Anihiburu 4:2 - IWE ỌNỊNỊ

² A ma rẹ kà enube ọyịza ọnọnịị yị aanị, a rẹ kà a yị ẹnị ịnị ụnọmị nị. Ama ịrẹyị ana a kà yị wa ẹ yị mẹ ọgụvọ yị wa vụrụ-vụrụ, agụvị ka ẹ mẹ̀ wụ́ ọ, ẹnịnị ẹ yị dọ ọ wụ́.

Anihiburu 4:2 ပူးပေါင်းရင်းမြစ်များ

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Aniroomi 2:25

Wàa sị eyi pe ọda Ohomorihi, ụvẹvẹnẹ ọnị ụ jị nịnị ọ́ọ nyị ọgụ. Ama wẹ̀ yị sị eyi pe ọda Ohomorihi, vụ ụ kụkụ sị mẹẹ anka ọza ẹnẹ ẹ̀ yị jị ụvẹvẹnẹ avọọ nị.

Aniroomi 3:3

À kà a ka aza ẹnyị ẹnịnị ẹ yị dọ ịrẹyị ọnọọ wụ́, vị ọnọọ wáá zụ mẹ ka asị Ohomorihi ọnị rẹ kụkụ nyị ịzẹyịza nị?

1 Anịkọrịntị 13:3

Màa hyakụ nyẹngụ sị avaba ogu ọnị mị nyị mẹ ẹyịza, dị mị hyakụ zẹẹ ka à rị mị ịra nị, ama àa vị ka me yi sì ịrẹyị ọza, ẹ yị nyị ọgụ ịsị ọ vị yị mị.

Anigaratiya 3:2

Mee sì ka wa kà ịsa ọnya yị mị nịnị: Agụvị ka wáa saasa ọda Aniju nịnị, ụ wáá sị dọ Ụhwẹ Ọnịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ?

Anigaratiya 3:8

O si kù oni Iwe Ohomorihi kà a tịtẹ ka agụvị ka aza ẹnẹ ẹ̀ yị vị Aniju ẹ́ẹ dọ wụ́, Ohomorihi vaa sị jị ịhị yị wa nị. Agụvị avọọ dị Iwe Ohomorihi jintu kà enube ọyịza yị Abụrahamị tịtẹ nị ka, “Agụvị awụ Óhomorihi vaa mẹ ka ò zé yị avaba anẹhẹ nị.”

Anigaratiya 4:13

Wâ yẹ nịnị ka ẹngụ ana zị mị, ọ mẹ ka ma yà ịdị awụ nịnị, dị ma kà enube ọyịza wụ nịnị ịpaapa nị.

Iwe Ọhụhị Imosiisi ana aa hị́ Ọyịvatụrọda 1:32

Ama ẹnịnị ẹ yị sị ayị tụra Ẹnẹyịmavara, Ohomorihi ẹnịnị.

1 Anịtẹsaronika 1:5

Ị mẹ̀ vịdị va kà enube ọyịza wụ nịnị, ayị vị ịrẹka kẹnẹ ị za vẹ. Ohomorihi ộ sị ụkata anị zụ̀ ini oze enube ọnọọ. Enube ọnọọ vị ana hụụnị ụvọ Ụhwẹ Ọnịnị vẹ. Ộ sị zụ̀ ka enube ọnọọ vị ịzẹyịza. Wáa yẹ, ị mẹmẹ aa mẹ̀ ebira, ị mẹ̀ yà ịdị awụ nịnị ịzọọ. Agụvị awụ nịnị ị vavọọ aa sịị mẹ nị.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

1 Itimoti 4:8

Ọza èee tenyi ọchẹngụ anị, ọ́ọ nyị ọgụ chee. Ama ọza èee tenyi ebira ini oze ene zé Ohomorihi eyi, ọ́ọ nyị ọgụ ini oze tụra oze; agụvị ka ọ vaa mẹ ka ọza ọnọọ ọ̀ ra ẹhẹ obooro ịnị ẹhẹ ọnọnị ọnịrị ịnị ẹhẹ ana aa vẹ.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Anihiburu 4:6

Yáa yẹ ka aa yị nyị aza ẹnyị ana vaa ngụ ịzọọ. Ye re ree ka aza ẹnẹẹ ana a vịdị kà enube ọyịza ọnọnịị yị, ẹnịnị ẹ yị dọ ọ wụ́, agụvị avọọ ẹnịnị ẹ yị zụ ngụ ịzọọ.

Ijemiisi 1:21

Agụvị avọọ, sị ụvọ hụụnị avaba ebira ịdọtị ọnịrị ebira odivi nịnị! Ká ịrẹsụ hi yị Ohomorihi, dị ụ wa dọ ịrẹyị oni o chire tụ́ ịnị ayị awụ nịnị. Ịrẹyị ọnọọ ọ zụ dọ ụhwẹ awụ nịnị há nị.

1Ipita 1:12

Ohomorihi ộ sị zụ wa ka ẹwụ nịnị ẹyaa mẹ ụkọrọọ yị nị, ẹ́ yị vị ẹngụ ẹnịnị. Aza anaā kà enube ọyịza ệ kà a wụ nịnị, anka Ụhwẹ Ọnịnị ana a tụ́ hụrị ẹbẹẹba vẹ mẹ̀ sị ụkata yị wa. Anggẹẹrị nịnị nyẹmba bẹẹ ee sì ka eni è re ịsa ẹnẹnị.