Anihiburu 6:1 - IWE ỌNỊNỊ

¹ Agụvị avọọ, à vẹ yaa kà a tụ́ ọvịdị ịnị ịsa ana a vọrọ ka aza ana vịra ẹ̀ẹ kọ! Asị i re kuku ne nyima dị yaa zụ̀ wụ nịnị ịsa ịpaapa ini oze ịrẹyị Ikirisiti! Asị ị rẹ varẹma nyima dị yaa kà a ka we ro ịnẹ varẹma hụụnị ụkọrọ anaā wụ̀ ọza, dị ụ wa sị ayị tụra Ohomorihi nịnị!

Anihiburu 6:1 ပူးပေါင်းရင်းမြစ်များ

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Imatiwu 21:29

Di o tụ́ ohi, dị ọ ka: ‘Mẹ yị nọ nị.’ Ụpẹ ọnya, di o ro ịnẹ, dị ọ na mẹ̀ ụkọrọ ọnọọ nị.

Imatiwu 21:32

Ịjọọnụ ọhwọzenyi ộ vẹ ịdị awụ nịnị, ộ sị oze ana vọrọ zụ̀ wụ nịnị; ama ẹwụ nịnị ẹ yị dọ ọ wụ́. Ama aza edivi ọnịrị ọsẹrẹka nịnị ẹnị ệ dọ ọ wụ́. Ụ mẹ̀ daka yi re ọsọnị nịnị, we yi ro ịnẹ varẹma nịnị dị ụ wa dọ wụ́ nịnị.”

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 4:17

Hụrẹ ụmẹ ọnọọ, dị Ijeesu nyima dị aa kà ịrẹyị Ohomorihi nị. Dị ọ ka, “Ro ịnẹ varẹma hụụnị ịvị awụ nịnị, agụvị ka ụmẹ ana Ada ayị ẹbẹẹba vaa sị mẹ ịjọva aa gụrị ẹtẹ.”

Imatiwu 5:48

Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

Imatiwu 7:25

Orihi ộ zụ̀, dị okuha vẹ, dị ahị tụ́ nị. Ộ tụ́ kú irehi ọnọọ, ama oyi wú; agụvị ka â dà a tụ́ ịrẹsụ ịda.

Ịmaakị 1:1

Aanị énube ọyịza Ijeesu Ikirisiti Ozi Ohomorihi meme nyima nị,

Ịmaakị 6:12

Dị ẹ jịnẹ na, dị ẹyaa kà ịrẹyị Ohomorihi ka aza è ro ịnẹ varẹma nị.

Iruuku 6:48

Vị ọ sị mẹẹ anka ọza ana aa dà irehi, dị ọ vịdị chị ẹtẹ nyịnẹ, dị ọ kà ẹtẹ tụ́ ịrẹsụ ịda nị. Ịjị ọhaara vẹ, di okuha dà nya irehi ọnọọ ẹtẹẹtẹrẹ nị, ọ yị hyakụ zụ zizi ọọ; agụvị ka â ká a ẹtẹ katẹngụ.

Ịjọọnụ 12:44

Dị Ijeesu nowu tụ́ ẹba, dị ọ ka, “Ọza ana àa sị ayị tụra mị, ẹ yị vị ẹmị ụvọta ọ sị ayị tụra, ama Ọza ana tụ́ mị vẹ ẹhẹ, ọ sị ayị tụra nị.

Ịjọọnụ 14:1

Ijeesu ộ kà a yị ezirẹma anị ka, “Asị ụ zẹẹ ka ayị awụ nịnị ò du! Sị ayị tụra Ohomorihi, dị ụ wa rẹ sị ayị tụra mị nịnị bẹẹ!

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 17:30

Ụmẹ ana aza ẹ̀ yị sị yẹ ịsa ẹnẹnị, Ohomorihi ọ raà sị eyi jịnẹ ẹ. Ama booro aanị, ọ raà mẹ ọda ka avaba aza avaba aha è ro ịnẹ varẹma.

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

1 Anịkọrịntị 13:10

Ama ịhị Ohomorihi ọ raà sị ịsa ana gụ zụ yị, avaba ịsa ẹnẹ ẹ̀ yị gụ vaa ta.

