Anihiburu 5:10 - IWE ỌNỊNỊ

¹⁰ Ohomorihi ộ nyị ọọ ka ọ̀ vị ohirẹsụ ọbanyị irehi Ohomorihi anka Imerikizẹdẹkị.

Anihiburu 5:10 ပူးပေါင်းရင်းမြစ်များ

Oyinyima 14:18

Di Imerikizẹdẹkị ohinọyị ẹkụra Ịsarẹmị ọnị rẹ vẹ nị. Ọnị vị ohirẹsụ irehi Ohomorihi ana nẹba hu keekere. Ộ za ịbụrẹẹdị ọnịrị eche.

Ahẹ Ụgama 110:4

Ẹnẹyịmavara ọ raà kà ịrẹyị, dị ọ hị́ eku tụ́ ọ nị, oyi kuku vee jesi ayị anị. Ọ kà Ẹwa vị ohirẹsụ irehi Ohomorihi pooro zịna-zịna anka Imerikizẹdẹkị nị.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

Anihiburu 5:11

Áa nyị ịsa ọrụrụ-ọrụrụ ọnị ị yaanị kà ini oze anị. Ama yẹ yị zụ kà a wụ nịnị, agụvị ka ịrẹyị ọ mā hụra ngụ wụ nịnị ụtọ.

Anihiburu 6:20

Ijeesu ọ raà dọ ọvịdị na ngụ ịzọọ agụvị ayị, agụvị ka ọ sị vara ohirẹsụ ọbanyị irehi Ohomorihi pooro zịna-zịna anka Imerikizẹdẹkị.