Anihiburu 4:16 - IWE ỌNỊNỊ

¹⁶ Agụvị avọọ, à vẹ ya nyị ọtụtụrụma, di ye tere vẹ ọvịdị aga ohinọyị ịzị Ohomorihi yà dị aa mẹ ọyịzaa yị aza. Ịzọọ Ohomorihi vaa vayị ayị, dị ọ rẹ gụ yị ụvọ ịnị ụmẹ oni yèe sì ọgụvọ nị.

Anihiburu 4:16 ပူးပေါင်းရင်းမြစ်များ

1 Ịtọpa 28:11

Idevidi ộ sị iwe a mẹmẹ vaa dà irehi Ohomorihi ẹnẹẹ yị Isoromọnị. Á mẹmẹ vaa da aku ana aā kụ́ ịsaa hi nịnị, ọnịrị avaba aku ana vọ, beri ize hu keekere ana a vaa sịị yị Ohomorihi, ịzị a yaa vagu ịvịị yị aza vị ana yà ịnị iwe ọnọọ.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ireevi 16:2

Ọ̀ kà a yị ọyịnyara anị Eerọnị ka, à sị ọ sị avaba ụmẹ ngụ aha ọnịnị ịzị a sị ịta jị, agụvị ka ịzọọ ọnị yaā sị ẹngụụ zụ̀ ịnị eguhi, akẹbẹẹba oku apoti oto nị. Ẹ̀ yị saasa ịrẹyị ọnọnị vị ọnị aa wụ̀ ọ nị.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.

Anẹhwẹsọsị 3:12

Agụvị ka ẹyịrị ọ ọ sị vị ọnya, dị ị rẹ sị ayị tụra a nị, ya kụkụ nyị ọtụtụrụma, ye re re oze kà pe Ohomorihi. Ẹ yị nyị ịsị ee chire yi angwa.

Anihiburu 13:6

Agụvị avọọ ayị ayị ọ zụ vị́, dị yaa kà a ka, “Ananyị yị ọ vị ọnọgụvọ amị nị, me yi vee hí angwa. Sị ọza nyẹngụ mẹ mị?”

Anihiburu 3:6

Ama Ikirisiti ọnị vị ozi. Ộ nyị ịzẹyịza tụ́ ini eehi Ada anị. Ẹya vị aza anị ọnọọ nị, yaa nyị ọtụtụrụma, dị ị sị ịrajẹ sị eyi tụ́ ịnị ịsa ọnị yee zi eyi pooro nee tù ẹtẹ nị.

Anihiburu 7:19

Ọda Imosiisi ọnọọ ọ yị zụ mẹ ka ọza gụ. Ama ịsị Ohomorihi kụkụ sị vẹ, ọnị sị eyi tụra booro aanị o hu nị, agụvị ka ini oze anị ya zụ gụrị Ohomorihi.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Anihiburu 9:5

Ị́rẹsụ oku apoti ọnọọ â nyị anggẹẹrị ẹẹva aanị ana nyị ụbanyị ana a mẹ, ana aā hị́ Ikerubimi. Ệ gana avaka kú apoti ọnọọ. Ệ jẹẹ yị Ohomorihi ana yaayịtẹ ịzọọ, ịzị ọ yàā vayị aza nị. Yẹ yị nyẹngụ aa kà avaba anị chẹẹ-chẹẹ booro aanị.

1Ipita 2:10

Ịyẹẹyẹ wẹ́ yị vịdị vị aza Ohomorihi nịnị, ama booro aanị wa sị vara aza anị nịnị. Wẹ́ yị rẹ vịdị yẹ ayamva Ohomorihi nịnị, ama wa sị ọ yẹ nịnị booro aanị.