Anihwiripi 2:11 - IWE ỌNỊNỊ

¹¹ Avaba ẹnịnị rẹ vaa sị irenu ẹnịnịị kà a ka Ijeesu Ikirisiti ọ vị Ananyị yị nị. Ọnọọ rẹ vaa sị igirima yị Ohomorihi ana vị Ada anị.

Anihwiripi 2:11 ပူးပေါင်းရင်းမြစ်များ

Ahẹ Ụgama 110:1

Ẹnẹyịmavara ộ kà a yị Ananyị mị ka yaayịtẹ éyi ụvọrị amị pooro dị ma sị ọnịvị awụ tụ́ ịzị ụ vaa kụ́ ahụụ hị́.

Ahẹ Ụgama 18:49

Ẹnẹyịmavara, agụvị ịsị ụ maanị mẹ aanị mị vaa sị ụbanyịị wụ ịnị akakana anẹkụra ẹnẹ ẹ̀ yẹ wụ, dị maa jị ahẹ gono wu.

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Imatiwu 10:32

Ọza ana àa dọ irenu éyi aza ka áamị ọ́nị vị nị, ẹmị rẹ vaa dọ irenu ọ́vịdị Ada amị ẹbẹẹba ka áamị ọ́za ọnọọ vị nị.

Iruuku 2:11

A sị ozi ọnya ma yị wụ nịnị ajịnị tụ́ ịnị ẹkụra Idevidi. Ozi ọnọọ ọ vị Ọdọzaha nị, ọnị ọ vị Ikirisiti Ananyị yị nị.

Ịjọọnụ 12:42

Ama â hyakụ nyị ọdọvịdị Aniju nịnị ọrụrụ-ọrụrụ ana rẹ sị ayị tụra Ijeesu. Ama ẹnịnị ẹ yị sị tụra eyi agụvị Anihwarisi nịnị. Eyee hí angwa ka a va dụ ẹnị hụụnị irehi Ohomorihi Aniju nịnị.

Ịjọọnụ 13:13

Ụụ̄ hị́ mị ọga ọnịrị Ananyị yị nịnị; wâ kà a ẹtẹẹrẹ nịnị, agụvị ka ịsị mị vị ọ vị ọnọọ nị.

Ịjọọnụ 13:14

Ẹmị, ọga awụ nịnị ọnịrị Ananyị-wụ nịnị, ọ̀ọ nyịna ahụ awụ nịnị, â vọrọ ka ẹwụ nịnị ọ̀ rẹẹ nyịna ẹngụ ahụ.

Ịjọọnụ 14:13

Ịsa tụra ịsa oni u wèe họ̀ use anị ịnị ịrẹha amị nịnị, mị vaa mẹ̀ ẹ, agụvị dị à zụ sị igirima yị Ada amị ini oze ẹmị Ozi anị.

Ịjọọnụ 14:23

Dị Ijeesu tụ́ ọ ohi, dị ọ ka, “Ọza ene èe sì ịrẹyị amị, ọ vaa sị ụvọọ za ịrẹyị amị; Ada amị vee sì ịrẹyị anị. Dị ẹmịrị Ada amị dudu vẹ, dị ị va ra ịnị ayị anị.

Ịjọọnụ 17:1

Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Ịjọọnụ 20:28

Dị Ịtọmọsị tụ́ ọọ ohi, dị ọ ka, “Ananyị yị, Ohomorihi amị!”

Ịjọọnụ 5:23

agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.

Ịjọọnụ 9:22

Aza ana ma ọnọrụ ọnọọ, ệ vavọọ kà, agụvị ka eyee hí angwa Aniju nịnị. Aniju nịnị ệ vịdị sị eyi gẹ ka àa nyị ọza ana dọ ka Ijeesu ọ vị Ikirisiti ọnọọ nị, à dụ ọọ jịnẹ hụụnị irehi Ohomorihi.

Odeyi 10:36

Wâ yẹ ụtụ oni Ohomorihi tụ́ hi Anisirẹrị nịnị. Ini oze Ijeesu Ikirisiti, ộ kà enube ọyịza ẹngwọọrọ yị aza. Ijeesu ọnọọ ọ nyị avaba ịsa nị.

