Anihwiripi 1:6 - IWE ỌNỊNỊ

⁶ Máa yẹ kaakara ka Ohomorihi ana maanị nyima aa mẹ̀ ịsa ozoza ọnọnị nịnị ayị awụ nịnị vaa mẹẹ nee tù ịrẹsụ pooro ne tù ẹkụhị ọnị Ijeesu Ikirisiti vaa sị vaa vẹ.

Anihwiripi 1:6 ပူးပေါင်းရင်းမြစ်များ

Ahẹ Ụgama 138:8

Ịjị ẹnị Ẹnẹyịmavara ro ka ọnị vaa mẹẹ mị vị ana aa mịị mẹ. Ẹnẹyịmavara, vi uū sì ịrẹyị ọza pooro nị. Navọ ịsa oni ụ nyima aa mẹ, wa mẹ̀ ẹ ta.

Ịjọọnụ 6:29

Dị Ijeesu kà a yị wa ka, “Ịsa oni Ohomorihi ee sì ka wa mẹ nịnị, yị: Sị ayị tụra ọza ọnị ọ tụ́ vẹ ẹhẹ nịnị!”

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 16:14

 nyị ọnẹẹ ọnya aanị ana wụ́ ịrẹyị ayị. Ịrẹha anị ọ rị Iridiya nị; anẹkụra Itiyatira ọ vị nị. Dị ọọ̄ sẹ ohu ịta ovivi ana katarihi nị. Ọ rẹẹ̄ hẹkẹ Ohomorihi. Ohomorihi ộ mẹ̀ ka ọ̀ dọ ịrẹyị ọnị Ịpọọrụ aa kà, dị ọ rẹ dọ ọ wụ́ nị.

1 Anịkọrịntị 1:8

Ikirisiti vaa sị ụvọọ za wụ nịnị pooro ne tù ụmẹ ọdịrẹma, agụvị ịhị Ijeesu Ikirisiti Ananyị yị ọ̀ọ vavẹ, asị ụ na nyị ohuvọ nịnị vụrụ-vụrụ.

2 Anịkọrịntị 1:15

Mâ maanị yẹ ịsa ẹnẹnị ẹtẹẹtẹrẹ, agụvị avọọ mi vịdị roo ka maa vaa vẹ ịda awụ nịnị, dị ịnẹ awụ nịnị ò re oze hine gụ ụpẹ ẹẹva nị.

2 Anịkọrịntị 2:3

Ịsị mị vịdị rẹ chẹrẹ tụ́ hi wu nịnị yị. Me yi sì ka ma vẹ ịda awụ nịnị ịnị ụmẹ ọnọọ, di u we ne du mi ayị nịnị, ẹwụ nịnị anaa vọrọ ka ọ̀ kụ́ mị ẹngụ nịya. Mâ yẹ kaakara ka ịnẹ amị òo hine, ịnẹ avaba awụ nịnị re vee hine bẹẹ.

2 Anịkọrịntị 7:16

Ayị amị ộ da hine kẹnẹ, agụvị ka mâ maanị zụ sị ayị tụra wụ nịnị ịnị avaba ịsa.

2 Anịkọrịntị 9:4

È yị vị avọọ, Animasedoniya ẹ̀ẹ na saasa mị vẹ, dị e ve tù ka we yi tenyi ẹngụ nịnị nị, ụhị vaa daa nyị yị kẹnẹ ka yâ vavọọ sị ayị tụra wụ nịnị. Asị a hyakụ kụkụ kà ụhị ana rẹ vaa nyị ẹwụ nịnị.

Anigaratiya 5:10

Agụvị ka ẹmịrị Ikirisiti ọ sị vị ọnya, máa sị ayị tụra wụ nịnị ka wẹ yị vaa nyị ariro nịnị ana jị áamị nyee. Ọza ana àaa và ayị awụ nịnịị zí, Ohomorihi vaa mẹ̀ ọkarẹyị yọ, ọza tụra ọza ọnị ọọ vị.

