Anihwiripi 1:18 - IWE ỌNỊNỊ

¹⁸ Sị mị vaa kà? Ọza ọ̀ọ kà enube ọyịza agụvị ka aa kụ̀ ụhị, ọ̀ọ va sị ayị ọnya kà a, ayị amị vị ene ee hine. Áa vị Ikirisiti aa yịị kà enube anị nị, ayị amị vị ene vee yii hine.

Anihwiripi 1:18 ပူးပေါင်းရင်းမြစ်များ

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Ịmaakị 12:40

Ẹnị ẹẹ̄ sị irikichii dọ osoku nịnị irehi nị; ama dị ẹyaa mẹ apẹẹ mẹ̀ aduwa ọgọdọ. Ẹnị ẹ vaa rị ụya hu nị.”

Iruuku 9:45

Ama ẹnịnị ẹ yị yẹ iruvo ịrẹyị ọnọnị, agụvị ka a raà sị iruvo anị tẹ yị wa, agụvị asị ẹ yẹ. Angwa ee hí wa ọyịhọ Ijeesu ini oze ịrẹyị ọnọọ.

Iruuku 9:50

Dị Ijeesu ka, “Naavọ, agụvị ka ọza ẹnẹ ẹ̀ yị bàrà yị, ẹ yị rị ọọ ọ yà nị.”

Aniroomi 3:9

Ẹyị Aniju yọ, yáá dahi hu aza ẹnẹ ẹ̀yị vị Aniju? Vụrụ-vụrụ, yẹ yị dahi hu wa ikonya! Máa vịdị raà sị zụ̀ ka ẹyịrị wa vị ọnị ụvọ ịvị kara tịtẹ.

Aniroomi 6:15

Ị́ mẹ̀ yà ịnị ụvọ ayamva Ohomorihi, dị yẹ̀ yị kụkụ yàa ịnị ụvọ ọda aanị, vị áá vọrọ ka ya kụkụụ̄ mẹ ịvị nị? Asị Ohomorihi zẹẹ ka ọ̀ vavọọ yà!

1 Anịkọrịntị 10:19

Wáá yẹ ịsị maa kà nịnị aanị? Vị ọnọọ wáá sị zụ̀ ka â nyị ịsị ori vị nị? Ịsa ana a sị mẹ̀ ịsọvọ hi ori, áá rẹ nyị ịsị ọ vị?

1 Anịkọrịntị 14:15

Ịjọnọọ sị a vọrọ ka ma mẹ? Mee sì ka maa mẹ̀ aduwa ịnị ụkata Ụhwẹ Ohomorihi, dị ma rẹẹ sị ịrẹyọyẹ amịị mẹ̀ aduwa. Mi ree sì ka maa sị ụkata Ụhwẹ Ohomorihi jị ahẹ, dị mị raa sị ịrẹyọyẹ amịị jị ahẹ.

1 Anịkọrịntị 15:11

Àa vị ẹmị, ọ̀ọ daka vị ẹnị, yâ vavọọ kà ịrẹyị Ohomorihi, dị ẹwụ nịnị rẹ vavọọ dọ ọ wụ́ nị.

Anihwiripi 1:19

Máa yẹ ka a vaa hụrẹ mị ụvọ ini oze aduwa ọnị ụ waa mẹ nịnị, ọnịrị ini oze ọgụvọ ọnị Ụhwẹ Ọnịnị Ijeesu Ikirisiti aa mẹẹ mị.