Anihiburu 5:12 - IWE ỌNỊNỊ

¹² O si tù ka ẹwụ nịnị ọ̀ kụkụụ zụ̀ aza ịsa. Ama áa nyị ka à rẹ varẹma vaa zụ̀ wụ nịnị ịsa ịpaapa ini oze ịrẹyị Ohomorihi. O si tù ka wa yaanịị rị ịsa obooro nịnị, ama áa nyị ka à yịị sị ịrẹvaa kà wụ nịnị.

Anihiburu 5:12 ပူးပေါင်းရင်းမြစ်များ

2 Ịsamụwẹrị 16:23

Ịnị ụmẹ ọnọọ, Ahitohwẹrị òo pè ọza jị iwe, vị ọ sị mẹẹ ka Ohomorihi o pè ọza kà ịrẹyị nị. Avọọ Idevidi ọnịrị Abịsarọmị mè re iwọjị Ahitohwẹrị nị.

Ẹzịra 7:10

Ẹzịra vị ana sị avaba ẹngụ anị yị ọyịkọsẹ ọda Ẹnẹyịmavara, dị a saasa a, dị ọ raa sị ọ zụ aza ana vọ nị.

Ahẹ Ụgama 34:11

Ẹwụ nịnị ezi emi vẹ dị wa wụ́ ịrẹyị amị nịnị! Mee sì ka ma sị kọ wụ nịnị ka waā sị ụbanyịị yị Ẹnẹyịmavara nịnị.

Ayịsaya 28:13

Agụvị avọọ ịsa ọnyọọnya Ohomorihi vaa kịị kà a yị wa nị, dị aa vaa tụra ịrẹyị ọnyaa yị wa pooro. Dị ahịka ịsa ọnị ọ sị zụ̀ wa ẹẹrị ọ raa sịị zụ̀ wa ajịnị nị. Ẹnịnị vị ana vaa na dị ẹ na hyẹdụ, dị ẹ và angga ịrẹma-ịrẹma, dị ẹ tụ̀ ụnava. Avọọ ẹ mẹ̀ vaa ngụ ịnị ịrẹma ọnịvị ẹnịnị, dị ịrẹkụ kụ́ wa na nị.

Ayịsaya 55:1

Ẹnẹyịmavara kà, avaba ẹwụ nịnị oni onyi aa kụ̀, wa vẹ nịnị. Enyi yị! Ẹwụ nịnị ẹnẹ ẹ̀ yị nyị ẹkẹhị, wa vẹ. Vá hị́ apaapa dị ụ wa rị ọ. Vá hị́ eche ọnịrị ịrẹva ụnọ ọọhẹ nịnị.

Imatiwu 17:17

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị anụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? Ịzị mị vaa yàa pe wu nịnị nee tù? Ịzị mị vaa sị ẹngụụ dọ ịrẹyị awụ nịnị nee tù? Sị ọọ ve tù mi ịzẹnị!”

Ịmaakị 9:19

Dị Ijeesu ka, “Sị ẹ vẹ dị ẹwụ nịnị anụmẹ ọgọnị ọ̀ yị dọ wụ́ vụrụ-vụrụ aanị? M mẹmẹ kụkụ vaa yà ịdị awụ nịnị kùu hu aanị? Ịzị mị vaa sị ẹngụụ dọ ịrẹyị awụ nịnị nee tù? Sị ozi ọnọọ vẹ!”

Odeyi 7:38

Ọnị ọnịrị Anisirẹrị nịnị yà ịnị ụnọmị, áda ayị nịnị mẹ̀ va gụ ịzọọ nị. Anggẹẹrị ọnọọ ộ kà ịrẹyịị yọ ị́rẹsụ ataba Ịsịnayị, dị ọ tụ́ ọọ hi ada ayị nịnị nị. Imosiisi ộ sị enube Ohomorihi ana aa mẹ ka ọza ọ̀ yàra pooro zịna-zịna va yị.

Aniroomi 3:2

Ohi amị ọ vị ka ọ́ọ nyị ọgụ ẹtẹẹtẹrẹ ini oze tụra oze. Ịpaapa da, Aniju nịnị Óhomorihi sị ịrẹyị anị chire ụvọ nị.

1 Anịkọrịntị 14:19

Ama màa yà ịnị ịragụ Ohomorihi, miī sì ka àa vị ịrẹyị ọchị ẹẹhị kẹnẹ mị kà nị, ma sị ịrẹyọyẹ amị kà a, agụvị ma zụ zụ̀ aza ịsa. Ọnọọ ọ dahi hu ka maa sị ẹkụra ọsaa kà ịrẹyị gigirigii hi ẹtẹ nị.

1 Anịkọrịntị 14:20

Ẹwụ nịnị ẹyịnyara amị, asị u rè ro ịrẹyị anka ezweyi nịnị! Re ka wee ro ịrẹyị anka ọza ana sị vịra! Wâ yẹ ka ezweyi ẹ mā mẹ̀ ịsa odivi; ẹwụ nịnị ọ̀ rẹ vavọọ yà anka ezweyi!

Anigaratiya 4:3

Avọọ gẹdẹ-gẹdẹ ọ mẹ̀ rẹ yà yị ẹyị nị. Ịjị ị vị ozweyi (ọnị ọ vị ka yẹẹ̀ yị yẹ enube ọyịza), ịnị ụvọ ọda oze ẹhẹ ọnọnị ị yà nị.

Anihwiripi 3:1

Ẹwụ nịnị ẹyịnyara amị, maa za ịrẹyị amị ịrẹsụ. Waa jẹ nịnị agụvị Ananyị yị. Ẹ yị nyị ọ mẹ̀ ka yị ẹmị, mèe ree tenyi ọ chẹrẹ ịsị mị rẹ vịdị sị chẹrẹ tụ́ hi wu nịnị.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

Anihiburu 10:32

Tamayị ịsa ana mẹ nịnị ịyẹẹyẹ, u mè re ẹtohweyi Ohomorihi nịnị ịpaapa! Wa daka yị rị ụya nịnị ẹtẹẹtẹrẹ, ama wa sị sị ẹngụ dọ ọ nịnị.

Anihiburu 5:11

Áa nyị ịsa ọrụrụ-ọrụrụ ọnị ị yaanị kà ini oze anị. Ama yẹ yị zụ kà a wụ nịnị, agụvị ka ịrẹyị ọ mā hụra ngụ wụ nịnị ụtọ.

Anihiburu 5:13

Ọza ene èe yii hú ịrẹva, vị vị ozweyi; ọọ̀ yị yẹ eyi ịrẹyị Ohomorihi.

Anihiburu 6:1

Agụvị avọọ, à vẹ yaa kà a tụ́ ọvịdị ịnị ịsa ana a vọrọ ka aza ana vịra ẹ̀ẹ kọ! Asị i re kuku ne nyima dị yaa zụ̀ wụ nịnị ịsa ịpaapa ini oze ịrẹyị Ikirisiti! Asị ị rẹ varẹma nyima dị yaa kà a ka we ro ịnẹ varẹma hụụnị ụkọrọ anaā wụ̀ ọza, dị ụ wa sị ayị tụra Ohomorihi nịnị!

1Ipita 2:2

Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị,

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.