Anihiburu 6:7 - IWE ỌNỊNỊ

⁷ Sị ịrẹyị ọnọnị zama a re nịnị: Orihi ọ̀ọ zụ̀ hi aarẹ, di o hú ọọ, dị ọ mẹ̀ ịsa yị aza ana dàa nị, Ohomorihiī mẹ ọyịzaa yị ẹtẹ ọnọọ.

Anihiburu 6:7 ပူးပေါင်းရင်းမြစ်များ

Oyinyima 1:11

Ohomorihi ọ rẹ kà a ka ọchị nịnị ẹ̀ chị hụụnị ẹtẹ hi ẹhẹ, ọchị irenyi-irenyi anaā nyị ẹtụtụ ọnịrị ihu evere ẹnịnị. Dị ẹ rẹ vavọọ, chị hi ẹhẹ nị.

Oyinyima 27:27

Ịzẹyịza di Ijekọvụ tere pè e, dị ọ za a kú ayị, dị ọ ku ọ irenu nị. Di Ayiziiki jị awuru anị agụ, di o nyima di aa mẹ̀ aduwaa yọ nị. Dị ọ ka, “Awuru ozi emi aa dà agụ ozoza anka agụ ẹtẹ ana Ẹnẹyịmavara raà mẹ ka ọ̀ vị ẹtẹ ize.

Ahẹ Ụgama 126:6

Navọ aza ana kụ́ ịsa ọyịna ee nee chire, dị ahịka vi e yee sụ́ ùnè nị, ẹ̀ vaa jẹ ịrajẹ ịhị ịsa ọnọọ ọ̀ọ sị mẹ dị ẹ na kụ́ ọ hụụnị aarẹ aa vẹ nị.

Ahẹ Ụgama 24:5

Ẹnẹyịmavara vaa mẹ ka ò zee yị ẹngụ aza ẹnẹẹ, dị ọ dọ wa há Ọ yị rẹ vaa jị ịvị yị wa.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ezikẹẹrị 34:26

Ọnị vaa mẹ ka ò zé yị wa, dị ẹnịnị rá kara ataba anị. Ọnị vaa zụ orihi yị wa chụụchụ ụmẹ tụra ụmẹ ọnị ee yee sị ọ. Orihi ọnọọ vị ana vaa mẹ ka ò zé yị wa.

Ihoseya 10:12

Anka ọgẹrẹva ana jị ịrụkụ ịsa ọyịna avọọ, ẹnịnị e tenyi ebira ẹnịnị, ẹ mẹ ịzẹyịza agụvị e re ọyịza. Ẹnẹyịmavara kà ụmẹ o si tụ́ ka ẹnịnị ẹẹ hẹkẹ ọnị agụvị ọnị ọ mẹ ọyịza yị wa anka orihi mẹẹ̄ zụ avọọ.

Ireevi 25:21

Ẹnẹyịmavara kà ọnị vaa mẹ ka ò zé yị ẹtẹ ẹnịnị ịnị ịrayị ọhụhịnọnyị, dị ẹtẹ ẹnịnị mẹ̀ ịsa ẹtẹẹtẹrẹ ana vaa hụ waa rịị mẹ ịrayị ẹẹta.

Ịmarakayị 3:10

Ọ kà ẹnịnị ẹ kụ avaba agẹẹwụ ẹnịnị vị ịzị aā kụ ogu hi ịnị irehi anị, agụvị dị aa nyị ịsọyịrị ịzọọ. Dị ọ ka ẹnịnị ẹ zama ọnị re daa re, ọnị ẹ yị rẹ vaa na ozokete ihinẹba yị wa, dị ọnị mẹ ka o ze yi wa hyọvọ-hyọvọ.

Imatiwu 7:8

Agụvị ka avaba aza ene èe họ̀ use ịsa, aā sịị yị wa. Ọza ene èe sì ịsa, oō re e; ọza ana àa rẹ sị ụvọ ká oze, a vaa na oze yọ.

2 Itimoti 2:6

Ọkụrịkụ ene re osiye ụkọrọ, a vọrọ ka ọ̀ vịdị rị ịnị ịsa ịnị aarẹ anị nị.

Ijemiisi 5:7

Ẹwụ nịnị ẹyịnyara amị, nyị isuuru nịnị pooro dị Ananyị yị ọ̀ vavẹ. Wê re ọgẹrẹva nịnị, ẹnịnị mẹẹ̄ nyị isuuruu jẹẹ pooro ka ịsa ozoza ịnị aarẹ ẹnịnị ẹ̀ mẹ, hụrị ụmẹ oni orihi ịpaapa ọ̀ọ sị zụ̀ ne tù ụmẹ oni orihi ọdịrẹma vaa sịị zụ̀, dị ẹ̀ vaa mẹ̀ ịsa ịnị aarẹ ẹnịnị.