Anihiburu 5:9 - IWE ỌNỊNỊ

⁹ Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

Anihiburu 5:9 ပူးပေါင်းရင်းမြစ်များ

Ahẹ Ụgama 45:17

Mẹ yị vaa zẹẹ ka ịrẹha awụ ò hi ayị pooro Avaba aza vị ana vaa sị ụbanyịị wụ pooro zịna-zịna.

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ahẹ Ụgama 51:8

Wâ vịdị raà tana ụvọ za mị, navọ kwogwo wa rẹ vana navọ ka ma zụ jẹ ịrajẹ dị ịnẹ amị ò ree hine.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Ịzakaraya 6:15

Aza ana ra aha onooze vaa vẹ va tenyi irehi Ẹnẹyịmavara, ịjị aa sị ọ da a, aza vaa yẹ ka Ẹnẹyịmavara Ochẹtẹẹngụ ọ tụ́ ọnị nị. Ịsa ọnọnị vaa mẹ ẹnịnị ẹ̀ẹ saasa ọda Ẹnẹyịmavara Ohomorihi ẹnịnị.

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Iruuku 13:32

Di Ijeesu kà a yị wa ka, “Na, dị ụ wa na kà a yị onirikichi ọnọọ nịnị ka: ‘Re, maa dụ ụhwẹ echuu jịnẹ hụụnị ẹngụ aza, maa mẹ̀ aza ụkụ ajịnị ọnịrị ụhwọọ, Ịhyẹgwẹta anị, mị vaa mẹ̀ ụkọrọ amịị ta.’

Ịjọọnụ 19:30

Dị Ijeesu hú eche ọnọọ, dị ọ ka, “Ma sị mẹ ta.” Dị ọ ká ịrẹsụ hi, dị ọ hụrẹ ụhwẹ anị ụvọ nị.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Odeyi 4:12

Ẹ yị nyị ọza ẹnẹsa ana zụ dọ ọza há, Ẹ yị nyị ọza ẹnẹsa íruvo ihinẹba ọnọnị oni Ohomorihi sị ịrẹha anị yị aza ka ọ̀ọ dọ waa há.”

Odeyi 5:32

Ya zụ dọ ivenu tụ́ ịnị ịrẹyị ẹnẹnị. Ụhwẹ Ọnịnị oni Ohomorihi sị yị aza ana wụ́ chire e, ọnị rẹ vị onivenu.”

Aniroomi 1:5

Ikirisiti ô nyị mi iyi ka ma vị ozirẹma anị, dị ma zụ sị oze zụ̀ avaba anẹhẹ ka ẹ̀ sị ayị tụra a, dị ẹ̀ rẹẹ wụ́ ịrẹyị chire Ohomorihi. Mi vavọọ aa mẹ agụvị ịrẹha anị.

Aniroomi 10:16

Ama ayị vị avaba ẹnịnị ẹ dọ enube ọyịza ọnọọ. Ayịsaya ộ vịdị kà a ka, “Ananyị yị, aza ẹ yị dọ enube ọyịza ọnị yaa kà, ọ!”

Aniroomi 15:18

Mẹ yị vaa nyayịnẹ ẹ kà ịsa oni Ikirisiti ọ̀ yị zị oze ịnị ụvọ amị mẹ. Ộ mẹ ka ma kụ́ Anigiriki ka ẹ̀ va dọ ịrẹyị Ohomorihi wụ́ ini oze ịrẹyị amị ọnịrị ịsa ọnị mị mẹ

Aniroomi 2:8

Ama aza ẹnyị vị ene ee sì ọyịzaa yị ẹngụ ẹnịnị ịnya kẹnẹ. Ẹnịnị ẹ vị ana aa mẹ akamawụụ hi ịzẹyịza, ịsa odivi kẹnẹ ẹẹ̄ dụụ zị nị. Ẹngụ aza ẹnẹẹ, Óhomorihi vaa kụ́ ayịị hi ẹtẹẹtẹrẹ, dị ọ mẹ̀ ọkarẹyị yị wa nị.