1 Anịkọrịntị 2:6

Ịzẹyịza, máa sị ịrẹyọyẹ kà ịrẹyị yị aza ana sị vịra tụ́ ini oze Ohomorihi. Ama ayị vị ịrẹyọyẹ ẹhẹ ọnọnị ọ vị, àa vị ịrẹyọyẹ ohirẹsụ ẹhẹ ọnọnị, ana ahịka ụkata ẹnịnị vaa ta.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

2 Anịkọrịntị 7:10

Ọza òo du ayị anka Óhomorihi mè sì, ọọ̄ mẹ̀ ka ọza ọnọọ ò ro ịnẹ varẹma, dị Ohomorihi ọ̀ dọ ọ há. Ọza ọ mā sị ụmayịyẹ ịnị ọnọọ. Ama àa vị ọza ee du ayị anka anẹhẹ kẹnẹ nị, isu ọọ̄ sịị vẹ nị.

Anẹhwẹsọsị 2:1

Ịyẹẹyẹ, wê vịdị wusu nịnị agụvị akamawụ ọnịrị ịvị ọnị ụ waa mẹ nịnị.

Anẹhwẹsọsị 2:5

Ị́vị ayị ọnịrị akamawụ ẹngụ ayị mẹ̀ daka yị sị yị wụ, Ohomorihi ọ yị mẹ ka ya varẹma yàra beri Ikirisiti. Ayamva Ohomorihi kẹnẹ ọ sị dọ yị há nị.

Anẹhwẹsọsị 4:12

Ộ vavọọ mẹ, agụvị ò zụ tenyi avaba aza Ohomorihi ẹngụ, dị ẹ̀ zụụ mẹ̀ ụkọrọ Ikirisiti, dị ẹ̀ rẹ zụụ mẹ ọgụvọọ yị (anịragụ Ohomorihi ana vị) ẹngụ Ikirisiti.

Anikorasi 1:28

Agụvị avọọ ị yaa kà ịrẹyị Ikirisitii yị avaba aza nị. Yaa kà wa ọnọ, ị raa sị ịrẹyọyẹẹ zụ̀ wa ịsa, agụvị dị ya mẹ ka aza ẹnẹ ẹnịrị Ikirisiti sị vị ọnya ẹ̀ zụ gụ.

Anikorasi 3:14

Ịsị e hu keekere ọ vị ka wee sì ịrẹyị ẹngụ nịnị. Ịrẹyị ẹngụ oyisì ọ kụ́ avaba ebira ẹnẹẹ gẹ nị. Ọnị ọ zụ mẹ ka ọza ọ̀ gụ nị.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

1 Itimoti 6:19

Ẹ̀ẹ vavọọ aa mẹ, dị ẹyaa kụ́ ịsaa tẹẹ yị ẹngụ ẹnịnị ana ahịka ọ vaa vị ịsa ẹtẹẹtẹrẹ yị wa ụhwọọ, agụvị dị ụvọ ẹnịnị ò zụ kú ẹhẹ obooro.

2 Itimoti 2:19

Ama yáa yẹ ka ịsị Ohomorihi reè si hi ẹtẹ ẹtẹẹtẹrẹ, ọza o yi kuku zụ zizi ọọ. Â maanị chẹrẹ ẹ tụ́ ọọ ka, “Ananyị yị ộ yẹ aza ana vị aza anị.” A rẹ chẹrẹ ẹ ka, “Ọza ana àa ka ọza Ananyị yị ọ́nị vị nị, ọ̀ sị ụvọ hụụnị ebira odivi.”

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Anihiburu 12:13

Waa zị ụsẹ ini oze ana vọrọ nịnị! agụvị asị ahụ aza ene ee sika, ne sú saka-saka, àyị vị ka ahụ ẹnịnị ọ̀ vana ta!

Anihiburu 7:11

Anisirẹrị nịnị ệ dọ Imerikizẹdẹkị ọda, Ánireevi màa mẹ ohirẹsụ irehi Ohomorihi. Ụkọrọ ẹnịnị ọnọọ ọ̀ọ yaanị zụ mẹ ka aza ẹ̀ gụ, ẹ yị yaanị nyị ka à nyị ohirẹsụ ọsa anka Imerikizẹdẹkị; vị a yaanị aa kà a ka anka Eerọnị nị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Ijemiisi 1:4

Ama vavọọ yị jẹẹ geri-geri pooro nịnị, asị ụ zizi, agụvị wa nyẹngụ gụ ini oze tụra oze nịnị. Asị a nyị ebira ozoza ana vẹtẹ ọnị ụ wẹ̀ yị nyị nịnị.

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

1 Ịjọọnụ 4:12

Ẹẹ̀ yị nyị ọza ana sị eyi re Ohomorihi da, ama yèe sì ịrẹyị ẹngụ, ẹyịrị Ohomorihi vị ọnya. Oyisì anị ọ sị gụ tụ́ ịnị ayị ayị.