Anihiburu 7:18 - IWE ỌNỊNỊ

¹⁸ Ịrẹyị oni Ohomorihi vịdị mẹ ọda anị, ọ raà kụ́ ọ kwooze agụvị ka ẹ yị nyị ụkata, ẹ yị rẹ nyị ọgụ yị ọza.

Anihiburu 7:18 ပူးပေါင်းရင်းမြစ်များ

Odeyi 13:39

Ọda Imosiisi ọ yị zụ vagu wu, dị ọ̀ rẹ jị ịhị yị wụ nịnị. Ama ini oze anị Óhomorihi zị vagu wu, dị ọ rẹ jị ịhị yị avaba ọza ana àa sị ayị tụra a nị.

Aniroomi 3:31

Áá zụ kà a ka ya raà mẹ ka ọda Ohomorihi ọ̀ vị ịrẹyị kẹnẹ-kẹnẹ? Asị Ohomorihi zẹẹ! Ọda vị ọnị ị hyakụ sị tụ́ udi ana vọrọ tụra a.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Anigaratiya 3:15

Ẹwụ nịnị ẹyịnyara amị, jẹẹ ma sị ịsa ẹhẹ ọnọnị juwe ịrẹyị ọnọnị, oo! Aza ẹnị ẹẹva ẹ̀ẹ dọ ka ẹnị aa mẹ̀ ịsa ọnya, dị ẹ raà hị́ eku tụ́ ọọ nị, ẹ yị nyị ọza ana kụkụ nyẹngụ du ọọ, à vị ka dị ọ̀ dà tụ́ ọọ.

Anigaratiya 3:17

Ịsị maa kà yị: O si kù oni Ohomorihi wo oto yị Abụrahamị. Ịrayị akava tụra ohurẹẹwụ (430) ọ sị mẹ kwooze, dị Ohomorihi va sị ọda yị Aniju nịnị. Ọda ọnọọ ọ yị nyẹngụ du oto oni Ohomorihi vịdị reè wo, dị ọ̀ kụ́ ịsa oni o wo oto anị kwooze.

Anigaratiya 3:21

Vị ọsọnị wáá vị ka vị ọda Ohomorihi ọnịrị oto anị aa za ẹngụ oze nị? Asị Ohomorihi zẹẹ! Àa yaanị mẹ ọda ana nyẹngụ mẹ ka ọza ọ̀ yàra, ọ yaanị rẹ zụ mẹ ka ọza ọ̀ vị ọnịrẹyịzẹyịza ini eyi Ohomorihi.

Anigaratiya 4:21

Ẹwụ nịnị ene ee sì ka ọda ọ̀ọ zụ̀ wụ nịnị oze, aanị ka wẹ́ yị wụ́ ịsị ọda kà nịnị?

Anigaratiya 4:9

Ama ụ mẹ̀ va sị Ohomorihi yẹ nịnị aanị, à vị ka Ohomorihi mẹ̀ sị wụ nịnị yẹ aanị, sị ẹ vẹ dị ụ kụkụ varẹma nọ ịnị ọda ini oze ẹhẹ ọnọnị ẹnẹ ẹ̀ yị nyị ụkata, dị ẹ̀ yị nyị ịsa ẹ nyị? Di u ree sì ka wa vị ọrịhị ẹnịnị bẹẹ?

1 Itimoti 4:8

Ọza èee tenyi ọchẹngụ anị, ọ́ọ nyị ọgụ chee. Ama ọza èee tenyi ebira ini oze ene zé Ohomorihi eyi, ọ́ọ nyị ọgụ ini oze tụra oze; agụvị ka ọ vaa mẹ ka ọza ọnọọ ọ̀ ra ẹhẹ obooro ịnị ẹhẹ ọnọnị ọnịrị ịnị ẹhẹ ana aa vẹ.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

Anihiburu 7:19

Ọda Imosiisi ọnọọ ọ yị zụ mẹ ka ọza gụ. Ama ịsị Ohomorihi kụkụ sị vẹ, ọnị sị eyi tụra booro aanị o hu nị, agụvị ka ini oze anị ya zụ gụrị Ohomorihi.