Anihwiripi 3:1 - IWE ỌNỊNỊ

¹ Ẹwụ nịnị ẹyịnyara amị, maa za ịrẹyị amị ịrẹsụ. Waa jẹ nịnị agụvị Ananyị yị. Ẹ yị nyị ọ mẹ̀ ka yị ẹmị, mèe ree tenyi ọ chẹrẹ ịsị mị rẹ vịdị sị chẹrẹ tụ́ hi wu nịnị.

Anihwiripi 3:1 ပူးပေါင်းရင်းမြစ်များ

1 Ịtọpa 15:28

Avọọ avaba Anisirẹrị nịnị mẹmẹ na sị apoti oto Ẹnẹyịmavara, dị eyee nowu ẹ maa jẹ ịrajẹ. Ẹnịnị ee hú ọpanyị ịdẹba, ọnịrị ịkakanchị, dị ẹyaa kụ ịchachaa nya ẹngụ, dị é re yee hú igita irenyi-irenyi nị.

1 Ịtọpa 16:10

Waa jẹ nịnị ka yâ vị aza anị nịnị. Avaba aza ana aa hẹkẹ Ẹnẹyịmavara ẹ̀ẹ jẹ.

1 Ịtọpa 29:22

Ịhị ọnọọ dị ẹnịnị yà ọvịdị Ẹnẹyịmavara, dị ẹyaa rị ịsa, di eyee hú, dị ayị ẹnịnị ee hine nị. Ịhị ọnọọ ọ tụ́ ọ ụpọhụva ẹnẹ ẹnịnị nọ̀ ọ ka Isoromọnị ọ vị ohinọyị ẹnịnị nị. Ẹnịnị ệ nyị ọ ịnị ịrẹha Ẹnẹyịmavara, dị ẹ ka angwẹ hi ọ ịrẹsụ ẹnẹ ẹ sị sị ọ rị ohinọyị nị, dị ẹ rẹ nyị Ịzadọkị ka ọ̀ vị ohirẹsụ irehi Ohomorihi nị.

Inehemaya 8:10

 kà a yị wa ka asị e du ayị, ẹẹ nọ eehi dị ẹ̀ naa rị ịsa, dị e hú eche ohine, dị ẹ̀ da ịsa yị aza ẹnẹ ẹ yị nyị rị. Ayohine ọnị Ẹnẹyịmavara mẹ yị wa aanị vaa mẹ ka ẹ̀ nyị ụkata.

Ijoovu 22:26

Ọ̀ọ vavọọ mẹ̀, ọ vaa hẹkẹ Ohomorihi ini ayohine nị.

Ahẹ Ụgama 149:2

Ẹwụ nịnị Anisirẹrị, waa jẹ agụvị Ohomorihi ana mẹ wụ nịnị. Ẹwụ nịnị Anịzayọnị, waa jẹ agụvị ohinọyị awụ nịnị.

Ahẹ Ụgama 32:11

Ẹwụ nịnị ana aa mẹ̀ ebira ana vọrọ waā jẹ agụvị ịsa ẹnẹ Ẹnẹyịmavara aa mẹ Avaba ẹwụ nịnị ana aa mẹ̀ ebira ana vọrọ ini eyi Ohomorihi mị ka waa jẹ dị waa jị ahẹ nịnị.

Ahẹ Ụgama 33:1

Ẹwụ nịnị ana nyị ebira ana vọrọ, waā tụ́ ọga booro-booro Wa vavọọ tụ́ ọ agụvị Ẹnẹyịmavara Aza ana nyị ebira ana vọrọ e rere ka ẹ̀ẹ kụ́ Ohomorihi nị.

Ahẹ Ụgama 37:4

Weē sì ka waa mẹ̀ ịsa ene zee Ẹnẹyịmavara eyi ịjọnọọ ịsị ẹwụ èe ree sì vị ọnị ọ vaa sịị yị wụ.