Odeyi 2:36

“Agụvị avọọ ẹwụ nịnị Anisirẹrị, yẹ nịnị ịzẹyịza ka Ijeesu ọnọọ ọnị ụ kanyị za ọchị nịnị, ọnị Óhomorihi mẹ Ananyị yị ọnịrị Ọdọzaha nị!”

Aniroomi 14:11

 vịdị vavọọ chẹrẹẹ ka Ohomorihi ka, “Màa yị yàra, avaba aza vee ku ẹtẹ ọ́vịdị amị, avaba aza rẹ vaa dọ irenu ka, hịịn, ẹma vị Ohomorihi nị.”

Aniroomi 14:9

Ikirisiti ô sú, dị ọ rẹ ha kwẹẹtẹ hụụnị isu nị, agụvị avaba aza ẹ̀ zụụ hị́ ọọ Ananyị yị, ẹ̀ẹ vị anẹhẹ, ẹ̀ẹ vị aneku.

Aniroomi 15:9

Ọ rẹ vaa mẹ ka Anigiriki ẹ̀ zụ sị ụga yị Ohomorihi, agụvị ka ọọ̄ vayị aza. Â vịdị vavọọ chẹrẹẹ tụ́ ini Iwe Ohomorihi ka, “Agụvị avọọ mị vaa kụ́ wụ avọ ịnị akakana Anigiriki; mị rẹ vaa jị ahẹ ga ịrẹha awụ.”

1 Anịkọrịntị 12:3

Mee sì ka wa yẹ nịnị ka ẹ yị nyị ọza ọnị Ụhwẹ Ohomorihi aa sị oze zụ̀ ana zụ kà a yị Ijeesu ka o du oo kù. Ẹ̀ yị rẹ vị ọza ọnị Ụhwẹ Ohomorihi aa si oze zụ̀, ọ yị zụ kà a ka Ijeesu ọ vị Ananyị yị nị.

1 Anịkọrịntị 15:47

Eteesu asị mẹ ọnịpaapa nị, ama ọnụpọhụva ọnị vị ana hụrẹ ẹbẹẹba vẹ.

1 Anịkọrịntị 8:6

Ohomorihi ọnya ẹyị yẹ nị. Ọnị ọ rẹ vị Ada ayị nị. Ọnị ọ mẹ avaba ịsa nị, ọnị ị yàra yị nị. Ananyị yị rẹ vị ikonya chọchọchọ. Ọnị ọ vị Ijeesu ohinọyị oni Ohomorihi nyị ka ọ̀ dọ yị há nị. Ini oze anị Óhomorihi yà mẹ avaba ịsa nị. Ịnị ụvọ anị ẹhẹ ayị rẹ yà nị.

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.

1 Ịjọọnụ 4:15

Ọza ana àa há irenu anị kà a ka Ijeesu vị Ozi Ohomorihi, ọnịrị Ohomorihi vị ọnya; Ohomorihi ọnịrị ọza ọnọọ ọ sị vabẹ.

1 Ịjọọnụ 4:2

Ịsị a nyẹngụ sị yẹ ọza ọ̀ọ nyị Ụhwẹ Ọnịnị Ohomorihi yị: Ọza tụra ọza anaa dọ ka Ijeesu Ikirisiti ộ vẹ ẹhẹ anka ozi ọza, ọ̀ nyị Ụhwẹ Ọnịnị Ohomorihi nị.

2 Ịjọọnụ 1:7

M maanị aa kà a agụvị ka enevene nịnị ẹ sị gara hi ẹhẹ. Ẹnịnị ẹ yị dọ ka Ijeesu ộ vẹ ẹhẹ anka ọza. Ẹngụ aza ẹnẹẹ vị enevene, ọnịvị Ikirisiti ẹ rẹ vị nị.

Ẹtore 3:5

Ọza ana àa nyị ehuna, a vaa sị ịta ọvụụ chiree. Me yi vee du ịrẹha anịị hụụnị iwe ọnị ịrẹha aza ana yàra pooro zịna-zịna hi. Mị vaa kà a ọ́vịdị Ada amị ọnịrị anggẹẹrị anị ka aza amị ọ vị nị.