Anihwiripi 2:16 - IWE ỌNỊNỊ

¹⁶ Sị ụvọ za ịrẹyị anaā mẹ ka ọza ọ̀ yàra nịnị, agụvị ịhị Ikirisiti ọ̀ọ vavẹ, ma zụ jẹ ịrajẹ ka echi ọnị mị zwe ọnịrị ụkọrọ ọnị mị mẹ, ọ rẹ̀ va vị ọọhẹ.

Anihwiripi 2:16 ပူးပေါင်းရင်းမြစ်များ

Ahẹ Ụgama 40:9

Aza ẹ̀ẹ ta wara gụ dị maa kà a ụ mẹmẹ dọ yị há Ẹnẹyịmavara, wâ yẹ ka mẹ mā sị irenu amị kú oku.

Ahẹ Ụgama 71:17

Ohomorihi, m mẹ̀ hụrẹ vị ozweyi ụ hụrẹ sị ịsa ẹnẹẹ zụ̀ mị nị. Piporo va ngụ ajịnị vị ọnị maa kịị kà ịrẹyị ịsa ẹbanyị-ẹbanyị ọnị waa mẹ.

Ayịsaya 49:4

Ama mê tụ ọ ohi ka ọ sị ngụ mị ẹngụ, mị du ụmẹ amị ha kẹnẹ. Avaba ịsị mị mẹ vị ọnị mị mẹ yị Ẹnẹyịmavara Ohomorihi, ama ẹ yị nyị ịsa ọnị ọ sị yị mị.

Imatiwu 10:27

Ịsị màa kà wụ nịnị ịnị ịrahụ, na kà a nịnị ụmẹ ọọdụ! Ịsa àa tangwa were kà chire wu nịnị ụtọ, na jẹẹ ịrẹsụ irehi, dụ wa nọ̀ ọ nịnị!

Iruuku 12:8

“Dị ma rẹ kà a wụ nịnị ka, Ọza ana àa dọ irenu éyi aza ka áamị ọ́nị vị nị, emi Ozi ọza onigirima rẹ vaa dọ irenu ọ́vịdị anggẹẹrị Ohomorihi ka áamị ọ́za ọnọọ vị nị.

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Ịjọọnụ 6:68

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.

Odeyi 13:26

Ẹwụ nịnị anda ayị, ẹwụ nịnị ezi Abụrahamị, ọnịrị ẹwụ nịnị aza ana vọ ene hí angwa Ohomorihi, ẹyị a sị ịrẹyị ẹdọha ọnọnị tụ́ hi nị.

1 Anịkọrịntị 1:8

Ikirisiti vaa sị ụvọọ za wụ nịnị pooro ne tù ụmẹ ọdịrẹma, agụvị ịhị Ijeesu Ikirisiti Ananyị yị ọ̀ọ vavẹ, asị ụ na nyị ohuvọ nịnị vụrụ-vụrụ.

1 Anịkọrịntị 9:26

Ẹ yị vị mee zwe echi huuru kẹnẹ; ịzị echi amị vaa taa tụ́, mị sị ịrẹsụ kà nị. Mẹ yị kụ̀ ọsẹ hi ịnị ahị osusu kẹnẹ.

2 Anịkọrịntị 1:14

anka ụ mẹ̀ vịdị dọ yị chee nịnị. Ịhị Ijeesu Ananyị yị ọ̀ọ vẹ, dụ wa zụụ jẹ agụvị ayị, anka ẹ́yị mẹ̀ raa jẹ agụvị awụ nịnị.

Anigaratiya 2:2

Máa na, agụvị ka Ohomorihi ọ́ọ sị zụ̀ mị ka ma nọ ịzọọ. Ẹ́mịrị ọdọvịdị nịnị kẹnẹ mẹ̀ nyị eyọgẹ, dị mị kà avaba anị yị wa enube ọyịza ọnị maa kà a yị anarịmadọwụ nịnị nị. Me yi sì ka ụkọrọ ọnị mị vịdị mẹ ọnịrị ọnị maa mẹ̀ aanị ò vị osusu kẹnẹ.

Anigaratiya 4:11

Angwa awụ nịnị ee hí mi. Avaba ụkọrọ ọnị maa mẹ̀ agụvị awụ nịnị, ọọhẹ ộ vana vị nị?

Anihwiripi 1:10

Ịjọnọọ ụ va zụụ sị ụvọọ tụ́ ịnị ịsa ene zoza ẹtẹẹtẹrẹ nịnị. Wàa vavọọ aa mẹ nịnị, ịhị Ijeesu Ikirisiti ọ̀ọ vavẹ, ụ va zụụ yà nịnị anka ọza ana ayị anị nị, dị ọ̀ yị rị ịvị,

Anihwiripi 1:6

Máa yẹ kaakara ka Ohomorihi ana maanị nyima aa mẹ̀ ịsa ozoza ọnọnị nịnị ayị awụ nịnị vaa mẹẹ nee tù ịrẹsụ pooro ne tù ẹkụhị ọnị Ijeesu Ikirisiti vaa sị vaa vẹ.

1 Anịtẹsaronika 2:19

Sị ị daba sị eyi tụra? Sị aa mẹ ka yaa jẹ? Sị ẹ vị ọgụ ayị ọnị yaa sịị mẹ ụbanyị ọvịdị Ijeesu Ikirisiti Ananyị yị, ọ̀ọ vẹ? Ẹyị vị ẹwụ nịnịị?

1 Anịtẹsaronika 3:5

Mẹ yị kụkụ zụ za ayị; agụvị avọọ mị tụ́ vẹ nị. Mée sì ka ò ve re, ụ mẹmẹ aa yịị sị ayịị tụra Ikirisiti nịnị. Angwa ee hí mi ka Echu ọ sị wụ nịnị zama re, dị ọ mẹ wụ nịnị nyeeyi, dị ụkọrọ ayị na sị vị osusu kẹnẹ.

Anihiburu 4:12

Yáa yẹ ka ịrẹyị Ohomorihi vị ana yára. Ọ́ọ nyị ụkata, ọ́ọ rẹ́ huna ụhwọ onyeyi ẹẹva. Ọọ̄ yẹrẹ ịsaa hụrị oze, dị ọ na huuu na ịzị ayị ọnịrị ụhwẹ na gẹ. Dị ọ na ngụ ịzị ẹgẹ ẹngụ ọnịrị ụhị nịnị na gẹ. Avaba ịsị ọza èe ro ịnị ayị anị, dị ọ sị ọ tụ́ ẹhẹ.

1Ipita 1:23

Ohomorihi ọ sị wụ nịnị tenyi ma ini oze ịrẹyị anị ana yára, dị ọ rẹ jẹẹ pooro. Ẹ́ yị vị ọza ana ahịka oō sú, o tenyi wụ nịnị ma, ama Ohomorihi ana yára zịna-zịna pooro yọ nị.

1 Ịjọọnụ 1:1

Yaa chẹrẹ iwee tụ́ụ hi wu nịnị ịnị oze ịrẹyị ana yà ịzọọ hụrị ụmọrụmọ, dị a va yẹ ka aa mẹ ẹhẹ. Ẹyị ụvọta ộ wụ́ Ịrẹyị ọnọọ, yáa sị eyi ré e, ya raà jị eyi ngụ ọ, dị ị raà sị ụvọ kanyị ọ nị. Ọnị ọ vị ịrẹyị anaā sịị ụhwẹ yị aza nị.

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!