Ahẹ Ụgama 42:4

Mâ tamayị ka yàa maanị aa nọ ini irehi Ohomorihi ẹmaa dọ ọvịdị nị Yàa vavọọ aa na dị yaa jẹ, dị yaa jị ahẹ, di ree nowuu kụ́ Ohomorihi avọ Ịjị màa maanị aa tamayị ị mẹ̀ vịdị vavọọ mẹ, dị ayị amị rẹ kụ́ du.

Ahẹ Ụgama 5:11

Ama navọ aza ana va tẹ ịda awụ ẹ̀ jẹ ịrajẹ. Navọ ịnẹ ẹnịnị òo hine dị ẹ̀ẹ jị ahẹ. Navọ we sere wa eyi ụvọnị-ụvọnị. Navọ wa mẹ ka aza ene sì ịrẹyị awụ ẹ̀ẹ jẹ.

Ahẹ Ụgama 97:1

Ẹnẹyịmavara ọ vị ohinọyị nị, agụvị avọọ avaba anẹhẹ ẹ̀ẹ jẹ ịrajẹ.

Ayịsaya 41:16

di o hira a hi ịnị ahị, dị ahị kụ ọ ne hu, di opomi gara a hi ozi. Ịjọnọọ ayị ẹnịnị vee hine agụvị ka ọnị ọ vị Ohomorihi ẹnịnị nị. Ẹnịnị vaa ga ọnị, Ẹnẹyịmavara Ohomorihi ọnịnị Anisirẹrị.

Ayịsaya 61:10

Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.

Ayịsaya 65:14

Ayị ezi ahụ amị vee hine, dị ẹyaa jị ahẹ, ama ẹwụ nịnị vị ana ayị anị vee du, dị u we nowu. Ayị awụ nịnị vaa vazi, di u wee sú ùnè.

Ijowẹrị 2:23

Aza ene hi Ịzayọnị ẹẹ jẹ ịrajẹ, Waa mẹrị sadaa ka ọnị Ẹnẹyịmavara Ohomorihi awụ nịnị vaa zụ́ orihi ịjịjọọ yị wụ nịnị. Dị ọnị zù orihi ịpaapa ọnịrị ọ́dịrẹma a mẹ vọrọ anka ọ mẹẹ̄ vịdịị zụ́.

Ịzẹhwanaya 3:14

Ẹwụnị Anisirẹrị waa jẹ, dị waa jị ahẹ, dị waa ka bobooro! Wee nyii, waa mẹrẹ sadaa ẹwụnị Anijerusarẹmị.

Ịzẹhwanaya 3:17

Ẹnẹyịmavara ana vị Ohomorihi awụ nịnị yà pe wụ. Ụkata anị aa sị wụ nịnị nyị ehuna ọnịvị awụ nịnị nị. Agụvị ka o sì ịrẹyị ẹnịnị, ọ vaa sị ayị awụ nịnị nẹtẹ, O vee hine ayị tu wu nịnị, dị aa jị ahẹ ịnohine.

Ịzakaraya 10:7

Anisirẹrị nịnị vaa nyị ụkata anka isoja nịnị, ayị ẹnịnị vee hine anka aza enee hú eche avọọ nị. Ezi ịrẹma ẹnịnị vaa tamayị dị ayị ẹnịnị ee hine agụvị ịsị Ẹnẹyịmavara mẹ̀.

Imatiwu 5:12

Waa jẹ, dị ịnẹ awụ nịnị òo hine ẹtẹẹtẹrẹ, agụvị ka Ohomorihi ọ raà sị ọgụ ọbanyị tẹ wụ nịnị tụ́ ẹbẹẹba. Avọọ gẹdẹ-gẹdẹ a mẹ̀ rẹ sị ụya rị ọnịsẹ nịnị ana vịdị vẹ tụ́ wụ nịnị nị.”

Iruuku 1:47

Mâ da jẹ agụvị Ohomorihi Ọdọzaha amị,

Aniroomi 5:11

Ẹ yị vị avọọ kẹnẹ, ọ mẹ̀ vị. Ohomorihi ọ raà mẹ ka yaa mẹ ụbanyị agụvị Ijeesu Ananyị yị Ikirisiti, ọnị ọ mẹ ka ẹyịrị Ohomorihi ọ̀ varẹma ze nị.

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

Anẹhwẹsọsị 6:10

Ịrẹyị ọdịrẹma oni mee sì ka ma kà wụ nịnị, yị: Waa dọ ụkataa hụụnị ẹngụ Ananyị yị dị ụ wa zụ nyị ụkata, agụvị ka ọnị ọ nyị avaba ụkata nị.

Iwe Ọhụhị Imosiisi ana aa hị́ Ọyịvatụrọda 12:18

Ọvịdị Ẹnẹyịmavara Ohomorihi awụ nịnị ụ vaa yaa rị ẹngụ ịsa ẹnẹnị ịzị Ẹnẹyịmavara Ohomorihi awụ nịnị vaa nyị nị. Ẹwụrị ezi ọnọrụ awụ ọnịrị anẹẹ, beri ọrịhị awụ anọrụ ọnịrị anẹẹ, ọnịrị Anireevi nịnị ana ra ẹkụra awụ nịnị e dudu vaa rị ịsa ẹnẹnị nị. Dị ụ yà ọvịdị Ẹnẹyịmavara Ohomorihi awụ nịnị aa jẹ ịrajẹ tụ́ ịrẹsụ avaba ịsa ọnị ụ mẹ nịnị.

Iwe Ọhụhị Imosiisi ana aa hị́ Ọyịvatụrọda 16:11

Yà ọvịdị Ẹnẹyịmavara Ohomorihi awụ nịnị, dị ụ waa jẹ ịrajẹ nịnị. Ẹwụrị ezi ọnọrụ ọnịrị anẹẹ, Anireevi ana ra pe wu nịnị beri azọga awụ nịnị, ezi-oku ọnịrị esoku ana ra ịnị ẹkụra awụ nịnị. Ịzị Ẹnẹyịmavara Ohomorihi awụ nịnị vaa nyị ka àa hẹkẹ ọnị ụ vaa ya maanị mẹ̀ ẹ nị.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Anihwiripi 4:4

Waa jẹ nịnị ụmẹ tụra ụmẹ agụvị Ananyị yị. Me re tenyi ọ kà, mị ka waa jẹ nịnị.

Anihwiripi 4:8

Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

1 Anịtẹsaronika 5:16

Waa jẹ nịnị pooro.

Ijemiisi 1:2

Ẹwụ nịnị ẹyịnyara amị, waa jẹ nịnị ụmẹ ana àa sị zama wụ nịnị re ini oze irenyi-irenyi.

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.

1Ipita 4:13

Ama waa jẹ nịnị, agụvị ka waa rị ụya nịnị, anka Ikirisiti mẹ̀ rẹ rị ụya, agụvị ịhị ụbanyị Ikirisiti ọ̀ọ sị ẹngụ zụ, ayị awụ nịnị ò zụ hine hu avọọ.

2Ipita 3:1

Ẹwụ nịnị ẹyịnyara amị, iwe ọhụva ọnị ma vaa chẹrẹ ẹ tụ́ụ hi wu nịnị yị. Ini iwe ẹyịva, ma raà tama wụ nịnị ayị ịsị ụ vịdị sị yẹ nịnị, agụvị dị ma zụ sị ayị awụ nịnị kwẹẹtẹ, di u we zuu ro ịrẹyị ana vọrọ nịnị.

1 Ịsamụwẹrị 2:1

Ịhaana ộ mẹ̀ aduwa dị ọ kà, “Ẹnẹyịmavara ọ raà mẹ̀ ka maa jẹ ịrajẹ; Ayị amị vị ana nyayịnẹ hine agụvị ịsa ọnị ọ mẹ̀ yị mị. Ma nyẹngụ jẹẹ ọvịdị ọnịvị amị, di mee nyi wa unyi. Mâ dà jẹ kẹnẹ ka Ohomorihi ọ raà dọ mị tụ́.