Anihwiripi 2:3 - IWE ỌNỊNỊ

³ Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.

Anihwiripi 2:3 ပူးပေါင်းရင်းမြစ်များ

Ụhịrẹyị 13:10

Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

Aniroomi 13:13

à vẹ yaa zị ụsẹ ana vọrọ tụra aza ẹnẹ ẹ̀ yị zị ụsẹ ịrahụ! Asị ị rẹ̀ kụkụ dọ ọda eche ọyịrị pooro kẹnẹ! Asị i rè hú eche, dị ọ̀ọ mẹrị yị; asị ị rẹ̀ mẹ̀ ebira ịdọtị irenyi-renyi, àa vị ebira kẹnẹ-kẹnẹ! Asị ị rẹ̀ zyaazị; asị ị rẹ̀ rẹ kụ̀ ụhị!

Aniroomi 2:8

Ama aza ẹnyị vị ene ee sì ọyịzaa yị ẹngụ ẹnịnị ịnya kẹnẹ. Ẹnịnị ẹ vị ana aa mẹ akamawụụ hi ịzẹyịza, ịsa odivi kẹnẹ ẹẹ̄ dụụ zị nị. Ẹngụ aza ẹnẹẹ, Óhomorihi vaa kụ́ ayịị hi ẹtẹẹtẹrẹ, dị ọ mẹ̀ ọkarẹyị yị wa nị.

1 Anịkọrịntị 15:9

Eme weyi hu keekere ịnị avaba ezirẹma Ijeesu nịnị nị. Mẹ yị hyakụ yà ọza anaa vọrọ ka àa hị́ ezirẹma Ijeesu, agụvị ka mâ sị ụya rị ịragụ Ohomorihi.

1 Anịkọrịntị 3:3

agụvị ka ụ waa yịị mẹ̀ ebira anka aza kẹnẹ ene hi ịnị ẹhẹ ọnọnị nị. Waa yịị kụ̀ ụhị nịnị, ụ raa zyaazị nịnị. Ọnọọ ọ́ọ sị zụ̀ ka vụ ụ yị yà anka aza kẹnẹ ene hi ịnị ẹhẹ nịnị nị.

2 Anịkọrịntị 12:20

Mee roo ka ẹyịyara, mèe tù ịdị awụ nịnị, wẹ yị vaa yà, anka m mè sì ka wa yà nịnị. Ẹmị ẹ yị rẹ vaa yà anka u mè sì ka ma yà nịnị. Asị a hyakụ na nyị ịrazị ọnịrị ụhị ọyịkụ ne beri ọyịkụ! Asị a rẹ na nyị ebira ọza eneē sì ẹngụ anị kẹnẹ, ọnịrị aza eneē du ọza ịrẹsụ, ọnịrị ọza anaā kụ́ ịrẹka, ne beri ọza anaā mẹ eyi, ọnịrị ọza anaā mẹ̀ ebira jugu-jugu.

Anigaratiya 5:15

Ama wàaa na ẹngụụ ha, dị waa jị ẹngụụ ịrẹrụ nịnị anka irezi avọọ nị, sị eyi pe ẹngụ awụ nịnị ka ụ va wụ ẹngụ nịnị!

Anigaratiya 5:26

Asị ị rẹ̀ mẹ eyi kẹnẹ-kẹnẹ, asị ị rẹ̀ rẹ mẹ ayị kụ́ ẹngụ, dị asị ị rẹ̀ kụ̀ ụhị!

Anẹhwẹsọsị 4:2

Nyị ịrẹsụ ọkahi, nyị ayohunẹnẹ, dị ụ wa rẹ vị onisuuru nịnị ẹtẹẹtẹrẹ. Wee sì ịrẹyị ẹngụ nịnị ini oze ọyịsị ẹngụ jị ọọ yị ẹngụ nịnị.

Anẹhwẹsọsị 5:21

Waa sị ịrẹsụụ yị ẹngụ nịnị, agụvị ka wáa nyị angwahi Ikirisiti nịnị.

Anihwiripi 2:14

Ịsa tụra ịsa ọnị ụ wàa mẹ, asị ụ rị ihuhu, asị ụ rẹ nyị ahankata tụ́ ọ nịnị.

Anikorasi 3:12

Ohomorihi ọ sị wụ nịnị nyị mẹ aza anị; óo sì ịrẹyị awụ nịnị. Agụvị avọọ waa mẹ̀ ebira ana vọrọ tụra ọza Ohomorihi nịnị! Wee roo yị ẹngụ, dị waa ngụ ayị ẹngụ nịnị. Kà ẹngụ awụ nịnị chí, nyị ebira hẹẹ ọnịrị ayọnẹtẹ nịnị.

Anikorasi 3:8

Ama booro aanị, áa nyị ka wa sị ụvọ hụụnị avaba ebira edivi ẹnẹnị, ẹhụụ ọyịkụ ọnịrị ayọngụra beri ayamịkụ. Asị ụ zẹẹ ka ụhụ ọnịrị ịrẹyị ịdọtị ọ̀ kụkụ jịnẹ hụụnị irenu awụ vẹ!

1 Itimoti 6:4

ẹngụ ọza ọnọọ vị ana aa sị ẹngụụ tụ́ ẹba, ayị rẹ nyị ịsị ọ yẹ. Ve ee sì ka ọnị ọ̀ọ nyị ahankata, dị ọnị ọ̀ọ zyaazịị tụ́ ịnị ịrẹyị pooro kẹnẹ nị. Ẹngụ aza ẹnẹẹ vị anaā mẹ ka aza ẹ̀ẹ kụ̀ ụhị, dị ẹyaa zyaazị, dị ẹ rẹ yaa kụ̀ ẹngụ ụhụ, dị ẹ rẹ yaa jị mọọ tụra ẹngụ,

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.