Anihwiripi 2:2 - IWE ỌNỊNỊ

² Agụvị avọọ, navọ wa sị ayị yị ẹngụ, dị ụ wa rẹẹ sị ayị ọnyaa sì ịrẹyị ẹngụ nịnị, dị ụ wa rẹ nyị ariro ọnya nịnị. Ọnọọ vaa mẹ ka ịrajẹ amị ọ̀ gụ.

Anihwiripi 2:2 ပူးပေါင်းရင်းမြစ်များ

Ahẹ Ụgama 122:8

Mị vaa hụ agụvị ẹyịnyara amị ọnịrị ọta amịị mẹ̀ aduwa ka ẹngwọọrọ ọ̀ yà ịnị ẹkụra Ijerusarẹmị.

Ịjọọnụ 3:29

Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

Odeyi 1:14

Dị ẹnịnị sị ayị yị ẹngụ, dị ẹyaa mẹ̀ aduwa pooro nị, beri anyẹnẹẹ ẹnyị ọnịrị Imeri ọnyị Ijeesu ọnịrị ẹyịnyara Ijeesu nịnị.

Odeyi 2:1

Ịhị ẹkụhị ana a sịị̄ rị eche ana aā hị́ Ịpẹntịkọsị si tù, dị avaba ọdọwụ nịnị kụ́ gụ aha ọnya nị.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Odeyi 5:12

Apositeri nịnị ệ mẹ̀ ụkọrọ ohyozirenu ọnịrị apọtẹrẹwa irenyi-irenyi ịnị akakana aza. Dị avaba ọdọwụ nịnị và ịnẹ bẹ, dị ẹyaa kụ́ụ gụ ịnị ajẹhẹ Isoromọnị nị.

Aniroomi 12:16

Sị ayị yị ẹngụ nịnị. Asị ụ sị ẹngụ awụ nịnị tụ́ ẹba. Và eyi nẹtẹ, dị ẹwụrị onosiye nịnị ẹ̀ẹ za ọta. Asị u ne roo ka wâ da yẹ ịrẹyị nịnị kẹnẹ.

1 Anịkọrịntị 1:10

Ẹwụ nịnị ẹyịnyara amị, máa sị ịrẹha Ijeesu Ikirisiti Ananyị yị dá ịpẹ wụ nịnị ka wa sị ịnẹ yị ẹngụ nịnị. Asị ụ zẹẹ ka ẹhahi ọ̀ ngụ ịnị akakana awụ nịnị! Và ụvọ bẹ ẹtẹẹtẹrẹ nịnị, dụ wa nyị ayị ọnya nịnị, dụ wa rẹ nyị ariro ọnya nịnị!

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

2 Anịkọrịntị 2:3

Ịsị mị vịdị rẹ chẹrẹ tụ́ hi wu nịnị yị. Me yi sì ka ma vẹ ịda awụ nịnị ịnị ụmẹ ọnọọ, di u we ne du mi ayị nịnị, ẹwụ nịnị anaa vọrọ ka ọ̀ kụ́ mị ẹngụ nịya. Mâ yẹ kaakara ka ịnẹ amị òo hine, ịnẹ avaba awụ nịnị re vee hine bẹẹ.

2 Anịkọrịntị 7:7

ẹ yị vị ịnị ka ộ vẹ kẹnẹ, ama agụvị ka ọ rẹ kà enube, ụ mẹmẹ kụ́ ọọ ẹngụ nịya nịnị. Ộ kà a yị ka eyi amị aa tụra wụ nịnị ẹtẹẹtẹrẹ, ọnịrị ka ayị awụ nịnị ô du ẹtẹẹtẹrẹ agụvị amị. Ọ rẹ ka wâ yàa mị ịrẹma nịnị ẹtẹẹtẹrẹ. Ọnọọ ọ́ mẹ ka ayị amị ò hine hu avọọ booro aanị.

Anihwiripi 1:4

Ụmẹ tụra ụmẹ ọnị maa mẹ̀ aduwaa wụ nịnị, ịnẹ amị vị eneē hine

Anihwiripi 2:16

Sị ụvọ za ịrẹyị anaā mẹ ka ọza ọ̀ yàra nịnị, agụvị ịhị Ikirisiti ọ̀ọ vavẹ, ma zụ jẹ ịrajẹ ka echi ọnị mị zwe ọnịrị ụkọrọ ọnị mị mẹ, ọ rẹ̀ va vị ọọhẹ.

Anihwiripi 2:20

Ẹ yị nyị ọza ẹnẹsa ene ee ro ịsị mee ro, àyị vị Itimoti ọnịnya. Ọnịnya ịrẹyị awụ nịnị re dooro nị.

Anihwiripi 4:2

Aarịhịnị, ẹwụ Iyodiya ọnịrị Isintike, re ka waa nyị ariro ọnya nịnị, anka ọ mẹ̀ vọrọ tụra aza ana aa saasa Ananyị yị.

Anikorasi 2:5

Ẹmị ụvọta ẹ̀ yị daka yà ịdị awụ nịnị, ayị amị yà ịdị awụ nịnị. Ịnẹ amị ô hine m mẹ̀ wụ́ ka vị ụ nyayịnẹ sị ụvọ za ẹngụ awụ nịnị, dị ụ yị sị ayị tụra Ijeesu, dị ụ yị jẹẹ geri-geri nịnị nị.

2 Anịtẹsaronika 2:13

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị ana Ananyị yị sì ịrẹyị anị. Ohomorihi ọ nyị ẹwụ nịnị tịtẹ hụrẹ ụmọrụmọ ka ọnị ọ̀ dọ wụ nịnị há nị. Ọ́ vavọọ mẹ ini oze Ụhwẹ Ọnịnị ana vara wụ nịnị ọnịnị ọnịrị ka wâ dọ ịzẹyịza wụ́ nịnị.

2 Itimoti 1:4

Mâ tamayị ụ maa jị òrèrè. Eyi awụ aa tụra mị ẹtẹẹtẹrẹ; mee sì ka me re wu dị ayị amị ò zụ hine ẹtẹẹtẹrẹ.

Ihwirimọnị 1:20

Ẹnẹbẹnị ayị, aarịhịnị hụ agụvị Ananyị yị dụ wa mẹ̀ ịsa ọnọnị mị. Sị ayị amị nẹtẹ agụvị ka ẹmịrị ẹwụ vị ọnya ini Ikirisiti.

2 Ịjọọnụ 1:4

Ịnẹ amị ô hine ẹtẹẹtẹrẹ m mè re ka ezi ewu ẹnyị aa mẹ ịzẹyịza anka Óhomorihi Ada ayị mẹ̀ mẹẹ ọdaa yị.

3 Ịjọọnụ 1:4

Ẹ yị nyị ịsị ẹ zụ sị ịnẹ amị hine hu ka ma wụ́ ka ezi emi aa saasa ịrẹyị Ohomorihi.