Anẹhwẹsọsị 4:12

Ộ vavọọ mẹ, agụvị ò zụ tenyi avaba aza Ohomorihi ẹngụ, dị ẹ̀ zụụ mẹ̀ ụkọrọ Ikirisiti, dị ẹ̀ rẹ zụụ mẹ ọgụvọọ yị (anịragụ Ohomorihi ana vị) ẹngụ Ikirisiti.

Anihwiripi 1:10

Ịjọnọọ ụ va zụụ sị ụvọọ tụ́ ịnị ịsa ene zoza ẹtẹẹtẹrẹ nịnị. Wàa vavọọ aa mẹ nịnị, ịhị Ijeesu Ikirisiti ọ̀ọ vavẹ, ụ va zụụ yà nịnị anka ọza ana ayị anị nị, dị ọ̀ yị rị ịvị,

Anihwiripi 1:29

Ohomorihi ộ sị oze wụ nịnị ka wa sị ayị tụra Ikirisiti nịnị. Ẹ yị vị ọnọọ kẹnẹ, ama ọ rẹ mẹ ka we re oze rị ụya nịnị agụvị anị nịnị.

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;

Anihwiripi 2:13

agụvị ka Ohomorihi aa mẹ̀ ụkọrọ ịnị ayị awụ nịnị nị, ọnị ọ vị ka aa mẹ ka wee sì ka wa mẹ̀ ịsa ene zée eyi nịnị, dị ụ wa rẹẹ mẹẹ nịnị.

Anihwiripi 2:16

Sị ụvọ za ịrẹyị anaā mẹ ka ọza ọ̀ yàra nịnị, agụvị ịhị Ikirisiti ọ̀ọ vavẹ, ma zụ jẹ ịrajẹ ka echi ọnị mị zwe ọnịrị ụkọrọ ọnị mị mẹ, ọ rẹ̀ va vị ọọhẹ.

Anikorasi 2:12

A mẹ mẹ̀ ọyịhwọzenyi yị wụ nịnị, vị ọ sị mẹẹ ka vị e ne wu nịnị beri Ikirisiti nị; dị ụ rẹ ha kwẹẹtẹ hụụnị isu beri ọọ nịnị nị, agụvị ka wáa sị ayị tụra ụkata Ohomorihi ana ha Ijeesu hụụnị isu.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

2 Anịtẹsaronika 1:11

Agụvị avọọ ị sịị̄ mẹ̀ aduwaa wụ nịnị pooro nị. Yaa dá ịpẹ ka Ohomorihi ọ̀ navọ wa vọrọ tụra ịsa ọnị ọ hị́ wụ nịnị ka wa mẹ: ọ̀ navọ ọ̀ sị ụkata anị mẹ ka waa mẹ̀ ebira ọyịza, anka u mè sì ọ nịnị, dị ụ wa zụ mẹ̀ ụkọrọ ẹdọwụ awụ nịnị ne tù ẹtẹ.

2 Anịtẹsaronika 3:4

Ananyị yị ộ mẹ̀ ka ya yẹ kaakara ini oze awụ nịnị ka waa mẹ̀ ịsa ọnị ị kà wụ nịnị. Yáa yẹ ka avọọ ụ mẹ̀ vaa yịị mẹ nịnị nị.

Ihwirimọnị 1:21

M màa chẹrẹ iwe ọnọnị aanị, maa yẹ kaakara ka ụ vaa mẹ ịsị maa dá ịpẹ anịị yị wụ. Máa yẹ ka ụ vaa mẹẹ huna m mẹ kà a.

Anihiburu 10:35

Agụvị avọọ, asị ụ hụrẹ ọtụtụrụma ọnị ụ nyị nịnị ụvọ, agụvị ka ọ́ọ nyị ọgụ ẹtẹẹtẹrẹ!

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

2Ipita 3:10

Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka.