Àa ka à na kà, ayị vị ozi ẹtẹ Aniju ẹ vị Aniju obooro. Me yi re ụvẹvẹnẹ ana aā jịị yị aza aanị anka ụvẹvẹnẹ obooro.

2 Anịkọrịntị 11:13

Ezirẹma Ijeesu ireche ẹ vị nị, dị eyee cheechee tụ́ ịnị ụkọrọ ẹnịnị nị. Dị ẹyaa mẹ apẹ ka ezirẹma Ijeesu ẹnị vị nị.

Anigaratiya 5:13

Ẹwụ nịnị anda ayị, Ohomorihi vị ana hị́ wụ ka wa nyị ẹngụ awụ nịnị (hụụnị ụvọ ọda Aniju nịnị). Ụ mẹ̀ sị ẹngụ awụ nịnị nyị aanị, asị ụ kụkụ kà a ka ịsị e zé wu nịnị eyi kẹnẹ, ụ waa mẹ nị. Ama sì ịrẹyị ẹngụ nịnị, dị waa zị ẹngụ ụtụ nịnị!

Anigaratiya 5:15

Ama wàaa na ẹngụụ ha, dị waa jị ẹngụụ ịrẹrụ nịnị anka irezi avọọ nị, sị eyi pe ẹngụ awụ nịnị ka ụ va wụ ẹngụ nịnị!

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

1 Itimoti 1:19

Wa yịị sị ayịị tụra Ohomorihi, di u we re ka ivehu awụ ọ́ọ nị! Aza ẹnyị ẹyị kụkụ sị ụtọ pe ivehu ẹnịnị, agụvị avọọ ẹdọwụ ẹnịnị ọ sị gara ha.

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

2Ipita 2:22

Ịsị e tù ẹngụ aza ẹnẹẹ, ọ́ọ sị zụ̀ ka ụhịrẹyị ọnya ene eē che, vị ịzẹyịza. Ụhịrẹyị ọnọọ ka: Irezi ọ sị varẹma aa nọ ịnị ịhyẹrẹ anị. Ụra ana á sị hụ enyi, ọ zị varẹma rẹ na ngụ ịnị ụdọ.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.

Ẹtore 2:9

Mâ yẹ ụya ọnị waa rị ọnịrị osiye oni u wee re; ama àa ka à na kà, wá nyị ịsa nịnị. Mâ yẹ ịrẹyị odivi ana aza ana ka ẹnị vị Aniju aa kà. Ama ẹnịnị ẹ yị vị Aniju, ezirẹma Echu ẹ̀ vị nị.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.

Ẹtore 3:9

Re, aza ana vị ezirẹma Echu ene ee cheeche ka Aniju ẹ́nị vị nị, dị ẹ̀yị vị Aniju avọọ, mị vaa mẹ ka è ve ku ẹtẹ ọ́vịdị awụ, dị ẹ̀ yẹ ka mée sì ịrẹyị awụ.