Anihiburu 9:7 - IWE ỌNỊNỊ

⁷ Ohirẹsụ ọbanyị irehi Ohomorihi ọnịnya kẹnẹ ọọ̄ ngụ ini aku ajẹngụ ọnọọ ụpẹ ọnya kẹnẹ ịnị ịrayị nị. Àaa na, dị ọ sị anya za ọnị ọ vaa sị mẹ ịsọvọọ yị ẹngụ anị, dị ọ̀ rẹ mẹ yị aza agụvị ịvị ene e nyeeyi mẹ.

Anihiburu 9:7 ပူးပေါင်းရင်းမြစ်များ

2 Ịsamụwẹrị 6:7

Ebira ọnị Uza mẹ ọ sị kụ́ Ẹnẹyịmavara ayị, agụvị ka ọ yị sị ụbanyị yị Apoti ọnọọ. Dị Ohomorihi wụ Uza, di o sú pè Apoti Ohomorihi nị.

2 Ịtọpa 33:9

Ama dị Ịmanasẹ kụ́ Anijuda nịnị na mẹ̀ ịvị ene hụụnị ebira odivi ọnị anẹkụra nịnị ene vịdị hi ịzọọ mẹ, dị Ẹnẹyịmavara dụ wa yị aza anị.

Ahẹ Ụgama 19:12

Ọza ọnị ụvọta ọ mā yẹ akụvị ẹngụ anị, Akụvị oni mee weree mẹ, Ẹnẹyịmavara dọ mi tụ́ ịnị anị.

Ahẹ Ụgama 95:10

Ohomorihi ộ kụ́ ayị hi aza ẹnẹẹ mẹ ịrayị ẹbẹẹva, Dị ọ kụkụ ka ivehu aza ẹnẹnị ẹ sị wa vene, ẹnịnị ẹ yị jẹẹ pè ọda anị.

Ọyịkụra 30:10

Ụpẹ ọnya kẹnẹ ịnị ịrayị Eerọnị vaa gụ̀ ọpanyị ụta ọnọọ nị. Anya ịsụpa ana a sị mẹ̀ ịsọvọ ka à zụ vagu aza ini ịvị ẹnịnị ọ vaa sị gụ̀ ọ nị. Avọọ ọ mẹ̀ vaa mẹẹ pooro nị. Ẹmị Ẹnẹyịmavara ọ vaa nyị avaba ụta ọnọọ nị.”

Ayịsaya 28:7

Ọnịsẹ nịnị ọnịrị ohirẹsụ irehi Ohomorihi ẹnị vi ene re hú eche dị aa mẹrị wa ẹtẹẹtẹrẹ. Eche ộ mẹrị wa pooro ẹ yị kụkụ yẹ ịsị ẹ yaa mẹ, dị ahịka vị ẹ kụkụ aa và angga kẹnẹ nị. Eche ộ mẹrị ọnịsẹ nịnị pooro ne tu ka Ohomorihi ọ̀ọ kụkụ sị ịrẹyị zụ̀ wa e yi re e. Eche ọnị ọ yị rẹ zẹẹ ka ohirẹsụ irehi Ohomorihi nịnị ẹ̀ kụkụ yẹ a mẹ̀ vọrọ ka ẹ̀ẹ mẹ̀ ọkarẹyị.

Ayịsaya 29:14

Mị rẹ va naa mẹ̀ ịsa ana ahịka ô hi wa eyi. Avọọ m mẹ̀ vaa mẹ̀ ẹ tụ̀ ẹngụ tù ẹngụ nị. Aza ana ka ẹnị ệ yẹ ịrẹyị vee re ka ọnụra ẹnị vị nị. Avaba ịrẹyọyẹ ẹnị ẹ ka ẹnị ệ nyị vị ana vaa tụ́ osusu.”

Ayịsaya 3:12

Ọpa ezweyi aa mẹ ẹvaya yị aza amị, anyẹnẹẹ ẹ kụkụ vị ọdọvịdị ẹnịnị nị. Ẹwụ nịnị aza amị, aza ana ka ẹnị vị ọdọvịdị awụ nịnị vị ana aa kụ́ wụ nịnị nyeeyi. Ẹ raà kụ́ wụ nịnị nyeeyi hụrẹ oze.

