Anihiburu 7:4 - IWE ỌNỊNỊ

⁴ Wéé re ịzị ọnọrụ ọnọọ mẹhị nyị ụbanyị ne tu? Abụrahamị ohiku ayị ộ sị agẹẹwụ ịsa ọnị ọ dọ yọ.

Anihiburu 7:4 ပူးပေါင်းရင်းမြစ်များ

Oyinyima 12:2

Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị.

Oyinyima 14:20

Ohomorihi ana nẹba hu keekere ana mẹ ka ò huna ọnịvị anị aanị vị ana aza vaa gā.” Dị Abụramị sị agẹẹwụ avaba ịsa ọnị ọ kụ́ aa vẹ dị ọ sị yọ nị.

Odeyi 2:29

Ẹwụ nịnị ẹyịnyara amị, jẹẹ ma kà a wụ nịnị gedebee ini oze Idevidi ada ayị. Idevidi ô sú, di e ne e nị. Ikuta anị yà ịdị ayị ịzẹnị pooro tù ajịnị.

Ijemiisi 2:23

Avọọ ịrẹyị ana chẹrẹ tụ́ ini Iwe Ohomorihi, mẹ̀ sẹ nị. Ịrẹyị ọnọọ ka: Abụrahamị ộ sị ayị tụra Ohomorihi, agụvị avọọ dị Ohomorihi za ịrịka tụ́ ịnị ọnịrẹyịzẹyịza nị; dị a kụkụ aa hị́ ọ ọta Ohomorihi nị.