Anihiburu 9:1 - IWE ỌNỊNỊ

¹ Ịnị oto ịpaapa, â nyị ọda ini oze ana a vọrọ ka ọza ọ̀ọ hẹkẹ Ohomorihi. A rẹ nyị aha ọnịnị ana aza mẹ.

Anihiburu 9:1 ပူးပေါင်းရင်းမြစ်များ

Ọyịkụra 25:8

Ẹnẹyịmavara kà Imosiisi ọ̀ kà a yị Anisirẹrị ka ẹ̀ jị ajẹngụ yị ọnị. Ịzọọ ọnị vaa raa beri wa nị.

Ezikẹẹrị 43:11

Ụhị ịsị ẹ́ mẹ àa nyị wa, dị ọnị Ezikẹẹrị ọ̀ mẹ ẹhahi avaba eto irehi Ohomorihi ọnọnị yị wa. Ọnị ọ̀ mẹ̀ ẹhahi oze ana hụụnị irehi Ohomorihi ọnọnị na jịnẹ ọnịrị oze ana a zịị̄ ngụ ọ yị wa. Ọnị ọ̀ mẹ̀ ẹhahi avaba anị mẹmẹ yà yị wa beri avaba ọda irehi ọnọọ yị wa. Ọ kà ọnị ọ̀ chẹrẹ ọda ẹnẹẹ tịtẹ eyi ẹnịnị, agụvị ẹnịnị ẹ̀ ré ka ẹnị aa saasa wa.

Ireevi 18:30

Ẹnẹyịmavara kà, ẹnịnị ẹẹ saasa ọda ọnị ọnị mẹ yị wa; à sị ẹ saasa ebira ọnị aza ana vịdị ra hi ịnị ẹtẹ ọnị ọnị kụ wa aa nọ aa mẹ. À sị ẹ mẹ ịsị ẹnẹnị ọnyọọnyị dị è sị du ẹngụ ẹnịnị ẹngụ. Ọnị ọ vị Ẹnẹyịmavara, Ohomorihi ẹnịnị nị.

Ireevi 22:9

Ẹnẹyịmavara kà, avaba ohirẹsụ irehi Ohomorihi ẹẹ saasa ọda ọnị ọnị sị yị wa. Ẹ̀ yị vị avọọ, ẹnịnị va mẹ̀ ịvị, di e su agụvị ka ẹnịnị ee sị ahụ jịnẹ ọda ọnị Ohomorihi, Ẹnẹyịmavara ana nyị wa tụ irenyi yị ẹngụ anị nị.

Ịrịka 9:12

Ẹ za avaba ido eche ọyịparahu. Asị a nyị ịsị ẹ vọ ẹtẹ tịtẹ tu eyinẹhẹ anị, dị asị ẹ chaka ẹchụkụ uye anị.

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

Anikorasi 2:8

Sị eyi pe ẹngụ awụ nịnị! Asị ụ zẹẹ ka ọzọnyị-ọzọnyị ọ̀ sị ịrẹyọyẹ ẹhẹ ọnịrị ịsa kẹnẹ-kẹnẹ vene wu nịnị! Ẹngụ ịrẹyọyẹ ẹnẹẹ ịnị ụvọ aza ọnịrị ori ana nyị ụkata hi ịnị ẹhẹ ọnọnị ẹ hụrẹ vẹ nị. Ayị vị ịda Ikirisiti ẹ hụrẹ vẹ.

Anihiburu 8:13

Dị Ohomorihi na aa kà a ka, “oto ọwọọwa”, ọnị ọ vị ka ọ raà mẹ ka ị́ịpaapa ò bo. Ịsa ene èe si bo, di ee du nị, ọ vaa taa kwooze.

Anihiburu 8:2

Aha ọnịnị keekere ọ́nị yà aa mẹ̀ ụkọrọ anị nị. Ịzọọ ọ vị aha obooro oni Ohomorihi yà nị. Ọnị ụvọta ọ dàa nị; ayị vị ọza ọ dà ọnọọ.

Anihiburu 8:7

Ịzẹzẹ ịpaapa ọ̀ọ yaanị zoza gụ, ẹ yị yaanị nyị ka èe sì ọsa.

Anihiburu 9:24

Ikirisiti ọ́ yị na ngụ aha ọnịnị ana aza mẹ, ana ahịka vị ọnị aa sị ịsa obooro zụ̀ kẹnẹ nị. Ịdị Ohomorihi booro ọ ngụ nị, agụvị avọọ ọ na jẹẹ ọvịdị Ohomorihi agụvị ayị booro aanị nị.