Ayịsaya 9:16

Aza ana ka vị ẹnị aa sị oze zụ̀ aza ẹnẹẹ nị vị ana aa kụ́ waa nyeeyi. Aza ana a ka vị a zụ̀ oze zi nị vi ana a kụ́ nyeeyi.

Ihoseya 4:12

E yee họ̀ use etore hụụnị ụvọ ori ana sị ọchị bẹ. Okutẹ aa jị ẹva yị wa. Ụhwẹ ịrẹkọyịsẹ ọ raà sị wa nyeeyi ka asị ẹ yẹ Ohomorihi ẹnịnị.

Ireevi 16:34

Ọda ẹnẹnị vị ọnị ụ vaa saasa nịnị pooro zịna-zịna. Ido ọnọnị vị ọnị a vaa mẹ ụpẹ ọnya ịnị ịrayị, dị à sị nyịna ịvị Anisirẹrị nịnị kwooze. Ẹnẹyịmavara mẹ mẹ̀ ẹ ọda yị Imosiisi gẹdẹ-gẹdẹ, avọọ a mẹ mẹ̀ ẹ nị.

Ireevi 5:18

Ọ vaa sị ịdẹba à vị ẹvụ ẹnẹ ẹ̀ yị tụ ọkụmị vee tu ohirẹsụ irehi Ohomorihi ọyị mẹ̀ ịsọvọ oyi sí ụta varẹma yọ. Ịsa a sịị ngọ ịsa ịnị irehi Ohomorihi a vaa sị ngọ ọ, dị a yẹ ọpa ọnị ọ vị nị. Ohirẹsụ irehi Ohomorihi ọnọọ vaa mẹ̀ ịsọvọ yị ọza ọnọọ agụvị ịvị anị, dị a vagu ọ

Emọsị 2:14

Ịzị ẹnịnị ẹẹ rẹ na za, ẹnịnị ẹ yị vaa ha. Ẹ yị nyị ẹ mẹmẹ nyị ụkata na za, ẹ vaa tụ ọkụmị. Ẹnịnị ẹ yị vaa zụ dọ ẹngụ ẹnịnịị ha.

Ịrịka 15:25

Dị ohirẹsụ irehi Ẹnẹyịmavara sị ịsa ịsọvọ ẹnẹnị da ịpẹ ịvị ịragụ Anisirẹrị nịnị, dị Ẹnẹyịmavara ọ vagu wa agụvị ka ẹnịnị ẹ yị yẹ. Dị ọ nị wa agụvị ịsa ịsọvọ ana a rị ịra ọnịrị ịsọvọ ịvị ẹnịnị.

Anẹhwẹsọsị 4:18

Ayị ẹnịnị vị ịrahụ; ẹnịnị ẹ́ yị nyị tụ́ ịnị ẹhẹ obooro oni Ohomorihiī sịị yị ọza, agụvị ka ẹ yị nyị ịsị ẹ yẹ, dị ẹ rẹ yaa mẹ ayọkatẹngụ nị.

Anihiburu 10:3

Ama ịsọvọ ẹnẹẹ vị anaā mẹ ka aza ẹnẹẹ ẹ̀ẹ tamayị ịvị ẹnịnị ịrayị-ịrayị.

Anihiburu 6:19

Ịsa ọnị ị sị eyi tụra, ọ za ayị ayị jẹẹ geri-geri nị. Agụvị avọọ, ọyịtureyi ayị ọ́ọ para ịzị a sị ịsa jị hu na huuu na ngụ aha ọnịnị keekere.

Anihiburu 7:27

Oni e yi véné ohirẹsụ ẹbanyị irehi Ohomorihi ana vọ. Ẹ yị nyị ka ọ̀ọ mẹ̀ ịsọvọ eyinị-eyinị yị ịvị ẹngụ anị da, ọnịrị agụvị ịvị aza ana vọ. Ụpẹ ọnya gene-gene ọnị mẹ̀ ịsọvọ anị nị, ụmẹ ọnị ọ sị ẹngụ anị mẹ̀ ịsọvọ.

Anihiburu 9:3

Ịnịnẹ anị, â nyị aku ana a sị ịta ọsa ana ratụpọ jị oze anị. Ịzọọ aā hị́ Aha Ọnịnị keekere nị.