Anihiburu 8:5 - IWE ỌNỊNỊ

⁵ Ohirẹsụ irehi Ohomorihi ẹnẹẹ vị ọnị ụkọrọ ẹnịnị aa sịị zụ̀ ịsa obobooro ana yà ẹbẹẹba. Yáa yẹ ka ịnị ụmẹ oni Imosiisi aa vaa jị ajẹngụ Ohomorihi, Ohomorihi óo hú ọọ ụvọ ka ò re ka ọnị ọ́ọ mẹ avaba anị anka ịsị ọnị sị zụ̀ ọọ gẹdẹ-gẹdẹ ị́rẹsụ ataba.

Anihiburu 8:5 ပူးပေါင်းရင်းမြစ်များ

1 Ịtọpa 28:12

Ộ rẹ sị iwe á mẹmẹ vaa mẹ avaba ịsa ọnị ọ nyị tụ ịnị ayị ka à mẹ tụ ini ohweje irehi Ohomorihi ọnọọ yị Isoromọnị. Iwe á mẹmẹ vaa da aku ana a vaa kụ ẹnya ụkọrọ ini Irehi Ohomorihii hị́, ọnịrị aku ana a vaa kụ ẹyịza ana a sị va yị Ohomorihi hi vị ọnị ọ rẹ sị yị Isoromọnị.

1 Ịtọpa 28:19

Ohinọyị Idevidi ộ kà a ka avaba ịsa ẹnẹnị hi ini iwe a mẹmẹ vaa da irehi. Ẹnẹyịmavara ọnị ụvọta mẹ̀ kà a yị ọnị ka ọnị ọ̀ mẹ̀ ịsa ẹnẹnị a chẹrẹ iwe ọnọọ avọọ nị.

Ọyịkụra 25:40

Wàaa mẹ̀ ẹ, re ka waa saasa ahụ-ahụ anka m mẹ̀ sị zụ̀ wụ ịrẹsụ ataba.”

Ọyịkụra 25:9

Ọ kà ẹ̀ jị ajẹngụ ọnọọ dị ẹnya anị ọ̀ gụ tụ́ ọ anka ọnị mẹ̀ vaa sị zụ̀ Imosiisi.

Ọyịkụra 26:30

Dị ụ kụ́ ajẹngụ ọnọọ jẹẹ anka m mẹmẹ sị zụ̀ wụ ịrẹsụ ataba.

Ọyịkụra 27:8

Navọ ọchị ọgana ọnị ụ waa sị mẹ ụta ọnọọ ọ̀ chị ngụ ịnẹ. Mẹ ẹ gẹdẹ-gẹdẹ anka m mẹ̀ sị zụ̀ wụ ịrẹsụ ataba.

Ịrịka 8:4

Avaba ọchị ịrakotupa ọnọnị vị ana a sị igooru tu hụrị uruvo na ngụ ịrẹsụ ịzị a sị ododo mẹ̀ ọvị. Ọchị ịrakotupa ọnọnị vị ana mẹ̀ anka Ẹnẹyịmavara mẹ jị uwe yị Imosiisi.

Imatiwu 2:12

Ohomorihi ộ ka wa ọnọ ịnị ụra ka à sị ẹ varẹma nọ ịdị Ịhẹrọdị; agụvị avọọ, dị ẹnịnị zị oze ọsa, dị ẹyaa nọ eehi ẹnịnị nị.

Odeyi 7:44

“Áda ayị nịnị mẹ̀ yà ịnị ụnọmị, ệ nyị ajẹngụ ịzị Ohomorihiī yàa kà ịrẹyịị yị wa. Â mẹẹ anka Óhomorihi mè juwe yị Imosiisi ka ọ̀ mẹ̀ ẹ.

Anikorasi 2:17

Ịsa ẹnẹẹ vị uhwoto ịsị ẹ vaa vẹ kẹnẹ. Ịsa ọnọọ ụvọta ọ vị Ikirisiti nị.

Anihiburu 10:1

Ọda Imosiisi vị ụmọmọ ịsa ozoza ana aa vẹ kẹnẹ, ẹnịnị ẹ yị nyẹngụ sị ịsa ọnọọ obooro zụ̀. Aa yịị mẹ̀ ịsọvọ ọnyọọnya ịrayị-ịrayị. Ịsọvọ ẹnẹẹ ẹ yị zụ mẹ ka aza ene ee sì ka ẹnị ẹ̀ kà pe Ohomorihi, ẹ̀ zụ gụ.

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 13:10

Ikirisiti ộ mẹ̀ ịsọvọọ yị. Aza ana aa mẹ ahẹkẹ anka ẹngụ ahẹkẹ ịnị ajẹngụ ịyẹẹyẹ, ẹ yị nyị tụ́ ịnị ịsọvọ ọnọọ.

Anihiburu 9:9

Ịsa ịyẹẹyẹ ẹnẹẹ vị ana jẹẹ yị ịsa ọyaanị ọnọnị. Ọnị ọ vị ka ẹyịza ana aza sị va yị Ohomorihi, ọnịrị uye ẹnẹ ẹyaa wụụ mẹ ịsọvọọ hi ọọ, ẹyị zụ mẹ ka ayị aza ana aa mẹ̀ ịsa ẹnẹẹ, ẹ̀ gụ saka-saka éyi Ohomorihi.

Ijosuwa 22:28

Yê ro ka, àa maanị na kà ụhwọọ, ezi eyi vaa kà a ka, “Re ụta Ẹnẹyịmavara ọnị ohiku ayị nịnị hi, ẹ yị vị ọyịmẹ̀ ịsọvọ ana aā rị ịra. Ẹ yị rẹ vị ọyịmẹ̀ ịsọvọ ọsa, à vị ịsọvọ ana aā sịị mẹ uze, ama agụvị ọ̀ vị ivenu yị ẹyịrị ẹwụ nịnị.”

Ẹtore 15:5

Ịrẹma ọnọọ, dị mị kana eyi, di mi re ka â na Irehi Ohomorihi ẹ́bẹẹba beri ajẹngụ Ohomorihi ana yà ịnị anị hi ẹtẹ nị, ịzọọ a sị ịsa ana sị oto Ohomorihi zụ̀ tụ́ nị.