Anihiburu 6:4 - IWE ỌNỊNỊ

⁴ Aza ana àa raà sị ẹtohweyi Ohomorihi zụ̀, dị ẹ rẹ raà dá ẹyịza Ohomorihi ree nị, dị ẹ rẹ sị nyị tụ́ ịnị Ụhwẹ Ọnịnị nị, ẹ̀ẹ kụkụ na varẹma, ọ́ọ tụ́ akanya dị à kụkụ zụ mẹ ka e rọ ịnẹ varẹma.

Anihiburu 6:4 ပူးပေါင်းရင်းမြစ်များ

Ireevi 13:55

Ohirẹsụ irehi Ohomorihi vaa varẹma zama ịsa ana chị̄ uru aanịị re ịrẹma ana a raa nyịna a. Enyi uru ana chị hi ọ aanị ẹ̀ yị vara, ọ̀ọ daka vị ka uru ọnọọ ẹ́ yị gara hi ọ zịịzị, ịsa ọnọọ ẹ́ yị kụkụ nị, ụ vaa rị ọ ịra nị; ọ̀ọ vị ọvịdị anị uru ọnọọ chị́ hi nị, ọ̀ọ va vị ịrẹma anị.

Ireevi 14:43

Ịrẹma ana sị ịrẹta ana chị uru aanị hu kwooze, dị a sị ugene anị hara, dị a varẹma sị ọ sisi, irehi ọnọọ ọ̀ọ varẹma vanaa chi uru,

Ịrịka 24:3

di o nyima aa ka ịsẹ ka: Ịrẹyị ọnị Ịbaraamị ozi Ịbẹyọ ka yị, ịrẹyị anị vị ịzẹyịza.

Imatiwu 12:45

dị ọ varẹma, dị ọ na kụ́ ụhwẹ echu ịhịmba ọsa ana hyakụ divi hu ọnị nyẹmba, dị ẹ vẹ, dị ẹ va ra ịzọọ. Dị ọdịrẹma ọza ọnọọ kuku si divi huna ọ mẹẹ̄ vịdịị yà. Avọọ ọ mẹ̀ vaa yàa yị anụmẹ odivi ọnọnị nị.”

Imatiwu 5:13

“Ẹwụ nịnị ọ vị anọ yị anẹhẹ nị. Ama anọ ọ̀ọ sị uhine anị ne ta, sị a kụkụ aa sịị vara a ka ò hine? Ẹ yị kụkụ nyị ịsị ọ rụra mẹ, à yị vị ka è ne e ta, dị aza ẹ̀ẹ kụ́ ahụụ hi ọọ.

Ịjọọnụ 15:6

Ọza ẹnẹ ẹ̀ yị zẹẹ ka ẹmịrị ọnị ọ̀ vị ọnya, dị a dà a ne ta anka avọ́ ọchị avọọ. Dị ọ wụ, dị aza va tọ̀ọ́ yọ, dị ẹ kụ́ wa va hi ịnị ịra, dị ẹ rị ịra.

Ịjọọnụ 3:27

Dị Ịjọọnụ tụ́ wa ohi, dị ọ ka, “Ẹ yị nyị ịsị ọza nyẹngụ nyị, ẹ̀ yị vị Ohomorihi ọ̀ọ sị yọ.

Ịjọọnụ 4:10

Dị Ijeesu re tụ́ ọ ohi, dị ọ ka, “À kà ka wâ yẹ ẹyịza oni Ohomorihiī sịị yị ọza, dị ụ rẹ yẹ ọza ana kà ka wa ká enyi yị ọnị di oni ò hú nị, ẹwụ rẹ yaanị dá ịpẹ yọ, dị ọ yaanị sị enyi anaā mẹ ka ọza ọ̀ yàra yị wụ.”

Ịjọọnụ 6:32

Dị Ijeesu kà a yị wa ka, “Ịzẹyịza m maa kà a wụ nịnị nị: Ịsọyịrị oni Imosiisi sị va yị wụ nịnị, ẹ yị vị ịsa obooro ana hụrẹ ẹbẹẹba vẹ. Ama Ada amị ọ sị ịsọyịrị obooro hụrẹ ẹbẹẹba va yị wụ nịnị nị.

Odeyi 10:45

Ô hí ọdọwụ Aniju nịnị ana saasa Ipita vẹ irenu ka Ohomorihi ộ sị Ụhwẹ Ọnịnị mẹ Anigiriki ẹyịza bẹẹ.

