Anihiburu 7:22 - IWE ỌNỊNỊ

²² Agụvị eku ọnọọ, Ijeesu sị zụ̀ ka oto oni Ohomorihi wo o zoza hu nị.

Anihiburu 7:22 ပူးပေါင်းရင်းမြစ်များ

Oyinyima 43:9

Dị ọ rẹ ka ọnị ọ sị ẹngụ anị jẹẹ. Àa nyị ịsị ẹ mẹ̀ ẹ ọ̀ọ za ọnị. Ọ kà ọnị ọ yị sị ọ vavẹ va yọ, dị ọnị ọ sị ọ ve chire e ụvọ dị ọ yẹ ka ọnị ọ nyị ịvị anị pooro nị.

Oyinyima 44:32

Ọ kà ẹngụ anị ọnị sị jẹẹ yị ozi ọnọọ nị, ụvọta ọ sị ọ kà yị ada anị ka ẹ yị nyị ịsị ẹ vaa mẹ ozi ọnọnị. Ọnị ọ kà a yọ ka ẹnị ọ̀ yị rẹ vaa sị ọ vaa naa yọ, ịvị anị ọ̀ yà ịrẹsụ anị pooro.

Ahẹ Ụgama 119:122

Navọ we re ka wâ mẹ̀ ịsa ene zoza yị emi ozi ahụ awụ, asị ụ zẹẹ ka aza ana aa mẹ eyi zị ẹ̀ẹ mẹ ẹchakaa mị.

Ụhịrẹyị 20:16

Ọza anaa kụ ụra ẹngụ anị na jẹẹ yị ọnụta ọnị ẹ yị yẹ vị ana vọrọ ka a dọ awuru anị sị ụta.

Ụhịrẹyị 6:1

Ozi emi, wàa jẹẹ yị ọnụta ẹnyẹnyị,

Ayịsaya 38:14

Mị vụrị ee nowu anka inomi ịnị avị, di mee tii anka arivadi avọọ nị Eyi anị ọ sị kata mm mẹ kụ eyi hi ẹbẹẹba ee zi Ananyị mị va gụ mị ụvọ hụụnị akanya amị.

Ịdanịyẹrị 9:27

Ọdọvịdị ọnọọ ọnịrị aza ọrụrụ-ọrụrụ vaa dọ yị ẹngụ ẹtẹẹtẹrẹ dị ọ mẹ ịrayị ịhịmba. Ịnị akakana ịrayị ọnọnị dị ẹ yị kụkụ zẹ̀ẹ ka àa mẹ̀ ịsọvọ hi Ohomorihi. Ẹ yị rẹ vaa zẹ̀ẹ ka àa sị ẹyịza ve ịnị irehi Ohomorihi bẹ ẹ. Ọ vaa sị ịsa eenyisi na jẹ ẹ ịnị ohurohuro irehi Ohomorihi pooro na ngụ ịjị Ohomorihi o vu ọza ana sị ọ jẹ ịzọọ ẹtẹ anka ọ mẹ vịdị mẹ̀ẹ ọda e zi ọ.

Imatiwu 26:28

Ọsọnị ọ vị anya amị oni Ohomorihi sị sị ụvọ tụ́ ịnị oto ọwọọwa, oni mi vee chee sẹ́ ẹtẹẹ yị aza ọrụrụ, dị à sị sị ịvị ẹnịnị vagu wa.

Ịmaakị 14:24

Dị Ijeesu kà a yị wa ka, “Ọsọnị ọ vị anya amị nị, ana vị oto ọwọọwa, oni mi vee chee sẹ́ ẹtẹ yị aza ọrụrụ-ọrụrụ.

Iruuku 22:20

Dị ọ rẹ sị ako ana a sị ká eche tịtẹ, ẹ mẹ̀ sị ịsa oruva ọnọọ rị nị. Dị ọ ka, “Eche ini ako ọnọnị ọ vị oto ọwọọwa oni Ohomorihi sị anya amị sị ụvọ tụ́ nị. Mi vee che anya amị ọnọọ sẹ́ ẹtẹ yị wụ nịnị.]

1 Anịkọrịntị 11:25

Ịjị ẹ sị ịsa rị, dị ọ rẹ vavọọ sị ako anaa sị ká eche tịtẹ, dị ọ rẹ ka, “Eche ini ako ọnọnị vị ana jẹẹ yị oto ọwọọwa ana a sị anya amị zẹẹ. Ụmẹ tụra ụmẹ wa maanị ee hú eche ọnọnị nịnị, dị ụ wa sịị tamayị amị nịnị.”

Anihiburu 12:24

Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

Anihiburu 7:23

Ohirẹsụ irehi Ohomorihi ana vọ ẹnị ẹ́ẹ rụrụ, agụvị ka eyee sú, ẹ yị zụ yà ịnị ụkọrọ ẹnịnị pooro zịna-zịna.

Anihiburu 8:13

Dị Ohomorihi na aa kà a ka, “oto ọwọọwa”, ọnị ọ vị ka ọ raà mẹ ka ị́ịpaapa ò bo. Ịsa ene èe si bo, di ee du nị, ọ vaa taa kwooze.