Aniroomi 6:17

Wâ vịdị vị ọrịhị ịvị nịnị da. Ama yáa kụ́ Ohomorihi avọ, agụvị ka wa va raà sị avaba ayị awụ nịnị dọ ịrẹyị ana aa sịị zụ̀ wụ nịnị.

2 Anịkọrịntị 10:5

Yaa gara avaba ahankata ireche ha. Ịsị ẹẹ̄ sị ẹngụụ tụ́ ẹba ẹnẹ ẹ̀yị mā zẹẹ ka aza ẹ̀ yẹ Ohomorihi vị ọnị ị raa garaa ha. Ị raa za ariro aza ka ẹ̀ẹ wụ́ụ chire Ikirisiti.

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;

2 Anịtẹsaronika 1:8

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.

2 Anịtẹsaronika 2:16

Ijeesu Ikirisiti Ananyị yị ụvọta ọnịrị Ohomorihi Ada ayị ée sì ịrẹyị ayị. Ệ vayị ka ya nyị ayohunẹnẹ pooro zịna-zịna, dị ya rẹ nyị ọyịtureyi tụ́ ịnị ịsa ene zoza.

2 Itimoti 2:10

Agụvị avọọ, mâ sị ẹngụ dọ avaba ụyọrị agụvị aza oni Ohomorihi sị nyị, dị Ijeesu Ikirisiti ọ̀ rẹ zụ dọ ụyọrị agụvị aza ọnị Ohomorihi sị nyị, dị Ijeesu Ikirisiti ọ̀ rẹ zụ dọ ẹnị há, dị ẹ̀ rẹ nyị ụbanyị ana yà pooro zịna-zịna yị wa.

Anihiburu 1:14

Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.

Anihiburu 11:40

Ohomorihi ọnị ọ raà mẹ eto ịsa ene zoza hu avọọ tịtẹ yị ẹyị, ọnị ọ vị ka ẹyịrị wa oni dudu vaa mẹ ka ya gụ nị.

Anihiburu 11:8

Abụrahamị ọnị ọ rẹ sị ayị tụra Ohomorihi, agụvị avọọ ộ wụ́ ịrẹyị chire Ohomorihi. Ịnị ụmẹ ọnya Ohomorihi ộ kà a yọ ka ọ̀ kwẹẹtẹ, dị ọ̀ nọ ịnị ẹtẹ ọnya aanị ọnị ọnị vaa sịị yọ. Ịzẹyịza, Abụrahamị ộ kwẹẹtẹ, dị aa yịị na kẹnẹ nị. Ọ yị hyakụ yẹ ịzị ọ daka aa nọ.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 2:10

Ohomorihi ọ mẹ avaba ịsa nị, dị ẹ rẹ vị Óhomorihi nị. Agụvị avọọ áa vọrọ ka ọ̀ mẹ ka Ijeesu ọ̀ gụ ini oze ụya ọnị ọ rị, dị aza ọrụrụ-ọrụrụ ẹ̀ zụ nyị tụ́ ini igirima anị. Ijeesu ọ sị oze zụ̀ wa ka ẹ̀ vẹ, dị à va dọ wa há nị.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Anihiburu 9:12

Ikirisiti ộ ngụ Aha Ọnịnị keekere Ohomorihi. Ụpẹ ọnya gene-gene ọ ngụ ịzọọ nị. Ẹ yị vị anya ịdẹ ọnịrị ozi imaaru ọnọrụ ọnị za na ngụ ịzọọ. Anya anị ụvọta ọ za na, dị ọ sị hị́ yị varẹma pooro zịna-zịna nị.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ijudi 1:21

Sị ẹngụ awụ nịnị tụ́ ịnị ụvọ Ohomorihi, dị ụ wa tamayị ka ô sì ịrẹyị awụ nịnị, ụ mẹ jẹẹ ee zí ụmẹ ọnị Ijeesu Ikirisiti Ananyị yị vaa vẹ ịnị ayamva anị, dị ọ̀ va sị wụ nịnị ne pe ẹngụ ị́dị anị pooro zịna-zịna.