Odeyi 11:17

Avaba ọzọza ô re e ka ẹyịza ọnyọọnya Óhomorihi sị yị aza ẹnẹẹ ẹnẹ ẹ̀ yị vị Aniju nị, anka ọ mẹ̀ rẹ sị yị ẹyị, ị mẹ̀ sị ayị tụra Ijeesu Ikirisiti Ananyị yị. Ẹnẹ vị ẹmị, ana vaa dọ Ohomorihi oro ka asị ọ mẹ ịsị ọ ka ọnị aa mẹ?”

Odeyi 15:8

Ohomorihi ana yẹ ayị ọza, ộ sị zụ̀ ka ọnị ộ dọ Anigiriki nịnị, agụvị ka ộ sị Ụhwẹ Ọnịnị yị wa, anka ọ mẹ̀ rẹ sị yị ẹyị.

Odeyi 8:20

Dị Ipita tụ́ ọọ ohi, dị ọ ka, “Ẹwụrị ẹkẹhị awụ ò vu ẹtẹ, agụvị ka wê ro o ka a nyẹngụ sị ẹkẹhị hị́ ẹyịza Ohomorihi.

Aniroomi 1:11

Ayị amị ộ sị ọọ ẹtẹẹtẹrẹ ka me ve hee wu nịnị, dị ma zụ sị ẹyịza ọnị Ụhwẹ Ohomorihi sị yị mị yị wụ nịnị, dị ụ wa zụ nyị ụkata nịnị.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Anigaratiya 3:2

Mee sì ka wa kà ịsa ọnya yị mị nịnị: Agụvị ka wáa saasa ọda Aniju nịnị, ụ wáá sị dọ Ụhwẹ Ọnịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ?

Anigaratiya 3:5

Ụ wáá ka agụvị ka wáa saasa ọda nịnị, Óhomorihi aa sịị sị Ụhwẹ Ọnịnị wụ nịnị, dị ọ raa mẹ̀ ụkọrọ ohyozirenu ịnị akakana awụ nịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ?

Anẹhwẹsọsị 1:18

Mị raa mẹ̀ aduwa ka Ohomorihi ọ̀ há ayị awụ nịnị hi ẹtẹ, di eyi awụ nịnị ò zụ hweyi tù ịsị ụ waa tụra eyi anị nịnị, ọ mẹ̀ hị́ wụ nịnị. Mị raa mẹ̀ aduwa ka wa yẹ nịnị ka ẹyịza oni Ohomorihi ka ọnị vaa sịị yị aza anị ọ́ọ nyị ụbanyị ẹtẹẹtẹrẹ.

Anẹhwẹsọsị 2:8

Vị Ohomorihi vayị awụ nịnị kẹnẹ, dị ọ dọ wụ nịnị há, ụ mẹ̀ sị ayị tụraa nịnị nị. Ayị vị agụvị ịsị ụ mẹ nịnị, vị Ohomorihi sị yị wụ nịnị ọọhẹ kẹnẹ nị.

Anẹhwẹsọsị 3:7

Ohomorihi óo nyị mị iyi, ka maa kà enube ọyịza ọnọọ yị aza. Ộ sị ụkata anị mẹ̀ ụkọrọ ịnị ayị amị, dị ọ sị udi ọnọọ chire mi ụvọ nị.

Anẹhwẹsọsị 4:7

Áa nyị ịsa ọrụrụ-ọrụrụ irenyi-irenyi oni Ikirisitiī sịị yị ọza. Ộ vavọọ raà sị ịsa yị ọzịnya-ọzịnya ayị.

1 Itimoti 4:14

Asị ụ navọ ụkata ọnị Ụhwẹ Ọnịnị sị wụ tịtẹ! Wáa yẹ ka ọ́nịsẹ nịnị mẹ̀ kà ịrẹyị, dị azọkụ ịragụ Ohomorihi sị ụvọ tụra wụ dị ẹ mẹ̀ aduwa, Ụ́hwẹ Ọnịnị sị ụkata ọnọọ yị wụ nị.

2 Itimoti 2:25

Ọ̀ọ sị ayohunẹnẹẹ pe aza ana aa kụ̀ụ hịrẹẹ juwe, ịsavọọ Ohomorihi ọ̀ na mẹ ka è re oze ro ịnẹ varẹma, dị ẹ̀ va yẹ ịzẹyịza.

2 Itimoti 4:14

Ịsị Arẹkịsanda anaā mẹ ụ́hị́ avọọ mẹ mị, óo divi ẹtẹẹtẹrẹ. Ananyị yị o vee sí ọọ atọ avaba ịsa ọ mẹ nị.

Anihiburu 10:32

Tamayị ịsa ana mẹ nịnị ịyẹẹyẹ, u mè re ẹtohweyi Ohomorihi nịnị ịpaapa! Wa daka yị rị ụya nịnị ẹtẹẹtẹrẹ, ama wa sị sị ẹngụ dọ ọ nịnị.

Anihiburu 2:4

Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.